Tula ng Damdamin

Ngiti

Kalimutan mo muna ang lungkot.
Ang pagiging masaya ay huwag ipagdamot.
Minsan lang ito kaya sulitin na,
Pahalagahan ang sarili gaya nang pagpapahalaga mo sa iyong ina.

Huwag magalinlangang ngumiti,
Ipakita mo ang matatamis na ngiti ng iyong mga labi.
Huwag ka matakot sa sasabihin ng iba,
Patunay lang ito na kaya mo maging masaya at ngumiti sa lahat ng iyong problema.

Hindi ka mahina,
Tao ka lang at kailangan mo ng pahinga.
Kaya libangin mo ang iyong sarili upang sumilay ang iyong tunay na mga ngiti.
Hindi pa huli ang lahat, gawin mo na at aliwin ang sarili.