الفصل السابع
دام الصمت بينهما لوقت طويل حتى قطعته مي بتساؤل :
انت فعلا واثق فيها أوي كده ؟
خالد مُحنيًا شفتيه للأسفل قليلًا :
والله أنا تعاملي معاها في حدود الشغل .. وشخصية زي ناني بتروح وتيجي بالفلوس ميتوثقش فيها أكيد .. إحنا نضمنها بالفلوس .. وطول ما مدحت السيوفي لابس برنيطة وميعرفش حاجة عن الكاميرا اللي هتتزرع فإحنا أكيد في أمان .. وحتى لو عرف هو ملوش عندنا حاجة ولا إيه ؟
مي بتنهيدة :
أنا الحقيقة يا أستاذ خالد مش متطمنة .
خالد بتفكير :
هي مجازفة الحقيقة يا أستاذة مي .. ولو مش مستعدة ليها .. إحنا لسه على البر .
مي :
لا طبعًا بر إيه .. هنكمل أكيد .. بس المفروض إن أنا أمشي بقا عشان الكلام يبقى بينكم وهي متشدش خيط لما تشوفني .
خالد بابتسامة :
من الواضح إني بتعامل مع مديرة أعمال خطيرة .
مي بجانب عينها :
لازم كل واحد ياخد حقه يا أستاذ خالد .. بعد إذنك .
غادرت مي ليتنهد خالد بقوة متسائلًا عما قد يجعل قاسم يترك فتاة مثلها .. إنها تبدو كشعلة نشاط وحيوية .. ترى هل هي سيئة أم أن أمر مرضه هو من دفعه لذلك؟ .. أم أنها هي من طلبت الانفصال حينما علمت بمرضه ؟ ولكن قاسم طالبه ألا يخبر أحدًا وهذا يعني أن لا أحد يعلم بالأمر .. زفر بحدة وهو ينادي النادل كي يأتيه بكوب من الليمون .
-----*-----*----------*-----*-----
دلفت إلى منزلها بإنهاك لتستقبلها والدتها متمتمة بقلق :
مي يا حبيبتي .. اتصلت بيكي كتير مردتيش قلقت عليكي .
مي :
معلش يا ماما فوني سايلنت من وقع ما كنت في إجتماع تبع الشركة .. في حاجة ولا إيه ؟
حنان بابتسامة :
أبدًا .. بس ليلى كلمتني وعزمانا على العشا الليلة .
مي بتعجب :
عشا ؟.. عشا إيه يا ماما؟.. واشمعنا يعني؟
حنان :
علمي علمك والله يا ختي .. بس م الواجب نلبي الدعوة .
مي بتنهيدة :
خدي رهف يا ماما وروحي ... أنا هنام أصلا عشان تعبانة .
حنان :
لا طبعًا مينفعش .. ازاي يعني متجيش .. بصي هنروح صد رد كده مش هنتأخر .
مي :
يا ماما بس ...
حنان :
لا بس ولا مبسش بقا .. عشان خاطري .
مي بإرهاق :
حاضر يا ماما .. هدخل أعمل شاور .
حنان بابتسامة :
تمام يا حبيبتي .
-----*-----*----------*-----*-----
دلف إلى منزله وصوت صفيره السعيد يسبقه لتستقبله معشوقته بأجمل ابتسامة قد تكون ..
أحمد بغمزة :
إزيك ي دودو وإزي يومك ؟
رغد بابتسامة وهي تحمل عنه ما يحمله :
الحمد لله يا حبيبي .. حمد الله على سلاماتك .. إيه الحاجة دي ؟
أنت تقرأ
طرف تالت
General Fiction#مقدمة : انتقال الفتاة من بيت والدها إلى بيت زوجها المكون من عدة غرف هي المسؤلة عن نظافتهم وتجميلهم أمر صعب ، أن تترك دلال والدها وحنان والدتها وتصبح في كنف رجل آخر شيء ليس بهين ، أن تصبح هي العمود الفقري لذاك المنزل والنصف الآخر لصاحبه أمر يتطلب ال...
