الشاهدة رقم 318
(الحلقة 11)
بقلم :مثاني موسى
بعد م عمي طلع قلت في نفسي واااي من الكذب وكمان مطلعني انتحرت ولا الأحلى كمان كان معتبرني زي بتو آآآآخ انا لازم اعرف دا منو القال ليهو أبوي دا لانو عمي م عندو اولاد وانا عارفة النقطة دي
كان اصلا عندي لابتوب نهاي م قاعدة اطلعو من المكتب فتشتو م لقيتو مشيت دقيت باب مكتب عمي قال لي اتفضل قلت ليهو أستاذ يوسف عندك لابتوب م شغال بيهو قال لي أيوة دقيقة اديك ليهو وعندنا معاينة ليك عشان تثبتي لينا نفسك قلت ليهو تمام طبعا طوالي طلع لي لابتوبي اصلا انا عارفاهو م بكون عندو لابتوب فايض واداني معاهو ورقة المعاينة طبعا انا عارفة ورقة المعاينة فيها شنو لاني لمن كنت شغالة هنا حليت 7 ورقات معاينة من عدم موضوعي 😃
قلت ليهو لو سمحت اديني قلم اداني قال لي م حتقدري تحليها هسي لأنها صعبة ابتسمت ليهو ابتسامة خفيفة عاين لي مسافة وطلع القلم طبعا هو م بعرف خطي عامل كيف عشان كدا م اتضطريت أغير أسلوب كتابتي كنت واقفة جنب تربيزتو ختيت الورقة في التربيزة في وقفتي ديك حليت ليهو المعاينة كلها عاين لي مسافة سلمتو الورقة قال لي اقعدي مشيت قعدت في الكرسي قرأ المعاينة كلها واجاباتي هز لي راسو قال لي واااو شاطرة شديد قبلي كدا حليتي معاينة ولا شنو ؟!
قلت ليهو ابدا قال لي طيب حتشتغلي معانا عديل رأيك شنو قلت ليهو اوكييه وطلعت من مكتبو وكدا الخطوة الأولى نجحت 😏😌
"توجهت إلى مكتبي وانا اسمعه وهو يحاور أحدا ما ويقول له وجدت التي سوف تربحنا في الفوز على شركة (..) سوف نجري المسابقة ولكن سوف أدع هذه الفتاة تصمم لنا لأني لا أظنها هينة سوف تربحنا في المسابقة بكل تأكيد ذهبت بخطوات بطيئة وانا أفكر م الذي سافعله قطع تفكيري صوت اتصال هاتفي وجدتها موئل رددت على اتصالها :--
اووو موئل ي بيبي الشوق الشوق الشوق والله قالت لي ي داب اشتقتي لي يعني إلا انا اتصل ليك قلت ليها لا والله م كدا لكن بس عشان نزلت شغل في شركة (..) مديرها اسمو يوسف قالت لي ايواااا فهمتك قلت ليها بس بس اسمعيني محتاجاك في خدمة انتي جاية الخرطوم متين قالت لي بعد 10 ايام قلت ليها تمام نتلاقى قالت لي نتلاقى
شلت حاجاتي رجعت تاني لأستاذ يوسف دقيت ليهو الباب قال لي اتفضل دخلت قلت ليهو المواعيد والالتزامات والملفات قال لي ديل ليهم اتفضلي شلتهم وطلعت مشيت الفندق دخلت غرفتي استحميت وصليت ودعيت وقريت قرآن وطوالي نمت
صحيت أذان المغرب صليت ونزلت تحت طلبت عشاء شلتو معاي فوق اشتريت لي سفن آب شربتو فتحت الأوراق لقيتها كلها دايرة ليها مراجعة راجعتها وسجلتهم في لابتوبي كنت شغالة فيهم للساعة 12 بعدها نمت......
#نتلاقىى
#Mathoo 👀🔪💜
