الشاهدة رقم 318
(الحلقة 6)
بقلم :مثاني موسى
ركبت معاهو وصلني مؤيد طبعا م ورينا خالتو سوسن عشان يمكن تفضحنا مع عمي تقول ليهو اني لسة م مت وصلت الجامعة اتصلت على موئل قالت لي ي سجم انا من قبيل منتظراك جنب الباب قلت ليها خلاص انا حاليا داخلة قالت لي تمام
دخلت الجامعة لقيت موئل منتظراني قلت ليها يلا الكافتيريا قلت ليها طيب مشينا الكافتيريا قلت ليها م حتصدقي طبعا انا كنت فاقدة الزاكرة والقاعدة معاهم ديل م أهلي رفعت لي حاجبها قالت لي من أمس حارقة لي روحي عشان تتساخفي لي قلت ليها م قاعدة اتساخف وحكيت ليها القصة من طقطق لي السلام عليكم قلت ليها لكن محتاجين محامي شاطر قالت لي عندي صاحب اخوي قاري هندسة وعندو شركة في الخرطوم لكن برضو من البداية اشتغل محامي لانو هو في تالتة السنة الأولى نجح في الهندسة قال بعيد تاني يقرأ محاماة قلت ليها تمام خلي أخوك بكلمة وبيناتنا تلفون مشينا المحاضرة كانت واحدة وقالو لينا الدكتور م جاء اتصلت على مؤيد قلت ليهو انا طالعة قال لي ربع ساعة وأكون معاك قلت ليهو طيب انتظرتو معاي موئل من بعيد كان جاي علينا قلت لي موئل دا ياهو مستر مؤيد قالت لي واااااي انا من مؤيد وحواجب مؤيد يااخ دا احلى من في الصورة العندك ليها كان توريني مؤيد دا من زمان كان ربطت معاهو بدل مخلياني السنين دي كلها بلا حبيب قلت ليها اسكتي خلاص
وصلنا سلم على موئل قال لي يلا قلت ليهو يلا عاين لي موئل قال ليها محتاجة ليك توصيلة قالت ليهو لالا شكرا عندي ترحيل مشينا ركبنا انا ومؤيد مشينا مطعم قلت ليهو موئل قالت عندها صاحب اخوها لكن شغال في الخرطوم قاري مجالين قالت حتكلم اخوها يتكلم معاهو عشان يساعدنا قال لي خلي القضية دي بعد م انتي تنتهي من امتحاناتك لكن حنسافر الخرطوم كيف ولو لاقانا عمي حيكشفك ويقول إلا يقتلك قلت ليهو م تخاف بعرف اسوي شنو عشان م يعرفني قال لي تمام رجعنا البيت طوالي دخلت غرفتي استحميت ونومت
صحيت الصباح صليت واتجهزت مشيت الجامعة اتلاقيت مع موئل سألتها عن صاحب اخوها قالت لي قال ليهو فترة تلفونو مقفول انتو اذا عايزنو عادي تمشو تسالو عنو في الخرطوم اسمو وائل محمد مصطفى المجدي قلت ليها تمام اها مرت الأيام وانا امتحنتا ونجحت ب إمتياز استلمت شهادتي طبعا م عملت تخريج وكلام فارغ زي دا وطبعا كلكم حتسالوني وين رندا وخالتو سوسن يلا ديل سافرو لأهل خالتو سوسن في الإمارات اها جاء اليوم الخلاص مسافرين فيهو انا ومؤيد رتبت حاجاتي كلها وطبعا كان عندي خطة في رأسي حاعملها لكن م وريتهل لي مؤيد لأني عارفاهو حيقول لي خلي القانون بس .....
#نتلاقىى
#Mathoo🔪👀💜
