حسستيني انو راكبك شيطان قلت ليهو يلا بحكي ليك في مكتبي
مشينا على مكتبي قلت ليهو اتفضل عاين ليهو بجاي وبجاي قال لي منظم وحلو والألوان الاسود باحمر حقت الكراسي حلوات قلت ليهو كيف دا زوقي 😌
قفلت الباب هو قعد ليهو في كرسي وانا مشيت قعدت فوق التربيزة قال لي بالله زول آجلا ام عاجلا الشركة دي كلها حتبقى حقتو بقعد في التربيزة بتشبهي لي ساجد ربنا يرحمو حركاتك كلها حتى الألوان اسود باحمر حسيتو متأثر قلت ليهو كنت واقفة لأني سمعت عمي كان بتكلم مع أستاذ عبد الغانم انو شافني انا كمان في الشركة وحذرو مننا يلا اظن بعدين اذا أستاذ يوسف خسر حيبيع الأسهم لي عبد الغانم باقي ال 30% وهو حيستفيد منها في شركتو قال لي تمام قبلي م يبيعها نحنا لازم نخلي مؤيد يسجلها ليك قلت ليهو عادي انا بقنعو بواسطة أستاذ عبد العظيم من هسي قال لي طيب خير البر عاجلهو يلا انا استأذن لانو انتي بكون عندك شغل كتير لأنك أمس م جيتي قلت ليهو إذنك معاك وطلع بديت اشتغل الشغل حق أمس كان كتير وانا لسة عندي حق الليلة😥
بعد مسافة كدا جاني أستاذ يوسف قلت ليهو اتفضل دخل قال لي كيفك ي بتي قلت ليهو تمام الحمدلله وانت قال لي والله كويس كيفكم انتو مع التصميم قلت ليهو ماشي الحال طبعا أمس مشيت الشركة المنافسة قال لي يعني كلام عبد الغانم م كذب قاعدين تخونو فيني انتي ووائل قلت ليهو كيف يعني معقول نحنا نخونك نحنا مشينا الشركة ديك لانو عندي صحبتي شغالة هناك سرقت لينا نسخة من التصميم الحيشاركو بيهو طلعت ليهو تصميمي انا وحق وائل اليوم داك اداني ليهو وريتو تصميمي قلت ليهو دا تصميم شركتنا ودا تصميم شركتهم يعني نحنا الفايزين في المسابقة ابتسم لي لآخر ضرس قال لي كان كدا م شاء الله مجرمة كمان قلت ليهو ما كلامك اداني التصميمين وطلع
لميت التصاميم قلت كان كدا عمي دا بتغشى بالساهل مخو طينة وعجينة وقعدت تابعت شغلي تاني جاني راجع قال لي ي ميراث انتي مثنى دا م عارفاهو وين قلت ليهو م قال انو الليلة هو مسافر تاني م بجي إلا يوم 18/3 قال لي ااااا صح قال مسافر تشاد لكن قال بجي يوم 24/2 قلت ليهو لالا أمس كلمني قال لي يمكن يتأخر في الجية وقال لي اوريك قال لي تمام ومشى
طبعا اصلا انا عارفة انو مثنى مسافر لانو وراني قبلي كدا وأحسن حاجة انو كان مسافر الليلة وقال لي انو ساكن في شقة براهو يعني أستاذ يوسف م حيلاحظ تميت شغلي لكن كان فاضل لي حق الليلة نزلت فطرت اشتريت شاورما وعصير منقة باللبن .........
#نتلاقىى 💜🎶🎼
#Mathoo 💜🎶🎼
