الحلقة الاولى :
تجلس بالقرب من شاطئ اسكندرية المميز تحتسي بعض القهوة المانو .. تلك القهوة التي لا يزيد السكر بها عن الحد المعقول ولا ينقص عنه .. تشبه حياتها الهادئة والمستقرة الي حد كبير .. فهي تتزوج من رجل يجعلها ملكة متوجه على عرش قلبه .. وقد كان ذلك بعد قصة حب تحاكت على ألسنة كل من يعرفهما .. تنتظر رفيقة الدرب التي لطالما كانت بئر أسرارها والمقربة الي قلبها بشكل يصعب على من يعرفهما تصديق كونهما مجرد صديقتين .. ففي مراحلهما التعليمية والتي انقضت منذ عامين فقط بحصولهما معًا على شهادة البكالوريوس في التجارة الإنجليزية كان الجميع يصفهما بالتوأم .. ألم يُقال منذ امدٍ بأن المقربين تتطبع أشكالهم .. فيظن من يراهما كونهما أخوين او أختين !.. هما معًا يحققان هذا التشابه الجذاب .
لم يمضي سوي بضعة دقائق فقط ليأتيها صوت رفيقتها ممازحة : انا جيييت .
رغد بجانب عينها : ما لسه بدري يا ختي .
مي : والله يا ختي انتي اتصلتي وانا لبست ونزلت على طول .
رغد : طيب .. شوفي هتشربي ايه عشان اطلبهولك .
مي وهي تمسك بالكوب الذي يقبع أمام رغد فوق الطاوله : استني اما ادوق اللي انتي بتشربيه الأول كده .
انهت جملتها وهي ترتشف من كوب القهوة الخاص برغد مما جعل الأخيرة تلوي شدقيها بتقزز متمتمة : يع يا مقرفة .. مش هتبطلي ام العادة اللي فيكي دي !
مي وهي تلاعب حاجبيها بعبث : لع اللع .
ضحكت رغد رغمًا عنها وهي تتمتم من بين ضحكتها : طب والله مجنونة .
مي : طب خلاص بقا سيبك وقوليلي .. كنتي سرحانة في ايه كده ؟!
رغد بتنهيدة : قلقانة يا مي .. قلقانة اوي .
مي عاقدة حاجبيها : ايه يا بنتي بس استهدي بالله كده .. اي قالقك في ايه ؟
رغد بتنهيدة : حماتي .. لينا انا واحمد شهرين بس متجوزين وبتتتكلم في حوار الخلفة من دلوقتي .
مي بعدم فهم : انتي مش عايزة تخلفي يعني دلوقتي ؟
رغد مصححة : لا لا مش القصد .. انا قصدي انها مستعجلة اوي .
مي : هو في الاستعجال ففعلا هي مستعجلة .. انتي لسه شهرين بس صحيح .. أكيد مش ارنبة يعني ايه ده !
ضحكت رغد رغما عنها وهي تتمتم من بين ضحكاتها : يخربيت تشبيهاتك .. ده انتي فصيلة .. وبعدين تعالي هنا .. هو انا لما كلمتك وقلتلك ننزل مش قلتي متضايقه ومخنوقة .. متضايقة من اي بقا ؟
مي بتنهيدة : يختي فوكك .. انا اه ابقي مخنوقة ومتضايقة وبعيط كمان .. بس مبحبش افضل في المود ده كتير .. بصي من الاخر يعني جرحي بيلم بسرعه .
أنت تقرأ
طرف تالت
General Fiction#مقدمة : انتقال الفتاة من بيت والدها إلى بيت زوجها المكون من عدة غرف هي المسؤلة عن نظافتهم وتجميلهم أمر صعب ، أن تترك دلال والدها وحنان والدتها وتصبح في كنف رجل آخر شيء ليس بهين ، أن تصبح هي العمود الفقري لذاك المنزل والنصف الآخر لصاحبه أمر يتطلب ال...
