الشاهدة رقم 318
(الحلقة 12)
بقلم :مثاني موسى
صحيت أذان الصبح قمت صليت ودعيت وقريت قرآن الساعة سبعة مشيت جهزت كنت لابسة اسكيرت اسود ومعاهو فنيلة بيضاء اكمامها نص ومعاها هاف جكت كبدي وجزمة نوعها شراب وطرحة كبدية واصلا انا بجدع الطرحة مشيت الشركة م حصل شيء جديد طيلة أسبوعين كاملين 😥
في يوم كنت قاعدة في مكتبي وشغالة في اللابتوب في زول دق لي الباب قلت اتفضلوم رفعت رأسي الزول جاء قعد لي فوق التربيزة قلت ليهو انت م محترم ولا ش..وقبلي م أتم جملتي رفعت رأسي لقيتها دي موئل عاينت لي مسافة حتى طوالي قامت من التربيزة قالت لي آسفة آسفة آسفة شديد والله كنت قايلاك صحبتي ميراث😢
قلت ليها م مشكلة اقعدي قعدت في الكرسي قلت ليها تشربي شنو قالت لي اي حاجة مشيت على التلاجة طلعت ليها أناناس معلب اديتو ليها قالت لي شكرا قلت ليها عفوا قالت لي عليك الله مكتب مثاني اح...قصدي مكتب ميراث موسى محمد حسن وين قلت ليها البت دي الليلة م جات الشركة 😣
شكلك م فطرتي يلا اعزمك فطور قالت لي لالا شكرا قلت ليها يلا معاي انا زاتي م فطرت قالت لي طيب نزلنا فطرنا قالت لي شكرا اسمك منو انتي ؟!
طوالي تلفوني رنة كان دا عمي قال لي الو ميراث كيفك قلت ليهو تمام الحمدلله قال لي تعالي سريع عايزنك في غرفة الاجتماعات ابتسمت ابتسامة خفيفة بالطرف بمعنى الخطة بدت طبعا الإبتسامة شوية بالغت فيها لانو حسيت موئل خافت منها 😅😅
قلت ليهو تمام قلت لي موئل يلا عن إذنك نتلاقى تاني أن شاء الله قالت لي إذنك معاك مشيت مكتبي أولا شلت لابتوبي ومشيت على قاعة الاجتماعات دقيت الباب قالو لي اتفضل دخلت سلمت عليهم ردو لي السلام طبعا كلهم اولاد ورجال إلى انا بت 😂😂😂
أستاذ يوسف قال لي اتفضلي اقعدي ختيت اللابتوب قدامي وقعدت أستاذ يوسف قال لي طبعا دا مدير شركة (..) المتعاونين معاها اسمو وائل محمد مصطفى المجدي ودا نائبي في الشركة دي عبد الغانم ودا مدير القسم التاني مثنى يوسف محمد السنوسي ودا مدير القسم التالت مؤيد هانيء محمد احمد ودا أبو وائل استاذ محمد قال ليهم وطبعا دي ميراث موسى محمد حسن قلت ليكم عنها قبل كدا كلنا قمنا على حيلنا واتصافحنا طبعا انا عرفت انو مؤيد مغصوب على الاجتماع دا لكن حمدت ربنا انو م حصل ليهو شيء 😧😥😥😣
بعد م انتهينا من التعارف قعدنا أستاذ يوسف قال لي يلا ي ميراث انحنا متعاقدين مع شركة وائل دا هزيت ليهو رأسي قال لي يلا عندنا قطع أرض في حي اسمو (..) دايرين نبنيها شقق ودايرينك تصممي لينا تصميمات للشقق عشان تعجب الناس وانحنا رشحنا معاك أستاذ وائل لانو انتو احسن اتنين عندنا وإن شاء الله تتفقو قلت ليهو ان شاء الله عاينت لي وائل شكلو بشبه لي شكل زول م غريب علي وائل قال لي حنبدأ بكرة ان شاء الله قلت ليهو ان شاء الله عاينت لي مؤيد مسافة رفع راسو لقاني بعاين ليهو رفعت ليهو حاجبي تاني نزل راسو قلت في نفسي تتلقيهو قال دي مالها بتشاغل فيني 😂😂😂
عرفت انو بكون م عرفني لكن كدا احسن لي وليهو تاني عاينت لي مثنى م عارفة حسيت فيهو حاجة مشتركة بيناتنا لكن م اهتميت للموضوع كتير عمي قال لي ي ميراث انتي حتخلي شغلك الهنا وتركزي على التصميم صح قلت ليهو لالا ي أستاذ يوسف التصميم انا حاشتغلو هنا وشغلي الاساسي بعد م ارجع البيت وبسلمو ليك الصباح وائل قال لي ماف داعي تضغطي على نفسك قلت ليهو متعودة لقيت عمي بعاين لي باستغراب😯
قلت ليهم ااا قصدي لا لا م مشكلة قلت ليهم يلا عن إذنك قالو لي إذنك معاك وطلعت....
#نتلاقىى
#Mathoo 👀🔪💜
