(Unicode) လန့်လွန်းလို့ မျက်ရည်တွေ၊ ချွေးတွေ ပြည့်နှက်နေတဲ့ ယွမ်ဖေးရဲ့မျက်နှာလေးကို ချိုသာသောအပြုံးနှင့်Nစိုက်ကြည့်ရင်း ရှေ့ဆက်တိုးလာလေသည်။
" လူယုတ်မာကြီး။ မလာနဲ့လို့။ ကျွန်တော့်အနား မလာနဲ့ "
သူ့ကို အနိုင်ကျင့်တဲ့လူတွေလက်ထဲက ကယ်တယ်ဆိုပေမယ့် အရမ်းရက်စက်လွန်းနေ၍ သူ့လုပ်ရက်တွေကို ယွမ်ဖေး မုန်းတီးမိသည်မို့ ပါးပြင်ပေါ် မျက်ရည်တွေ တောက်တောက်ကျလာတော့၏။
" လူယုတ်မာကြီးတဲ့လား? ငါက မင်းကိုကယ်ပေးတာလေ။ "
" မလိုချင်ဘူး။ ကျွန်တော့်ကြောင့်ဆိုတဲ့ ခေါင်းစဉ်မတပ်နဲ့။ ခင်ဗျားက လူယုတ်မာကြီးပဲ "
ယွမ်ဖေးမှာ သူ့စေတနာကို မမြင်မိပဲ ငြင်းထုတ်နေမိရာ Nနားလည်ပေးလိုက်ပြီး သူ့ရဲ့ရှေ့သို့ ငုတ်တုတ်ထိုင်ချရင်း ပွန်းပဲ့ဒဏ်ရာတချို့နှင့်သွေးထွက်နေသော ယွမ်ဖေး၏လက်ဆီသို့ မျက်စိရောက်သွားခဲ့သည်။ လက်ထဲမှာလည်း ပိုက်ဆံကိုမြင်ရတော့ ထိုကောင်လေးဘဝကတော်တော်မလွယ်မှန်းသိကာ N စိတ်မကောင်းဖြစ်မိသွားရသည်။
" 45yaunလောက်နဲ့ အနိုင်ကျင့်ခံရအောင် မင်း တုံးနေလား? "
" ခင်ဗျားအပိုမပါဘူး။ အ! ဘာလုပ်တာလဲ? "
ခေါင်းမာနေသည့်ပုံစံလေးနှင့် စိမ်းကားစွာပြန်ပြောလာနေ၍ N သူ့ကိုစိတ်မရှည်စေ၍ ချက်ချင်းဆိုသလို သူ့ရဲ့လက်ကို သူဆွဲကိုင်လာခဲ့သည်။ ထို့နောက် ယွမ်ဖေးဆုပ်ကိုင်ထားသောပိုက်ဆံလိပ်ကို အသာဆွဲထုတ်ရင်း သွေးဆို့နေသောလက်ချောင်းလေးများကို ပါးစပ်ထဲ စုပ်ယူဆွဲသွင်းလိုက်ရာ -
" လွှတ် ! လွှတ်လို့ "
ဒဏ်ရာထက်သို့ Nဆီက နူးညံ့တဲ့လျှာဖျားရဲ့အထိအတွေ့ကြောင့် ယွမ်ဖေး ပုခုံးတစ်လျှောက် တွန့်သွားပြီး လက်ကို ပြန်ရုတ်သိမ်းလိုက်မိသည်။
" ငါနဲ့လိုက်ခဲ့ "
" ဘယ်ကိုလဲ? "
" လိုက်ခဲ့ "
ကြောက်စရာကောင်းတဲ့လူရဲ့နောက်ကို ယွမ်ဖေးမလိုက်ချင်ပေမယ့် Nက သူ့လက်ကို တင်းကြပ်စွာဆုပ်ကိုင်ထား၍ သူ မငြင်းနိုင်ပဲ ကောက်ကောက်ပါသွားရလေသည်။
________________
YOU ARE READING
Beijing Vampire(Complete)
Paranormalကိုယ်ဝန်ဆောင်သည် မိန်းမတစ်ဦးကို vampireကူးစပ်လာတာကနေ ဖြစ်ပေါ်လာသော ပြဿနာအရှုပ်အထွေးများနှင့် အချစ်ဇာတ်လမ်းများ. . . ဤFictionသည် စာရေးသူ၏ကိုယ်ပိုင်ဖန်တီးမှုတစ်ခုဖြစ်ပြီး စိတ်ကူးယဉ်ဇာတ်လမ်းသပ်သပ်သာ ဖြစ်ပါသည်။ Update စသည့်နေ့ - 29.6.2020 #Yibo #XiaoZh...