الشاهدة رقم 318
(الحلقة 18)
بقلم : مثاني موسى
قال لي أيوة قلت ليهو طيب وين التصميم الحتشاركو بيهو في المنافسة قال لي دايراهو ليه قلت ليهو انت جيبو وجيب معاهو ورقة تانية للتصميم وقلم مشى جاب التصميم قلت ليهو حلو جدا أحمد ربك إني شغالة في الشركة ديك بدافع الانتقام والا كان تصميمكم خسر قال لي كيف ؟!
اديتو تصميمي قال لي متأكدة دا عملتيهو انتي قلت ليهو ايوااان اداهو لحسان حسان قال ليهو طلعت أخطر منك ي وائل أستاذ وائل حمر ليهو رجع لي التصميم شلتو هو ومعاهو حقهم قعدت في الأرض قلت ليهم ادوني مسطرة ادوني ليها شلتها رسمت دمجت التصميمين في تصميم واحد واديتو ليهم قالو لي مبدعة طبعا الرسم استغرق ساعة قلت ليهم يلا انتو شيلو التصميم المدموج دا واشتركوا بيهو وانحنا هناك حنشترك بالتصميم الوريتو لي وائل أمس مفاذ قالت لينا يلا نفطر ونسمع القصة الخلت مثاني تنتقم من عمها قلت ليها تمام نزلنا تحت كلنا طبعا البحمر لينا انا وموئل لانو ماشين مع وائل وحسان والمتعجبين فينا مشينا على الكافتيريا وائل قال لينا تاكلو شنو حسان قال ليهو شاورما وعصير جوافة عاين لي موئل قالت ليهو شاورما ومنقة باللبن عاين لي قلت ليهو اي حاجة 🌚🐾
مفاذ قالت لي لالا م اي حاجة عاينت لي وائل قالت ليهو انا ومثاني بيتزا بالخضار ومعاها عصير منقة باللبن قال لي بتحبيها قلت ليهو أيوة ☺💜🎶🎼
قال لي مفاذ من البداية م كانت بتحبها لكن حبتها بسبب بت كانت بتجي مع ابوها أمواج ودايما بطلبوها ومن اليوم داك هي حبتها قلت ليهو قصدك انا 😂😂💜🎶🎼
مفاذ قالت لي لا والله هسي انتي لا بتشبهيها ولا بتجي بجنبها قلت ليها أكيد حاليا م حاشبها لانو زمان م كنت بتمكيج وحاليا متمكيجة لكن يوم بجيك بوريك اذا بشبهها ولا لأ وائل مشى طلب لينا قال لي اها احكي قصتك حكيت ليهم انو عمي قتل امي وابوي وكان طمعان في القروش ومعظم الحصل في الفترة الأنا كنت فاقدة فيها الزاكرة وعن حاجات أبوي اللقيتهم في غرفتو بعد م انتهيت من القصة قلت ليهم طيب انتو احكو لي عن أخوكم المات دا 😩💜🎶🎼
وائل قال لي يلا انا اخوي دا كان اصغر واحد فينا انا كنت بحبو شديد وم برضى فيهو يلا الشركة دي كان هو مديرها وانا كنت ماسك الشركة المتعاقدة مع شركة عمك لكن عمك م كان عارف انو انحنا إخوان 😩
طبعا انحنا كنا مركزين مع وائل شديد فجأة وائل ضحك وقال لينا والله حسستوني إني الحكواتي طبعا كلنا في اللحظة دي جرينا ليهو نور 😂😂😂💜🎶🎼
بعداك واصل قال لينا جيت ماري يوم بالمكتب حقو لكن انحنا الوقت داك م كنا متعاقدين معاهو بس كان في اجتماع سمعتو بقول انت م عليك الا تحسب القروش كلها م اهتميت للموضوع بعد كم يوم سمعنا انو الشركة حقت اخوي فلست واخوي وقع في ديون كتيرة اليوم الأول مرا اتصلت عليهو كتير تلفونو كان مقفول ودي كانت م من عوايدو والليل جاء واخوي دا لسة م جاء ركبت العربية ومعاي حسان فتشناهو كتير وم لقيناهو ........
#نتلاقىى💜🎶🎼
#Mathoo 💜🎶🎼
