الشاهدة رقم 318
(الحلقة 35)
بقلم : مثاني موسى
قال ليهو ايوااا وعاين ليهو بنظرة استهزاء كدا في زول دق الباب قلنا ليهو اتفضل جاء داخل واحد شغال في شركتنا جاء لي عمي قال ليهو حاجة بصوت واطي عمي قال ليهو كيف بتكون مشت وين سريع اعرف لي في حساب منو طبعا كلنا بقينا نعاين ليهو مستغربين الزول الجاء شال تلفونو اتصل لي زول قال ليهو المدير المالي طيب قفل منو جاء لي عمي قال ليهو في حساب عبد العظيم محمد احمد حسن عمي ولا اتفاهم طوالي قام على حيلو مسك استاذ عبد العظيم من لياقة قميصو قال ليهو القروش دي وديتها وين سريع وريني أتلفت على جهة الزول قال ليهو اتصل لي الشرطة طوالي الولد اتصل ووصف ليهم
أستاذ يوسف تاني مسك استاذ عبد العظيم طوالي وائل وحسان مسكو أستاذ يوسف قالوا ليهو كدا بتقتلوا خلي القانون ياخد مجراه أستاذ يوسف قال ليهم ااي عايز اقتلو وائل قال ليهو لالا م كدا وقام رفع أستاذ عبد العظيم قعدو في الكرسي 5 دقائق والشرطة جات ساقت استاذ عبد العظيم بعد مسافة تلفوني رن قلت ليهم عنه اذنكم وطلعت نزلت تحت لاقاني شرطي قال لي انتي مثاني أحمد محمد السنوسي قلت ليهو أيوة قال لي انتي مالكة شركة (...) قلت ليهو نعم وطلعت ليهو الأوراق قلت ليهو يلا أستاذ عبد العظيم م عندو ذنب وانا عافية ليهو القروش وهو اصلا حولها كلها في حسابي قال لي افهم انو القروش اتحولت في حساب مدير الشركة انتي قلت ليهو ايوة واستاذ عبد العظيم يرجع بيتو قال لي تمام ومشى
رجعت المكتب قلت ليهم يلا نتم الاجتماع أستاذ حسان قال ليهو أستاذ يوسف وقع على الاتفاق احنا وقعنا عمي وقع ورجع الورقة تاني جاء نفس الزول قال ليهو أستاذ يوسف مافي قروش في شركتنا وانت حاليا داخل في ديون عشان كدا حيصادروا كل ممتلكاتك لمشروع التنمية عمي يوسف طوالي قام على حيلو وتاني قعد مسك راسو وبقى مدنقر طبعا نحنا بنعاين ليهو بس أستاذ عبد الغانم ارتسمت على وجهه ابتسامة استهزاء على عمي
حسان قال لينا جيبو تصميمكم وائل اداهو ليهو حسان طلع تصميم شركتهم والاتنين ختاهم في التربيزة وقال لي عمي اها م عندك قروش حتختار انو تنسحب ونشيل 70% ولا تكونو خاسرين ونشيل 85% عمي يوسف م قدر يتكلم أستاذ عبد الغانم قال لي حسان هسي دا وقتو حسان قال ليهو أبوء وقتو طيب كان دا وقتو لمن احتال على ساجد اخوي ولا كان دا وقتو لمن ساجد قطع شرايينو بسببو عمي قال ليهو ساجد مدير شركة (..) اخوك حسان قال ليهو ووائل ومفاذ كمان اخواني وبركة انك اتذكرت ساجد دا منو .....
#نتلاقىى
#Mathoo 💜🎼🎶
