Nawala sa konsentrasyon sa pagda-drive si Elmo nang mapatingin siya kay Julie na naka-upo sa tabi niya.
Hindi ito mapakali sa kinauupuan niya at panay din ang kuskos nito sa kanyang mga palad.
“Bakit hindi ka nagsasalita dyan?
Kanina lang ang ingay-ingay mo habang nilalait mo yung mga niluto ko.” Tumingin siyang muli sa daan.
“Ano ka ngayon Julie?” Natatawang sambit niya.
“Pwede ba Elmo,
tumahimik ka nalang lalo mo lang akong pinapakaba sa ginagawa mo.”
“Kinakabahan?”
Sinulyapan niya saglit ang namumutlang mukha ni Julie.
“Eh daig mo pa ang white lady sa mga napapanuod ko sa horror movies sa itsura mo ngayon.” He laughed again.
“Salamat talaga sa suporta.”
May pag-irap na sambit niya.
“Tsaka mo na ako pasalamatan kapag sumi-sweldo ka na.” Dahan-dahang ipinihit ni Elmo sa kanan ang manibela at pumarada sa bakanteng lote.
“Bakit nandito tayo sa salon akala ko ba sa company niyo tayo pupunta?” nagtatakang sambit ni Julie habang pinagmamasdan niya mula sa loob ng kotse ni Elmo ang gusaling nasa harapan nila.
“Simple lang-”
Kinuha niya ang shades niya sabay baba ng sasakyan upang pagbuksan niya ng pinto si Julie at alalayan ito.
Hinintay niya muna itong makababa bago niya itinuloy ang kanyang gustong sabihin.
“Ayokong sabihin na pinapabayaan kita kaya habang hindi ka pa marunong mag-ayos ng sarili mo dito ka muna magpapa-ayos.”
“Ayoko mahal.”
Mabilis na pag-angal ni Julie.
“Sinabi ko bang ikaw ang magbabayad?”
Nilock niya muna ang sasakyan niya bago niya hawakan ang kamay ni Julie para dalahin ito sa loob ng salon.
“Elmo sobra na ‘to.”
Bumitaw siya kay Elmo bago pa man sila makarating sa entrance ng salon na iyon. “Okay na naman ‘to ah.”
Ipinakita niya ang mga suot niyang corporate attire.
She was wearing a black dress, some accessories which complement her dress and a killer blue stiletto.
Inexamine ni Elmo si Julie mula ulo hanggang paa sabay tingin muli sa mukha nito. “You look good-” He paused.
“Yes.” Hinubad niya ang shades niya.
“Pero may kulang, nakukulangan ako.”
“Ano ba ang kulang?”
“Your face is pale tsaka-”
tiningnan niya ulit ang buong postura ni Julie bago siya muling magsalita. “Your lips don’t look kissable to me.”
He said naughtily.
“Para namang gusto kitang halikan.”
She bit her lips. “Pero ganun ba talaga kasagwa?”
Tango na lamang ang sinagot ni Elmo kasabay ng kanyang unsatisfied look.
Dahil narin sa reaksyon ni Elmo ay napilitan na si Julie na pumasok sa loob ng salon upang sundin ang payo nito sa kanya na magpa-ayos bago sumabak sa kanyang unang araw ng trabaho.
***
“Ayan ba talaga ang asawa ni Sir Elmo? Artistahin pala no?”
“Oo, ang alam ko sabi sa chismis sa production siya ata yung magiging bagong fashion designer dito.”
“Bagay nga sa kanya yung trabaho niya, siguro galing siya sa mayamang pamilya no? Ang ganda-ganda niya, bagay na bagay ang mukha niya at ni Sir Elmo.”
“At yung tangkad nila swak lang kapag magki-kiss.”
“Harot mo.”
“Bakit ba totoo naman.”
