الشاهدة رقم 318
(الحلقة 32)
بقلم :مثاني موسى
قال لي انتي مش شغالة في شركة (...)قلت ليهو أيوة اظن أمهم م سمعتنا قالت لي وائل الليلة معنوياتك مرتفعة من وفاة ساجد ربنا يرحمو م سمعناك بتغني قال ليها مش طوالي مشى فوق قالت لي ي بتي انتي وائل دا بتعرفيهو من متين ؟!
قلت ليها والله م طول بس عينوني معاهو في التصميم للمنافسة قالت لي شغالة في شركة وائل قلت ليها لالا في شركة يوسف السنوسي لاحظت لأمهم ملامح وشها اتغيرت قلت ليها ي خالتو م تخافي انا عارفة انو ناس وائل دايرين ينتقمو من يوسف السنوسي لانو ساجد ربنا يرحمو مات بسببو قالت لي ااي والله قلت ليها يلا انا عايزة اساعدهم عشان يدمروهو قالت لي لكن انتي بما انك شغالة في الشركة ديك دافعك شنو انك تساعديهم قلت ليها والله ي خالتو يوسف السنوسي دا عمي انا أبوي أحمد السنوسي مش قبل فترة زي سنة ونص كدا سمعتي بأنو اخو يوسف السنوسي مات هو ومرتو بحادث سير وبتو انتحرت قالت لي ااي مالهم
قلت ليها يلا هو القتلهم قلعت لي عيونها قالت لي كيف يعني ؟!😳😳
قلت ليها يلا أبوي او أحمد السنوسي الشركة كانت حقتو واخوهو يوسف كان حاقد عليهو قام قتل ليهو مرتو اللي هي امي واوهمنا انو دا حادث سير وتاني مشى قتل احمد اللي هو أبوي قدام عيوني بالمسدس طلقتين وكمان كان حيقتلني بس ببركة الله سمع ليهو صوت أقدام زول مشا اتدسا وانا مشيت على مكان كاميرة المراقبة شلت الشريط ومشيت بيهو بورتسودان ياهو حكيت ليهم القصة كلها لمن عمي طقشني بالعربية وفي النهاية اكتشفت انو مؤيد اخوي وجيت هنا عشان انتقم منو واحسن حاجة اني لقيت ناس وائل كمان دايرين ينتقمو منو فقمت ساعدتهم قالت لي الله يزيد من امثالك قلت ليها لالا انا بجي وحدة في الطلبية ضحكنا كلنا 😹
قلت ليهم يلا عن اذنكم انا ماشة لي مفاذ دي أكفر ليها سمعنا لينا صوت جرس في الباب قلت ليهم انا بمشي أفتح قالوا لي خلي أنجلينا ( الحبشية) تجي تفتح قلت ليهم م مشكلة مشيت فتحت بس بقيت متجمدة في مكاني عشرة دقائق انا ومعاي الزول الفي الباب وساكتين نتأمل في ملامح بعض لانو لينا سنة ونص م شفنا بعض ويمكن اكتر وأثر الصدمة علينا أننا بعد السنين دي كلها اتلاقينا تاني حتى تاني استجمعت تفكيري لمن جات حضنتني وقعدت تبكي انا زاتي حضنتها وبكيت معاها كانت دي حبوبتي ام أبوي قالت لي انتي مثاني حفيدتي الوحيدة م قالوا انتحرتي كرررررر علي ي بتي مالك خليتينا قلت ليها والله ي حبوبة ماف طريقة كنت مجبورة والله قالت لي الله يجازي عمك الجاء قال لينا انتحرتي 😭😭💜
انحنا بنبكي ربع ساعة حتى وقفنا قلت ليها اتفضلي دخلتها جوة الصالة قلت لي خالتو هدى ( ام وائل ) غرفة مفاذ ب وين جيت أكفر ليها نادت أنجلينا قالت ليها وديها غرفة مفاذ مشيت معاها وقفت جنب عرفة مفاذ دقيت ليها الباب قالت اتفضل دخلت لقيتها هي وموئل مطفيين الأنوار إلا نور واحد واضائتو خافتة وبحضرو في فيلم .......
#نتلاقىى
#Mathoo 💜🎶🎼
