الشاهدة رقم 318
(الحلقة 33)
بقلم : مثاني موسى
إلا نور واحد واضائتو خافتة وبحضرو في فيلم وبياكلو ليهم في فشار قالوا لي مثاني انتي وين من قبيل تعالي اقعدي احضري معانا قلت ليهم ليهم كنت بتونس في خالتو هدى وناسة مفاذ قالت لي م تكوني شلتي لينا قلب هدهد دي زي م شلتي قلب ولدها قلت ليها شنو قالت لي اها تمي اتفضلي فشار قلت ليها وحبوبتي ام أبوي جات قالت لي م تقولي حبوبتي فردوس ياها حبوبتك قلت ليها ايواان قالت لي دي صحبة امي من بعد م ساجد اتوفى ودايما بتجينا قلت ليها اهااا موئل قالت لينا هششششش نحنا ناكل بقينا في الفشار ونحضر في الفيلم وكب م وحدة فينا تفتح خشمها التانيات بسكتوها حضرنا الفيلن بعد م انتهى قلت لي مفاذ دا حالتك عيانة قالت لي تقولي شنو بس
اتونسنا وحكيت لي مفاذ الخطة بعداك نزلت تحت قعدت اتونست مع حبوبة قالت لي اجي اقعد معاهم بدل قاعدة براي في فندق اتعللت ليها بإنو هو قريب من الشركة مواصلات واحدة بس بعد كلام كتير حتى اقتنعت قالت لي لكن بعد م تكسبي القضية تجي تقعدي معانا قلت ليها ان شاء الله اذان العشاء اذن قلت لي مفاذ بعد دا انا امشي وائل جاء نازل قال لي يلا اوصلك مفاذ قالت ليهو دقيقة بس ودتني الطابق الخامس قالت لي عايني دي شقة وائل وتاني عندو غرفة في الطابق التالت جنب حقت حسان أما الطابق الرابع دي شقة حسان قلت ليها سمحة حتى الديكور قالت لي الطابق التالت دا كان شقة حقت ساجد لكن هدموها وبقوها غرف قلت ليها اهااا قالت لي يلا حقت وائل دي م بخلي زول يخشها إلا ساجد
تاني رجعنا الطابق الأول طلعت مشيت مع وائل قال لي نبعوو وحمودي قالوا تجيهم تاني زيارة قلت ليهو حمودي منو قال لي أبوي ياخ ونبعوو امي قلت ليهو هاا القليل الأدب دا م تقول ليهم ماما وبابا قال لي ماما وبابا وهو بحاكي فيني يييع دي حقت شفع ضحكت عليهو وركبنا العربية وصلني الفندق غيرت ملابسي وصليت وطوالي نمت
صحيت مع قولة الصلاة خير من النوم صليت وقريت قرآني ودعيت الساعة 6 ونص اخدت لي شاور واتجهزت لبست لي اسكيرت فاري لونو ابيض بي تشيرت لونو ابيض بأسود ومعاهو طرحة كبدية واسبورت كبدي وساعة بيضاء وشنطة سوداء وطلعت اتصل علي وائل صبح علي قال لي اها طلعتي قلت ليهو أيوة هسي طلبت ترحال قال لي طيب قفلت منو اتصلت لأستاذ عبد العظيم صبحت ليهو وقلت ليهو اها الخطة ماشة كيف قال لي منتظرك بعد تجي قلت ليهو تمام اتحركت مشيت على الشركة من دخلت مشيت على مكتب أستاذ عبد العظيم قلت ليهو دا الورق الموقع والقروش حيرسلوها بعد عاينت لي تلفوني قلت ليهو 1 2 3 4 5 طوالي جات رسالة محتواها تم استلام مبلغ 7000000 إلى حسابك من حساب شركة (...) قلت ليهو اها القروش الفي الشركة كيف وكيف قال لي أيوة دقيقة ارسلها ليك حولتها كلها من حسابهم قلت ليهو طيب دقيقة التلفون اداني ليهو حولت القروش كلها في حسابي لكن خليت ليهو منها زي 50 الف
قلت ليهو اتصرف فيها مسافة م اشيل الشركة قال لي تمام قلت ليهو يلا استاذنك بعافية قال لي إذنك معاك مشيت على مكتبي اشتغلت شغلي كلو والدوام قرب ينتهي جوني هناء وعامر اتونسو معاي وطلعو تاني اتصل علي وائل وسألني من الخطة وكدا قلت ليهو ماشة تمام التمام تاني اتصلت لي مفاذ قالت لي حبوبة فردوس شالت رقمك مني قلت ليها تمام طلعت من الشركة ورجعت الفندق ......
#نتلاقىى
ي جماعة في وحدة بتكتب خواطر سمحة خاشة الفيس ب Ramita Barsha💜🎶🎼
#Mathoo 💜🎶🎼
