الشاهدة رقم 318
( الحلقة 28)
بقلم :مثاني موسى
اشتريت شاورما وعصير منقة باللبن ومشيت فوق تميت شغلي وانتهيت مع نهاية الدوام رجعت الفندق صليت واتصلت لي مفاذ اتونست معاها وتاني اتصلت لي موئل واتونست معاها دخلت الواتس لقيت رسائل كتيرة من ناس أصف والمتن ولمى ومهيمن اتصلو علي مكالمة جماعية وقالو لي اشتقنا ليك قلت ليهم كميااات كميااات وربي قالو لي لا انتي مووووووووفترية نسيتينا عديل قلت ليهم احساس إني اشتغلت في شركة في الخرطوم قالو لي حظك والله تابعنا ونستنا يمكن ساعتين وهم بحكو لي الحاصل عندهم المتن قالت لي طبعا انا ومهيمن عرسنا شهر 4 وانتي وموئل لازم تجوا لمى قالت لي وأنا واصف عرسنا شهر 5 قلت ليهم مبرووووكات كتيراااات ليكم قالو لي الله يبارك فيك وعقبالك كمان قلت ليهم امين وقفلت منهم ونمت
صحيت الصباح صليت صليت الصبح وقفت اتجهزت لبست لي اسكيرت جينز غامق ومعاهو قميص كاروهات بنفسجي بكحلي وطرحة بنفسجية وساعة كحلية وطلعت ركبت لي ترحال مشيت الشركة سلمت على الموجودين ومشيت على مكتبي شفت أستاذ يوسف طالع معاهو عبد الغانم خليتهم لمن لفو وقفت على طرف ركبو الاصانصير مشيت نزلت بالسلالم سريع سريع لقيتهم خلاص طالعين من الشركة بعد م طلعو سمعتو بقول لي ليهو يلا الشركة المنافسة وحتشوف بعينك وائل هناك ركبو عربية عبد الغانم ومشو رفعت تلفوني عشان اتصل لي وائل اتذكرت انو م عندي رقمو اتصلت على مفاذ م بترد اتصلت على موئل تلفونها مقفول جاني ولد قال لي مالك شايفك متوترة عاينت ليهو وسكت قبل على الجهة التانية قال مووووفترية قلت ليهو انت قال لي مالك قلت ليهو والله انا عندي مشوار مستعجل عشان كدا قال لي طيب تعالي اوصلك عاينت ليهو قال لي م تخافي م بخطفك قلت ليهو طيب يلا مشينا على عربية كدا اظن نوعها فيرنا كان في بت من بعيد بتعاين لينا غمز ليها قلت ليهو عليك الله سريع قال لي طيب
مشينا ركبنا قال لي ماشة وين قلت ليهو ماشة شركة (...) قال لي دي مش الشركة المنافسة لشركتنا قلت ليهو أيوة امشي عليك الله سريع اتحركنا قربنا لعربية ناس عمي قلت ليهو في زول من الشركة بعرف عربيتك دي قال لي لالا قلت ليهو بما انو زجاجك مظلل ارفعو وأسرع قال لي تمام رفع القزاز وجرا بالعربية قال لي خمسة دقايق ومدير شركتنا يصل هنا لاحظت قبيل لعربيتو لمن سألتيني قلت ليهو تمام مشيت جريت جري دخلت الشركة ركبت الاصانصير مشيت على مكتب وائل السكرتيرة قالت لي في مكتب أستاذ حسان مشيت على المكتب فتحت الباب طوالي ولا دقيتو زاتو طوالي فتحتو لقيت وائل بتكلم مع حسان عاينو لي مخلوعين وائل قال لي مالك نفسك قايم كدا قلت ليهو وائل يلا معاي مشيت على مكتب موئل وهو وراي قال لي في شنو م رديت عليهو .........
#نتلاقىى
#Mathoo 💜🎶🎼
