Бүх зүйл дээрдсэн. Бидний харилцаа, түүний муу тал, миний түүнийг гэх сэтгэл мөн бидний хандлага анхны уулзалтаас хэд дахин илүү гүн гүнзгий утга учиртай болсон.
Бидний туулсан амьдрал тийм ч гэрэл гэгээтэй ариухан байгаагүй. Үргэлж л үзүүртэй сэлмэн дээр бүжиж буй мэт тарчлааныг сэтгэлдээ мэдэрч , хийсэн зүйлийнхээ төлөөсийг чамгүй амссаар байв.
Хэн нэгний амь насыг таслахдаа дусал ч нулимс унагадаггүйгээр үл барам түүнийгээ зөвтгөн гэмтнийг яллаж байна хэмээн итгэсээр өөрийнхөө гарыг цусанд дүрсэн мунхаг нэгэн.
Тэр мунхаг нэгнийг хайрласан мунхаг бүсгүй. Залууг дүгнэсэн өнгөцхөн бодлоороо түүнээс эмээж , түүнийг үзэн ядаж зугтахыг хүсдэг байсан ч цаг хугацаа өнгөрөх тусам эмээх бус ойлгож, үзэн ядах биш хайрлаж эхэлсэн .
Өөрийнхөө ертөнцөд үл таних нэгнийг оруулах эсэхийг чин үнэндээ тархи бус зүрх шийддэг юм.
Үсээр минь наадан , дулаахан энгэртээ тэвэрсээр " Миён " гэх нэрийг минь аяархан дуудахад би үзэж буй киноноосоо харцаа салган толгойгоо үл ялиг дээш өргөхөд Жонгүг өөдөөс минь инээмсэглэн " Анхных" гэв.
Би түүний хэлсэн үгийг ойлгож ядан хөмсгөө өргөхөд тэр намайг шоолох маягтай хөхрөн удалгүй хацар дээр минь шоб хийтэл нь өхөөрдөн үнслээ.
" Хайртай хүнтэйгээ кино үзэж бас ингээд тэврэлдээд хэвтэж байгаа нь анх удаагийнх . Тэгээд тэр хүн чинь зөвхөн Миён гэх галзуу бүсгүй чи байгаа нь сайхан байна "
Би инээд алдсаар " Би галзуу бүсгүй бол чи сэтгэцийн өвчтэй залуу . Тиймээс л бидний харилцаа илүү сонирхолтой бас аюултай байгаа юм... Төгс биш гэж үү ? Яг л гэмт хэрэг хайр дурлалтай киноны гол дүрүүд шиг "
Жонгүг хамрыг минь чимхэн " Энэ кино шиг үү ? " гээд эрүүгээрээ урагш заан үргэлжлүүлэн " Гэхдээ би хамаагүй царайлаг юм " гээд гол дүрийн залуутай өөрийгөө харьцуулахад нь би толгойгоо сэгсрэн түүний жаахан хүүхэд шиг занг өхөөрдөн инээсэн ч удалгүй " Үгүй ээ, надад лав энэ хоёр таалагдахгүй байна "
" Яагаад "
" Тэд бие биедээ сайн ч эцэст нь хоёулаа өөрсдийнхөө замаар явцгааж байна шүү дээ. Зүгээр л энэ бүхэн тэдний хувьд юу ч биш байсан юм шиг салчихлаа. Тиймээс хоёулаа яасан ч энэ кино шиг утгагүй төгсөж болохгүй "
" Миний Миён ийм ухаантай шүү... Хоёулаа үүрд хамт байх болно оо , битгий санаа зов " гээд намайг тайвшруулах маягтай духан дээр минь үнсэх бол би түүнийг тэврэх гараа чангалан уртаар санаа алдана.
BẠN ĐANG ĐỌC
Psycho || JJK || Дууссан
FanfictionХайртай бүсгүйгээ өөрийн гараар хөнөөсөн алуурчин... 🎭 Чиний хайр намайг дотроос минь идэж байна Жон Жонгүг. ❗️ Уг өгүүллэг нь " Өргөмөл " өгүүллэгтэй шууд холбоотой болно.
