Unicode.
အခန်းမီးကိုပိတ်လိုက်ပြီး ခုတင်၏လက်ယာဘေးဘက်ကနံရံအား ကာထားသောလိုက်ကာအားလုံးကိုဖွင့်ပစ်လိုက်သည်နှင့် အခန်းတွင်းသို့ တိမ်များကင်းစင်နေသောလရောင်ဖွေးဖွေးတို့ကအပြိုင်အဆိုင်ဖြာကျလာသည်။လသာညများအတွက် အိပ်ခန်း၏ဘေးဘက်နံရံအားမှန်အကြည်များဖြင့်ပြုလုပ်စေခဲ့သည်။အိမ်ကလေးထဲမှထိုအပြင်အဆင်လေးကလည်း ခ အကြိုက်ဆုံးဖြစ်နေပြန်သည်။ခမှာအိမ်ကလေးကိုသဘောလွန်း၍'ရန်ကုန်မပြန်တော့ဘူး၊ဒီမှာပဲနေတော့မည်'ဟုတတွတ်တွတ်ပြောလို့မဆုံးဖြစ်နေသည်။
ခ ကဝိုင်တစ်ပုလင်းနှင့်ညနေကမြို့ခံအသိတစ်ယောက်လာပေးသောခေါင်ရည်တစ်ပုလင်းတို့ကိုယူ၍အခန်းထဲသို့ဝင်လာသည်။ဆောင်းရာသီမဟုတ်သော်လည်းချင်းတောင်မြို့လေးဖြစ်သောကန်ပက်လက်မှာအနည်းငယ်အေးသဖြင့်ဒီည အအေးဓာတ်ကိုအကြောင်းပြုကာနည်းနည်းပါးသောက်ရန် ခ ကိုခွင့်တောင်းထားရခြင်းဖြစ်သည်။သူလည်းခေါင်ရည်မသောက်ဖူး၍သောက်ကြည့်မည်ဟုဆိုကာခွင့်ပြုပေးခြင်းပါပေ။
"ဝါး.....လပြည့်ညဆိုပိုတောင်လှနေသေးတယ်"
လက်ထဲကပုလင်းတွေကိုချရင်း အခန်းပြင်ကလမင်းဆီသို့လှမ်းမျှော်မော့ကြည့်ကာပြောသည်။
"သောက်စရာကတော့ဟုတ်ပါပြီ၊အမြည်းကဘယ်မှာလဲ ခရဲ့၊အမြည်းမပါဘဲ ဒီတိုင်းများသောက်တော့မလို့လားကွာ""
"သြော်...အမြည်း..ဟုတ်သားပဲ၊မေ့နေတာဟီး...ဟီး...သွားယူလိုက်အုံးမယ်"
အခန်းထဲမှလှစ်ကနဲထထွက်သွားပြန်သည်။
အခန်းထောင့်က ဂစ်တာကိုယူပြီး မှန်နံရံကိုကျောခိုင်း၍မှီထိုင်လိုက်ပြီး ဂစ်တာကြိုးကိုပြန်ချိန်ညှိရင်း ခ ကိုစောင့်နေလိုက်သည်။ခဏနေတော့ လက်ထဲမှာပစ္စည်းတွေအပြည့်နှင့်ပြန်ရောက်လာသည်။ယူလာတဲ့အမြည်းတွေကိုကြည့်လိုက်တော့သူရဲ့မရှိမဖြစ်ရိက္ခာတွေဖြစ်ပါသည်။ကျွန်တော့်ကိုဒါတွေနဲ့ပဲပေးမြည်းတော့မည်ထင်သည်။
"အမြည်းကဒီSnackတွေလား ခ ရ"
"အင်းလေ ဘာလို့လဲ၊မကြိုက်ဘူးလား၊မင်းမကြိုက်ရင် ငါကြက်ဥကြော်ပေးမယ်လေ၊အသားတော့မရဘူးနော်"
YOU ARE READING
I HAVE THE PICKY BOY (Completed)
Historia CortaSWEET IS HERE! ကျွန်တော် သက်သက်လွတ်မစားလျှင် ဥပုတ်စောင့်ရပြီး ညစာငတ်တတ်ပါကြောင်း ကြၽန္ေတာ္ သက္သက္လြတ္မစားရင္ ဥပုတ္ေစာင့္ရၿပီး ညစာငတ္တတ္ပါေၾကာင္း HAPPYENDING❤ JUST A FANTASY. Knyait.
