حبيبي 😻عسكري😘

#عنوان💗'#حبيبي_عسكري"💎👑

#عنوان 💖" #حبيبي_عسكري "⁦✨✨
الحلقة الأولى:💖
اليوم باش يجي يديني...نستنا في شمبرتي..اليوم عروسة ماشي كما كل العرايس..عروسة ترملت في عمر22سنة...بعد عام تزوجت لإنسان عمرها ماشافاتو...الشي الوحيد الي تعرفو عليه سمعتو من عند سامي(زوجها المرحوم)..صاحبو لانتيم...خطبها بعد عام من موت زوجها سامي..حبيبها الي خلات قرايتها على جالو...كان حبها..وكل شيء في دنيتها..
.......
💕قبل عام💕
سامي ونورسين تزوجو..تعرفو على بعض في مناسبة عيد ميلاد بنت خالتو كانت صديقة نورسين اعجبو ببعض ...ودامت علاقتهم سنتين....دات الباك وطلعت للجامعة ..وخلات قرايتها باش تزوجت بسامي...ظروف عايلتها كانت قاهرة....والدها يموت على المال...وزوجة باباها..طماعة اكثر منو......بزواجها بسامي تخلصت منهم....كي كانوا مخطوبين سامي مرض بالبروستات.....ولكن هي ماخلاتوش وتزوجت به....بعد شهر ...زاد عليه المرض....حتى توفى.....حزنت عليه حزن عميق...ورفضت كل الخطاب الي تقدمولها......حتى في يوم جاها....إنسان ماتوقعتش يجي يخطبها...
صونا الباب....حلت اختها الصغيرة..
مروى: نعم شكون تسحق.
نوفل: نحتاج السيد عمراني خليل..
مروى: بابا..شكون نقولو..
نوفل: قوليليو واحد يسحقك في قضية..
مروى: بقا لهنا نقولو ونرجع..
فاتت مروى للدار....بقا برا قدام الباب يديه فالجيب يتفرج على الدروج.....بعد مدة رجعت. مروى: تفضل..بابا يستنى فيك..
دخل عينين فالأرض...ستناها قفلت الباب وتبعها..
مروى: تفضل..بابا ..هذا هو الي يحوس عليك..
نوفل: السلام عليكم...واش راك سي خليل..
خليل: لاباس ولدي...تفضل جوز..
..في الكولوار..مروى اعترضها خوها بلال
بلال: شكون..جا مروى..
مروى: راجل يحوس على بابا..
بلال: شكون هذا واش يسحق..
مروة: ادخل وشوف..ماعلاباليش..
بلال: ايا طيري لبيتك...
دخل عليهم بلال....سلم وقعد..
خليل: ايه...ولدي واش مناسبة الزيارة...
نوفل: انا جيت نخطب بنتك
خليل: بنتي..شكون فيهم؟
نوفل: بنتك لكبيرة...
خليل: امم..منين تعرف انت بنتي لكبيرة وشكون قالك عليها..
نوفل: بنتك...امانة في رقبتي..وجيت نديها..
بلال: حبس حبيبنا..فهمنا في هذي لامانة..
نوفل: سامي الله يرحمو...كان صاحبي....وصاني عليها قبل مايموت...قالي تهلا فيها..
خليل عدل لقدة تاعو..: وانت كي وصاك سامي جيت تزوجها باش تنفذ وصيتو..
نوفل: ايه عمي...هذي وصية المرحوم ليا..
بلال: واش يخلي واحد كما انت صغير...بوقوص وباين..عندك..(وحك صباعو جاست تاع عندك دراهم) تزوج وحدها أرملة ماتعرفهاش لمجرد وصية من صاحبك...
نوفل: المرحوم عندو دين في رقبتي مالقيت باش نسدد دينو..
خليل خزر في بلال: وشحال تمد شرطها....
نوفل: الي تقولو عليه راني قابلو...
بلال: ومستعد تدفع الي نقولو عليه؟ بابابا...هذا باين دين صحيح مع المرحوم...المهم خلينا في المفيد شحال تحط...
نوفل: انتم قولو وانا جاهز...
خليل: 50 مليون...بلا الذهب والجهاز...
نوفل عرف بلي طاح في عيلة طماعة...: اوك موافق...والمرا راهي قابلة؟
بلال: تقبل بسيف عليها...
خليل: ايا توكلنا على ربي..
نوفل: مدابيا مانطولوش..انا نسكن بعيد..وخدام...نديرو الفاتحة والعقد ونهز طول..
بلال: واش عليه حبيبنا...متهني..
نوفل': نومرو ديالي.. عيطولي نستنا..
خرج نوفل ..والي كان متحسر على العايلة الي راح يناسبها...
.. عنوان💖حبيبي عسكري💖 #بعتوو طلباات صداقة👥 باش تبان و توصلكم الحلقاات والله متندمو على قريتوها وضيفو صحباتكم للقروب 💋 باش تكبر لملمة 😘💋
#يتبع