Unicode
မှူးမေမေ အသုဘချဖို့ အကုန်ပြင်ဆင်ပြီးလို့ ရက်လည်ဖို့လုပ်နေကြပြီ
မှူးကတော့...လှုပ်လည်းမလှုပ်ဘူး..ဒီအတိုင်းငြိမ်ပြီးထိုင်နေတယ်
ဘေးနားမှာလည်း ဝိုင်းပြီးနှစ်သိမ့်ပေးနေတဲ့ကျောင်းက မိန်းကလေးသူငယ်ချင်းအုပ်စုလည်းရှိနေတော့ စစ် မှူးအနားမသွားဖြစ်ခဲ့....
မှူး နဲ့ ခပ်လှမ်းလှမ်းမှာ စစ် ငေးကြည့်နေခဲ့တယ်...
မင်းပျော်ဖို့အတွက်ဆို ကိုယ် ဘာဘဲ လုပ်ပေးရ လုပ်ပေးရ လုပ်ပေးမယ်လို့ ကတိပေးတယ် မှူး....
"သား..."
"ဗျာ...မေမေ..."
"အခု မေမေကို ရှေ့နေတယောက်က ဖုန်းဆက်တယ်....မှူးတို့အိမ်က မကြာခင်အပေါင်ဆုံးတော့မှာတဲ့...မမြတ်...အိမ်ကိုပေါင်ထားတာ....."
"ဗျာ...."
"မမြတ်မှာ...ရောဂါရှိနေတာ...မေမေတို့မသိခဲ့ဘူး..သားရယ်...အီး..ဟီး....အခုသူ့ဆိုင်ရောအိမ်ပါ..ပေါင်ခဲ့တာ...အတိုးရောအရင်းရော...နဲ့ဆို..ပေါင်ဆုံးပြီတဲ့...ပြန်ထုတ်မယ်ဆိုရင်တောင်...မထုတ်ခိုင်းဘူးတဲ့...."
စစ်..ဘာမှမပြောနိုင်ဘဲ..ဆွံ့အနေခဲ့မိတယ်...
ကိုယ့်အမေဆုံးသွားတာတောင်မကြာသေး ကိုယ့်ရဲ့အမှတ်တရတွေသိမ်းထားခဲ့တဲ့ အိမ်ကိုတောင် သူများလက်ထဲကို ထည့်ပေးရတော့မှာတဲ့လား...
ဘယ်လိုတောင် ကျီစယ်လိုက်တာလဲ...ကံကြမ္မာရယ်...ဒီကလေးကိုမှ....
"မှူး...ကရော...မေမေ....သူသိလား.."
"သိမယ်..မထင်ဘူး...သား..."
"နောက်မှ...မေမေတို့ပြောပြကြမယ်လေ့...သူစိတ်မကောင်း ထပ်ဖြစ်နေမှာစိုးလို့...
အခုတော့....မေမေတို့ခေါ်ထားကြမယ်...."
"ကလေးလေး...သနားလိုက်တာ...."
"မေမေ..."
"အင်း..ပြောလေ့..သား...."
"ကျွန်တော်...မနှစ်ကဝယ်ထားတဲ့တိုက်ခန်းကိုသိတယ်မလား....အဲမှာ...ကျွန်တော်...မှူးနဲ့အတူတူသွားနေချင်လို့.....
ကျွန်တော်သူ့ကိုပျော်စေချင်တယ်..မေမေ...."
YOU ARE READING
𝒀𝒐𝒖 𝑨𝒓𝒆 𝑻𝒉𝒆 𝑶𝒏𝒆... 💛
RomanceYouAreTheOne ..... မင်းက ကိုယ့်ရဲ့ ထာဝရ တစ်ဦးတည်းသော ချစ်ရသူပါ 💛 စစ် နှစ်တွေအများကြီးကြာတဲ့အထိ ကိုယ့်တစ်ယောက်တည်းကိုပဲ ချစ်နေမယ်ဆိုတာ ယုံကြည်တယ် 💛 မှူး စစ်ငြိမ်းပိုင် & လရောင်မှူး (Myanmar Bl Fic) YouAreTheOne ..... မင္းက ကိုယ့္ရဲ႕ ထာဝရ တစ္ဦးတ...
