الشاهدة رقم 318
(الحلقة 37)
بقلم : مثاني موسى
مشيت على اتجاه الغرفة ودخلت لقيت حبوبتي وجدي سلمت عليهم لقيت عمي صاحي حمدلله ليهو السلامة عاينت لي حبوبتي بمعنى وريتيهو يجي المحكمة بكرة هزت لي رأسها بمعنى اي طلعت من بيتهم مشيت على اتجاه بيت ناس وائل فتحت لي الشغالة دخلتني الصالة سلمت على خالتو هدى قلت ليها خالتو هدى كيفك قالت لي تمام بتعاين لي بنظرات متفحصة قالت لي عايزة منو قلت ليها وائل قالت لي هي ي بت اذا جاية تركبي لينا في وائل اوريك احنا مختارين ليهو زولتو سمحة وم فيها كلمة وبت أصول وم في زيها بت أحمد محمد السنوسي اها انتي بت منو قلت ليها خالتو هدى روقي انا مثاني لكن تنكري دا الكنت عشان عمي م يعرفني جانا وائل من فوق قال لينا دي شنو المفاجأة دي بت أحمد محمد السنوسي بحالها شرفتنا في البيت جاء سلم علي قال لي كيف عمك قلت ليهو كويس عاين لي امو المدهوشة
قال ليها نبعوو دي ميراث او مثاني عشان عارفك م عرفتيها جات حضنتني قالت لي كيفك ي بتي قلت ليها كويسة قالت لي والله م عرفتك عديل كدا ضحكنا فيها مشيت فوق اتونست مع مفاذ تاني نزلنا تحت وائل قال لي مثاني انا حأكون المحامي حقك وحاجات القضية كلها عندي قلت ليهو تمام
طلعت منهم العصر وائل قال لي يلا اوصلك وصلني الفندق قبلي م انزل اداني مزكرات أبوي والأوراق قال لي لقيتها جوة الدفتر نزلت دايرة اقفل الباب قال لي مثاني قلت ليهو أيوة قال لي خلي بالك من نفسي فيك قلت ليهو وانت كمان مشيت دخلت غرفتي استحميت وفتحت دفتر أبوي فتحت مكان الترجمة حقت وائل كان مكتوب :__
بسم الله الرحمن الرحيم
18/3/1998
لا أعلم كم طال على هذا الكتاب ، لكن قبل قراءته أريد أن اعتزر منكي ي مثاني ، لإخفاء حقيقة هذا الأمر عنكي ، لن اكتب كثيرا ، بل سوف احكي لك القصة الحقيقية :__
طبعا انتي عارفة انو انا وأمك اتزوجنا عن حب يلا والشركة انتي عارفة انو رجعت لي انا أكثرها لانو انا أكبر من يوسف يلا يوسف كان من نوع الشباب الطايشين المن م يلقوا القروش ينحرفو عشان كدا سجلو نصيبو من الشركة بإسمي لكن هو م كان راضي بعداك مشى أتزوج سكينة وهي طبعا بتملا ليهو في راسو اعمل دا م تعمل دا ....
#نتلاقىى
------------------------------------
طبعا القصة دي حاتمها في الجزء التالي لأني تعبت من الكتابة وكدا
وابقوا عافية
------------------------------------
#Mathoo 💜🎼🎶
