الشاهدة رقم 318
(الحلقة 34)
بقلم : مثاني موسى
رجعت الفندق صليت ودعيت ربنا انو باقي الخطط تنجح واشيل حق أبوي وحق ساجد ربنا يرحمو شلت تلفوني اتصلت علي حبوبتي سلمت علي وقالت لي عليك الله تعالي لينا سريع جدك حيفرح لو شافك قلت ليها أن شاء الله عندي ليكم جية قريب وقفلت منها نزلت تحت اشتريت لي شاورما وموية صحة أكلت ونمت صحيت الصباح طبعا عارفة حيحصل شنو شلت ورقة الملكية حقت الشركة واصلا الليلة يوم المنافسة فتحت الدولاب عاينت لي ملابسي كلها ماف وحدة عجبتني اتذكرت انو مفاذ ادتني لبسة قالت لي البسيها يوم المنافسة
طلعت اللبسة كانت عبارة عن قميص ابيض ومعاهو تنورة شوية فيها نفشة كدا لونها قرمزي وعقد أنيق ومعاهو شبط دبابة لونو بيجي طبعا اللبسة عجبتني شديد بالذات العقد اتصل لي وائل قال لي خليك في مكانك هسي انا جاي عليك قلت ليهو طيب انتظرتو ربع ساعة اتصل لي قال لي يلا انزلي نزلت ليهو تحت بقى مبحلق فيني طق طقت ليهو اصابعيني قلت ليهو سرحان وين قال لي في الجميل الباهي لونو وزي عيون الريل عيونو قلت ليهو وائل انت الليلة م طبيعي ولا شنو قال لي هيييي يلا اركبي ركبنا قال لي بالله كمان مطقمة معاي قلت ليهو اللبسة دي ادتني ليها مفاذ قال لي افهم انو م بارادتك ورفع لي حاجبو قلت ليهو لالا قال لي طيب
اتحركنا شغل غنية م متذكرة كلماتها بس القدرت اسمعو منها
دي جميلة حلوة عطر صندل 💃❤❤
لحدي م وصلنا شركة ناس وائل لانو كانوا عاملين المنافسة هناك مشينا على القاعة القاعدين يعملوا فيها الاجتماعات طبعا من م جينا داخلين موئل رفعت لي حاجبها نظام مطقمين وكدا أما مفاذ ابتسامتها للضرس الأخير وحسان برضو مبتسم لاحظت انا كمان لي موئل وحسان مطقمين ب الجزري
قعدنا انا ووائل جمب بعض كانوا معانا استاذ يوسف وعبد العظيم وعبد الغانم ومؤيد ومحمد ابو وائل حسان طوالي قام على حيلو قال ليهم بسم الله الرحمن الرحيم طبعا كلكم عارفين انو دي منافسة حادة وكلكم عارفين انو الانسحاب من المنافسة دي الشركة التانية بتشيل 70%من الاسهم واذا خسرت 85% من الاسهم يلا اعرفكم ناس شركتي اولا انا حسان المدير العام ثانيا مفاذ مدير القسم الاول والثاني ونائب مدير عام وثالثا موئل مديرة القسم الثالث والرابع
أستاذ عبد الغانم قال ب صوت واطي لكن مسموع لينا كلنا جايبهم بنات عشان نسونجي حسان عاين لي وائل وائل أشر ليهو بمعنى م تشتغل بيهو تاني قام أستاذ يوسف قال انا يوسف محمد السنوسي المدير العام ودا عبد الغانم نائبي ودا عبد العظيم مدير القسم الاول المالي ودا مؤيد مدير القسم الثاني والثالث بناء ودي ميراث مديرة القسم الرابع تصميم ودا محمد مدير شركة (...) متعاون معانا ودا وائل مدير القسم التاني تصميم والتالت بناء كلنا قمنا على حيلنا حسان قال لينا اتشرفنا قلنا ليهم الشرف لنا أستاذ يوسف قال لي حسان م عاملين شراكة مع شركة تانية حسان قال ليهو لا احنا شغالين بمجهودنا الخاص قال ليهو ايوااا وعاين ليهو بنظرة استهزاء كدا .......
#نتلاقىى
#Mathoo 💜🎼🎶
