الشاهدة رقم 318
(الحلقة 1)
بقلم :مثاني موسى
أبوي قوم عليك الله انا بدونك م بقدر والله عليك الله قوم 😭😭💔💔
أبوي : (بصوت واطي ) شيلي لينا حقنا من عمك وأشهد أن لا اله إلا الله وأشهد أن محمد عبده ورسوله 😭😭💔💔
ابوووي لا عليك الله م تخليني زي م امي عملت أبوي لااااااااااا 😭😭💔💔
عمي يوسف : نهايتك انتي كمان قربت لكن قبلي م تموتي عايز اوريك حاجة انا القتلت ليك أمك اااي انا القتلتها وطمعان في قروش ابوك لانو هو الكبير شاء النصيب الأكبر من الشركة هسي م حاخلي زول فيكم حاقتلكم كلكم رفع مسدسو عايز يطلق علي الرصاصة لكن سمع صوت رجول زول جاي علينا وكان دا الغفير
طوالي مشى دخل بي مكتب كدا وانا مشيت جريت جري اتجاه غرفة المراقبة طلعت الشريط حق الفيديو ختيتو في شنطتي وطلعت من الشركة ركبت لي أقرب أمجاد قلت ليهو يوصلني موقف الباصات وصلني اديتو خمسين جنيه م انتظرتو يرجع لي الباقي لأني كنت خايفة عمي يجي يقتلني قطعت لي تذكرة لي بورتسودان لأهل امي كنت مقلقة شديد أكيد عمي م حيخليني لكن حيقول إلا يقتلني عشان م افضحو بالشريط حق الفيديو😭💔
وصلت بورتسودان لأهل امي سلمو علي كلهم كانو بعزو فيني يشيلو ويبكو إلا خالتي نجوى كانت بتعاين لي بطريقة غريبة وكلو م اعاين ليها تبتسم لي ابتسامة خبيثة لكن م اشتغلت بيها واصلا أذان العشاء كان اذن صليت ورقدت كنت مرهقة وكل مرة أتذكر عمي وكلامو واقعد أبكي على أبوي يعني خلاص كدا انا بقيت يتيمة وفقدت أعز اتنين علي في الدنيا امي وابوي يعني خلاص كدا انا انا خسرت سندي 😭😭💔💔
الساعة 11 جات وانا لسة غالبني النوم نزلت تحت سمعت صوت خالتي نجوى بتتكلم بالتلفون قربت زيادة سمعتها بتقول عندي ليك هدية من ذهب ودايرة ليها مبلغ مالي أكبر ....طبعا بت أخوك أحمد جاتنا قبيل .....تعال استلمها بكرة وخليها تحصل نهى وأحمد وقعدت تضحك بأعلى صوتها طبعا انا واقفة مصدومة😳 قلت أكيد خالتي دي م نصيحة لكن هي بتتكلم مع عمي يوسف لكن مصلحتها شنو يعني اذا ورتو مكاني رجعت غرفتي طوالي لبست عبايتي وشلت تلفوني اتذكرت شنطتي فيها شريط الفيديو حق اعتراف عمي بانو هو القتل امي وقتل أبوي فتحت باب الشارع براحة من غير م زول يحس بي مشيت الشارع طبعا ماف مواصلات بليل وكدا قطعت مسافة برجولي بعيدة شديد لقيت لي سيد عربية قال لي ي أخت المرة الأولى م رديت تاني قال لي ي أخت أتلفت عليهو قال لي ماشة وين بليل دا قلت ليهو والله ماشة حي اسمو (.)قال لي لكن بعيدة شديد احتمال م تصلي إلا الصباح عاينت ليهو وسكت تابعت مشيني قال لي والله ضميري م بسمح لي اخليك تمشي للمنطقة البعيدة دي براك بليل يلا اركبي اوصلك مشيت معاهو ركبت العربية فتح لي الشبابيك طبعا انا م قدرت انوم وصلنا الساعة 2 صباحا قال لي وين بالظبط ماشة قلت ليهو وقفني هناك ورا العمارات ديك جمب الشجر مشا وصلني دايرة اطلع ليهو قروش مديتا ليهو عاين لي شديد في عيوني طبعا اصلا انا م شفت ملامحو لكن ركزت في لحيتو بس قال لي شيلي قروشك وصلتك لانو الليل وانتي بت وم معروف الأقدار وعلى فكرة عيونك بتحكي عن وجع كتير ربنا يصبرك 😣
قلت ليهو آمين نزلت انتظرتو لمن مشى مشيت ورا الشجر كان فيهو بيت مبني بنى حلو طبعا البيت دا ماف زول عارفو إلا انا وابوي وهو حقي سجلو لي أبوي باسمي كانت مفاتيحو خاتينها في المخزن لكن المخزن بكلمة سر طبعا انا عارفاها كانت اسم غنية كان بغنيها لي أبوي إلا وهي صه ي كناري شلت المفتاح مشيت فتحت البيت وتاني رددت كلمة السر صه ي كناري دخلت قعدت في النص البيت قعدت أبكي بكيت بطريقة هستيرية لانو فقدت أعز اتنين علي امي وابوي في كل زاوية في البيت دا كنت بتزكر أبوي مشيت غرفتو كان في باب مانعني إني ادخلو لقيتو مفتوح قلت ادخل اشوف في شنو دخلت لقيت .........
#نتلاقىى
#Mathoo🔪👀💜
