Unicode.
"ဖိုးဉာဏ် ငါ့တူထတော့ ပြည်ကိုရောက်ပြီ"
"အင်...ဟင်....ရောက်ပြီလား"
မကြည်မလင်ဖြစ်နေသော မျက်လုံးတို့ကိုပွတ်သတ်ကာရှင်းရင်း အပြင်ကိုကြည့်လိုက်တော့ရုံးဝန်းထဲသို့ပင် ကားပါကင်ထိုးပြီးနေပြီဖြစ်သည်။ရုံးထဲမှ ရုံးခွဲတာဝန်ခံမန်နေဂျါမသက်စံ ကကျွန်တော်တို့ကားထံသို့လျှောက်လာနေသည်။
"ရောက်ပြီကွ၊မင့်နှယ်တစ်လမ်းလုံးအိပ်လာလိုက်တာ၊ညဘက်အိပ်ရေးမဝဘူးလား၊အင်းလေ....လုပ်ငန်းရှင်တစ်ယောက်ဖြစ်လာတော့အလုပ်တွေပိုလာပြီကိုးကွ၊ပင်ပန်းတော့မပေါ့"
ဦးကိုလေးကသူ့ဟာသူမေးကာသူ့ဟာသူပြန်ဖြေနေသည်။ဦးကိုလေးထင်မြင်ချက်ကြောင့် အနည်းငယ်တော့ရယ်ချင်သွားသည်။အလုပ်တွေများလာသဖြင့် ညဘက်အိပ်ရေးမဝဘူးဟုသော ထင်မြင်ချက်က တက်တက်စင်အောင်လွဲနေသည်မဟုတ်လား။ညက တစ်ပတ်စာရိက္ခါကြိုယူနေလို့ အိပ်ယာဝင်နောက်ကျသွားခြင်းလေ။ထို့ကြောင့်တစ်လမ်းလုံး နှစ်နှစ်ချိုက်ချိုက်အိပ်ပျော်နေခဲ့သည်မှာ အခု ဦးကိုလေးနှိုးမှသာ နိုးတော့သည်။
နိုးနိုးခြင်း ဖုန်းကိုဖွင့်ကြည့်လိုက်သည်။ထင်သည့်အတိုင်းပင် ခဆီကMassageတစ်စောင်ရောက်နေသည်။
#ရောက်ရင် ဖုန်းဆက်နော်#တဲ့။ပို့ထားသောစာလေးကိုကြည့်ကာ တစ်ချက်ပြုံးလိုက်ပြီး ချက်ချင်းဖုန်းခေါ်လိုက်သည်။သိပ်ကြာကြာမစောင့်ဖုန်းတန်းဖြေသည်။
"ဉာဏ် ရောက်ပြီလား"
"ရောက်ပြီ ခ၊အခုပဲရောက်တယ်"
"ဟင်...ခုမှ4:00ပဲရှိသေးတယ် မြန်လှချည်လား ဉာဏ်ရ၊ဘယ်လောက်တောင် မောင်းသွားကြတာလဲ"
ရန်ကုန်မှ နေ့လယ်11:00နာရီခန့်ကစထွက်ခဲ့သည်။ပုံမှန်ဆိုလျှင်ကြာချိန်က 5:30ခန့် ကြာသင့်သော်လည်း အနည်းငယ်မြန်မြန်မောင်းလာခဲ့သဖြင့် ပြည်သို့ရောက်တော့ ကြာချိန်က ငါးနာရီခန့်သာ ရှိသဖြင့် ခ ကမြန်သည်ဟုပြောခြင်းဖြစ်သည်။
"နည်းနည်းပဲပိုမြန်တာပါ ခရဲ့၊ဦးကိုလေး ကကျွမ်းပြီးသားပဲ၊မစိုးရိမ်ပါနဲ့"
YOU ARE READING
I HAVE THE PICKY BOY (Completed)
Cerita PendekSWEET IS HERE! ကျွန်တော် သက်သက်လွတ်မစားလျှင် ဥပုတ်စောင့်ရပြီး ညစာငတ်တတ်ပါကြောင်း ကြၽန္ေတာ္ သက္သက္လြတ္မစားရင္ ဥပုတ္ေစာင့္ရၿပီး ညစာငတ္တတ္ပါေၾကာင္း HAPPYENDING❤ JUST A FANTASY. Knyait.
