الشاهدة رقم 318
(الحلقة 13)
بقلم :مثاني موسى
مشيت مكتبي فتحت اللابتوب عشان أقدر أخلص شغلي سريع انتهيت منو وكان باقي للدوام زي نص ساعة عشان ينتهي
سمعت لي دق في الباب قلت اتفضل جاني داخل مثنى قال لي انتهيتي قلت ليهو أيوة قال لي انا م بعرفك عشان كدا داير اتعرف عليك فإذا م وراك حاجة انا عازمك قلت ليهو طيب م عندي مشكلة 😊
شلت لابتوبي دخلتو في الدرج وشلت شنطتي وتلفوني وطلعت وراء مثنى مشينا على عربيتو قال لي اركبي وفتح لي الباب القدام ركبت وهو ركب طبعا اتذكرت زمان لمن كان من الشركة دي بنمشي انا وابوي طوالي لي أمواج مثنى سألني قال لي نمشي اي كافتيريا 😴
قلت ليهو أمواج قال لي طيب اتحركنا على هناك من م وصلنا نزلنا دخلنا قال لي يلا نقعد هناك قلت ليهو لالا يلا هناك ووصفت ليهو على الطاولة طبعا ديك كان تربيزتنا انا وابوي كنا كلو م نجي بنقعد هناك مثنى قال لي طيب دايرة شنو قلت ليهو اي حاجة قال لي لالا اختاري 😕
قلت ليهو طيب أختار انت قال لي انا الشيء البعجبني م اظنو يعجبك قلت ليهو طيب نقول الاتنين الحاجة الدايرنها في وقت واحد بعد تلاتة قال لي تمام انا قلت واحد هو قال اتنين انا قلت تلاتة الاتنين في نفس الوقت قلنا بيتزا ومنقة باللبن قال لي اممم طلعنا متفقين 😅😅
قلت ليهو اجلنعم مثنى نادى الجرسون قال ليهو بيتزا كبيرة عاين لي قال لي اظن حنكون متفقين كمان في النكهة صح قلت ليهو يمكن عاين للجرسون قال ليهو بالخضار واتنين عصير منقة باللبن جامبو عاين لي قلت ليهو بيتزا بالخضار العششششق قال لي ي ميراث انتي عندك اخوان قلت ليهو أيوة عندي واحد أكبر مني قال لي حظك انا م عندي إخوان قلت ليهو طيب ببقى ليك أخت قال لي إخوان قلت ليهو إخوان جابو البيتزا أكلنا وأثناء م انحنا بنشرب في العصير جاتنا بت قالت لينا انتو إخوان مثنى قال ليها أيوة قالت لينا والله بتشبهو آب وبتو كانو بجو هنا ودايما بقعدو هنا 😯😯وانا من انتو جيتو متابعاكم وبرضو كانو بطلبو نفس طلبكم
العاملين هنا كلهم حفظوهم المطعم دا من افتتحوهو جديد البت وأبوها دايما كانوا بجوا هنا وبشترو
صراحة لكن اخوكي دا فيهو ملامح شديدة للبت ديك انا عندي صورة ليها كان صورتها ليها عن غفلة طلعت تلفونها ورتنا الصورة 🎶
عاينت لي مثنى قالت ليهو شوف نفس لون الشعر البني ونفس العيون العسلية المايلة للأصفر ونفس الانف الحاد والحواجب الغزيرة ونفس القرنة صراحة والله البت دي انا كنت حاسداها على اي حاجة عندها والله كنت بتمنى اكون صحبتها لكن في فترة زي سنة كدا البت دي تاني لاحظت ليها م جات قلت لواحد صحبي يبحث لي عنها في الفيس اظن كان اسمها مثاني لأني سمعت أبوها بناديها ي مثوو ومرات بقول ليها مثوون .....👀🔪💜
#نتلاقىى👀🔪💜
#Mathoo 👀🔪💜
