الشاهدة رقم 318
(الحلقة 31)
بقلم : مثاني موسى
قلت ليهم اقعدو الاتنين م حاقول حاجة البت قالت لي طيب نتعرف انا هناء يلا عامر دا خطيبي وداير من امس يغيظني عشان كدا قلت ليها ايوااا وائل اتصل لي رديت عليهو قال لي اها انا برة اطلعي قلت ليهو خمسة دقايق وأكون معاك قال لي تمام قلت ليهم يلا ي شباب عن اذنكم قالوا لي إذنك معاك نتلاقى مرة تانية قلت ليهم أن شاء الله طلعت لقيت وائل متكل على عربيتو قال لي هسي انتي لو مشيتي كدا فيها شنو قلت ليهو لاااع ربع ساعة وأكون معاك قال لي طيب وكلنا العربية شغل غنية حبيتك ونسيت الكلام وهو كان بغني مع الفنان صوتو سمح خلاص
كان بقول حبيتك ونسيت الكلام اااا ونسيت الكلام ناديت ليك صوت الغمام ااا مع صوت الغمام حمتني الراحة والمنام الراحة والمنام يا كل منايا وكل المرام 💃❤❤❤❤🎶
لحدي م وصلنا الفندق نزلت قال لي ربع ساعة زي م قولتي قلت ليهو تمام مشيت غرفتي فوق سريع طلعت الشعر المستعار والعدسات شعري سرحتو سريع جاميكا واحدة خشيت استحميت ولبست لي بنطلون جينز اسود معاهو تونيكا بالاصفر لحد تحت الركبة وطرحة صفراء واسبورت اسود بأصفر وشنطة صفراء شلت تلفوني وكان عندي 3000 شلت منها 900 جنيه وخليت الباقي ونزلت لوائل قال لي انتي تاني وين مثاني قلت ليهو ي وائل بالله بطل الغباء الانت فيهو دا للان م عرفتني قال لي اعرفك كيف قلت ليهو وائل ي وائل انا مثاني ياخ
قال لي اصدقك كيف قلت ليهو طيب انت قبلي شوية كنت بتغني مع غنية حبيتك ونسيت الكلام وصوتك كان حلو شديد وإذا كنت انا م مثاني ف مستحيل مثاني تلحق تقول لي كدا قال لي طيب صدقتك ركبنا قال لي طيب عيونك عسلية ولا كمان عدسات قلت ليهو لالا عسليات اصلا اتحركنا على بيتهم طبعا هم ساكنين المنشية وصلنا بيتهم كان سمح 5 طوابق انحنا بيتنا زمان كان تلاتة طوابق لانو نحنا تلاتة انفار بس
دخلنا من م دخلنا طوالي هو رجع يغني غنية هايبرد لو شفتوها كلماتها كانت :-
من بين الناس ارتحت ليها 💃❤❤
شفت كل الدنيا في عنيها اااااااااا 💃❤❤
وانتو م عارفين صفاتا الدنيا تضحك ديمة ليها 💃❤❤
ديمة ليييييهااااا 💃❤❤
وم سكت نهائي وانا بس ماشة وراهو وصلنا الصالة وهو لسة بغني
لو شفتوها كيف بتحكي 💃❤❤
سمعت صوتا لما تحكي 💃❤❤
تخلي قلبك ينبض من اول 💃❤❤
وكل زول يفرح معاها 💃❤❤
يبدأ يرقص زي خطاها 💃❤❤
في كل صوت يسمع صداها 💃❤❤
ويبدأ يحسب عمرو تاني 💃❤❤
وينسى كل الكان سواها 💃❤❤
دخلنا لقينا امو وابوهو قاعدين وهو لسة بغني بعد مسافة حتى سكت مشا سلم على امو في رأسها قال ليها نبعوو كيفك قالت ليهو كويسة لكن ممكن نعرف سبب فرحك 😃
قال ليها الليلة في زول شرف بيتنا عاينت لي لمن جيت أسلم عليها جرتني سلمت علي بالأحضان وباستني قالت لي كيفك ي بتي قلت ليها كويسة الحمدلله مشيت سلمت على أبوهم محمد قال لي انتي مش ......
#نتلاقىى
#Mathoo 💜🎶🎼
