الشاهدة رقم 318
(الحلقة 2)
بقلم :مثاني موسى
لقيت لي صور كتيرة لي في كل الأعمار إلا صورة واحدة مكتوب فيها 317 طبعا الصورة ديك حيرتني الرقم 317 علاقتو شنو بي صوري شلت الصورة ديك لقيت كاتبين في الحيطة ف.ت.317 مشيت على وحدة من صوري كان فيها صورتي انا ومعاي زول ملامحو م واضحة دا لما كان عمري سنتين ومكتوب في الورقة318.317 طبعا انا استغربت لاني م فاهمة حاجة ختيت شنطتي في درج التربيزة وخليت الشريط حق الفيديو الدليل الوحيد على عمي يوسف وطلعت من م طلعت كدا الباب قفل وكان في لوحة ارقام طبعا م عرفت كلمة السر شنو اتذكرت طبعا موضوع عمي ونسيت بالارقام قلت ي ربي هسي شريط الفيديو خليتو جوة حامشي ادين عمي كيف 😷
طبعا كنت مرهقة مشيت غرفتي رقدت نومت صحيت الصباح على أشعة الشمس قمت استحميت وصليت مشيت اشوف هل في شاي لقيت في شاي لكن ماف سكر طلعت ختيت المفتاح في مكانو وطلعت طبعا ناسية موضوع الأرقام بس بقى همي ادين عمي يوسف مشيت على اتجاه العمارات لانو اصلا البقالات بي هناك أثناء م انا ماشة جات عربية ماشة سريع طوالي طقشتني ياخ من شدت العربية م سريعة انا طرت فوق وتاني جيت نازلة الأرض طبعا بعد كدا زاتو م اظن اني أعيش كنت غرقانة في دمي خلاص انا استسلمت للموت نومت نومة عميقة طوالي حسيت بانو في زول بصحي فيني فتحت عيوني لقيتو شاب كدا في منتصف العشرينات قال لي يلا معي قلت ليهو وين سكت خلاني وبقى جاري وانا جارية معاهو تعبت قعدت في الارض وقف عاين لي قال لي قال لي قومي انتي لسة صغيرة وم تنسي انو ابوك وصاك انك تشيلي حقو قمت مشيت وقف في مكان كدا ابيض قال لي حنتلاقى في ساعة خير ان شاء الله مشيت بخطوات مترددة فتحت عيوني ببطء لقيت لي مرة قاعدة جنبي عاينت لي وقالت لي حمدلله على سلامتك قلت ليها الله يسلمك ي امي عاينت لي باستغراب قلت ليها مش انتي امي ؟!
قالت لي اي انا أمك ي بتي جاء داخل شاب كدا بكون عمرو زي عمر 23 سنة جاء حمدلله لي السلامة امو طلعت برة ونادتو م عارفاهم قالو شنو جاني الدكتور سألني قال لي اسمك منو قلت ليهو مثاني تاني سألني سؤالين غريبات وطلع مشى اتكلم مع الولد والمرة جاتني المرة قالت لي لكن م حرام عليك ي بتي داخلة في غيبوبة 11 شهر قلت ليها معقول قالت لي ااي والله الدكتور قال حيطلعني بعد أسبوع الأسبوع انتهى عملو تسجيل الخروج مشينا وصلنا بيتهم طبعا بيتهم كان فيلا ودوني غرفة قالو لي دي غرفتك تاني نادوني العشاء نزلت تحت لقيت في بت كدا من ملامحها ظاهر أنها عسل طوالي جات نطت فيني قالت لي اووووختي حمد لله على السلامة مشتاقين ي كعبة نايمة 11 شهر ومخليانا نحنا متوترين وابيتي تصحي لينا قلت ليها والله أنا زاتي مستغربة كنت نايمة المدة دي كلها والله يسلمك قالت لي يلا نتعشى مشينا أكلنا قالت لي يلا مشيت معاها غرفتها قالت لي اها كيف مع الجامعة قلت ليها فاتتني سنة قالت لي الطب صعب مش قلت ليها لكن انا بقرأ هندسة معمار السنة دي حاتخرج قالت لي ي ذكية انا م عارفاك انا أختك أكيد حاكون عارفة ضحكت قلت ليها ايوااا تاني رجعت غرفتي مشيت نمت صحيت الصباح أذان الصبح صليت ودعيت قريت قرآن الساعة 6 جات رندا جات تصحيني لقتني صاحية قالت لي يلا البسي عشان نمشي نسجل ليك في الجامعة قمت جهزت لبست لي عباية سوداء وطرحة سوداء طلعت شربت الشاي انتظرنا مؤيد لمن نزل طلعنا مشوا سجلو لي في جامعة البحر الأحمر كلية هندسة معمار اول يوم كان بايخ م صادقت زول ومرا شهر وانا في الحالة دي منعزلة عن الناس .......
#نتلاقىى
#Mathoo🔪👀💜
