70% حتكون لصالحنا ويلا الشرط دا انتو م توقعو فيهو لا حسان لا وائل بوقع فيهو انا في حالة انو انحنا خسرنا شركة عمي باعتبارها حقتي عندي فيها 70% وباقي ال 30% حتكون حقت مؤيد لانو م مثبوت انو هو اخوي يلا نحنا اذا خسرنا فما في شيء حيتغير لانو انا الموقعة وفي حالة انو عمي خسر عادي توهموهم انو دا توقيعكم وتربحو الشركة عمي حيكون خاشي في ديون كتيرة عشان كدا حيبيع باقي ال 30% من الأسهم لكن المشكلة انو نحنا م عارفين حيبيعها لي منو
وائل قال لي خطتك ذكية لكن راقبي عمك وشوفي هو اكتر شيء بميل لمنو الايامات دي قلت ليهو تمام استاذنكم يلا انا بعد كدا طالعة
استاذ حسان قال لي طيب انتي م تشتغلي معانا قلت ليهو اعتباريا الشركة ديك حقت أبوي م بقدر اخليها او اشتغل في غيرها بقدر أساعد عشان ادمرها لكن م بقدر اشتغل في غيرها موئل قالت لي خلاص يلا ماشة معاك وائل قال لينا طيب جيبو حاجاتكم بنتظركم تحت في العربية قلنا ليهو تمام موئل لحقتني قالت لي وااااي من وائل وعيون وائل وضحكة وائل وغمازة وائل وااااي انا بس ياااخ والعجب حسااان أبو صوت رناان😍💜
ضحكت عليها قلت ليها موئل ي موئل استهدي بالله دا م وقتو دخلنا مكتب موئل شلت حاجاتي مفاذ جات لاحقانا قالت لينا ممكن اجي معاكم قلنا ليها يلا ي بت م ضروري تستأذني مشت جابت حاجاتها من مكتبها نزلنا تحت لي وائل ركبنا معاهو مفاذ قدام وانا وموئل ورا ركبنا وائل شغل اغنية Savage love هي غنية شوية مطربة كدا طبعا انا اشيل واغني فيها كمان وائل موئل ومفاذ مرة يعاينو لي مرة لي وائل وانا خلاص انطربت شدييد 😂💜🎶🎼
بعد مسافة انتبهت لي نفسي طوالي سكت مفاذ وموئل ضحكوا قالو لي انطربتي شديد قلت ليهم كيف دي احلى غنية أجنبية عندي ليها فتحت تلفوني وريتهم الفيديو بتاع الغنية قالو لي رهيب بعدين تحولي لينا قلت ليهم تمام لمن جينا نازلين وائل قال لي مفاذ الساعة سبعة بجيك بعد تحانيس خلاها تقعد لي تمانية موئل اتصلت لناس امها قالت ليهم انها الليلة حتبيت معاي قالوا ليها تمام مشينا على غرفتي كان فيها 4 سراير وكرسيين طوال لكن جوا الغرفة التانية اي وحدة فينا اتجدعت في سرير قلت ليهم تعب قالو لي شديد والله 😟😣😣💜🎶🎼
نزلت تحت الكافتيريا جبت بيتزا كبيرة ومعاها تلاتة شاورما وشلت سفن أب .......
#نتلاقىى💜🎶🎼
#Mathoo 💜🎶🎼
