(Unicode) " သြော် ကိုင်မှကိုင်ပါဦးမလားလို ဆရာရှောင်ရယ် "
လက်စသတ်တော့ ဖုန်းခေါ်သောကောင်လေးက သူ့တပည့် ယွမ်ဖေးလေးသာ ဖြစ်နေပါသည်။
" အင်း။ ယွမ်ဖေး။ ဘာကိစ္စရှိလို့လဲဟင်? "
ဆိုင်တစ်ခုလုံးကို သူ့ခေါင်းပေါ် ပုံချခဲ့ပြီး အဆက်သွယ်ပြတ်နေတဲ့ရှောင်ကျန့်ကို ယွမ်ဖေးက ဘာကိစ္စနဲ့များ ဆက်ရဦးမှာလဲ?
ဆိုင်ရှင်ကြီး ရှောင်ကျန့်၏အမေးစကားကတော့ ယွမ်ဖေးကို သက်ပြင်းလုလု ချစေခဲ့လျှက်။
" ဘာကိစ္စရှိရမှာလဲ ဆရာရှောင်ရယ်။ ဆိုင်ကိစ္စပေါ့။ ကျွန်တော်တစ်ယောက်တည်း မနိုင်ဘူးလေ။ ဆရာရှောင် တော်တော်အခြေနေဆိုးနေတာလားဟင်။ ကျွန်တော် လာတွေ့ဦးမယ်။ လိပ်စာလေး ပြောပြပေးပါလား? "
ယွမ်ဖေးဟာလည်း တပည့်ကောင်းပီပီ သတင်းလာမေးဖို့ ပြောတော့ ရှောင်ကျန့်မှာ ရိပေါ်ရဲ့စကားတွေကိုပြန်ကြားပြီး ခေါင်းအခါခါရမ်းကာ တားမြစ်လိုက်မိသည်။
" မ မလာနဲ့။ "
" ဟင်? ဘာလို့လဲ? ဆရာရှောင် နေမကောင်းဘူးဆို ကျွန်တော် လာမေးရမှာပေါ့ "
" ဟိုလေ မလာနဲ့။ မင်းလာလို့မဖြစ်ဘူး။ ငါအခု ဆေးရုံမှာမို့။ ငါနေကောင်းမှ ပြန်တွေ့ကြတာပေါ့။ ဆိုင်ကို မင်း မအားရင် ပိတ်ထားပေးပါလား? "
ရှောင်ကျန့်လည်း ဟိုဝေ့သည်ဝိုက်လိမ်ညာပြောရင်း ဆင်ခြေပေးလိုက်တော့ ရိုးတိရိုးကန်း ယွမ်ဖေးလေးမှာ တကယ်မှတ်ပြီး ထိတ်လန့်သွားလေသည်။
" ဗျာ။ ဆရာရှောင် ဘာရောဂါဖြစ်တာတုန်း။ "
" ဟိုလေ။ အေး အေး ဟိုဟာ အေးကွာ. . "
ယွမ်ဖေးက ရောဂါမေးလေတော့ ရှောင်ကျန့်မှာ ရုတ်တရက်ကြီးမို့ ဘာပြန်ဖြေရမှန်းမသိ အထစ်ထစ်အငေါ့ငေါ့ဖြစ်သွားရသည်။ ဒါကို အထာကောက်မြန်တဲ့ ယွမ်ဖေးက ဘယ်လိုထင်သွားသလဲဆို. . .
" ဗျာ. . ဆရာရှောင် A ဖြစ်နေတာလား? "
" ဘာကွ "
ဘယ်သူနဲ့မှ ထိတွေ့ဆက်ဆံမှုမရှိတဲ့ သူ့ကို Aလို့ ထင်မြင်ပေးလိုက်တော့ ရှောင်ကျန့်မှာ တော်တော်လေး ဒေါသထွက်သွားခဲ့မိသည်။
YOU ARE READING
Beijing Vampire(Complete)
Paranormalကိုယ်ဝန်ဆောင်သည် မိန်းမတစ်ဦးကို vampireကူးစပ်လာတာကနေ ဖြစ်ပေါ်လာသော ပြဿနာအရှုပ်အထွေးများနှင့် အချစ်ဇာတ်လမ်းများ. . . ဤFictionသည် စာရေးသူ၏ကိုယ်ပိုင်ဖန်တီးမှုတစ်ခုဖြစ်ပြီး စိတ်ကူးယဉ်ဇာတ်လမ်းသပ်သပ်သာ ဖြစ်ပါသည်။ Update စသည့်နေ့ - 29.6.2020 #Yibo #XiaoZh...
