أسميتها الهوى💜

أسميتها الهوى💜
بقلم: رحاب يعقوب

بسم الله الرحمن الرحيم
قبل ما ابدأ حابة اقول انه الرواية من نسج الخيال وشوية لمسة من الواقع

(وكلما نلت لذة انذتني فتلفت خيفة من زماني ***
وكلما رمت بسمة لاح مرآي موجعي فآلمني ونهاني) لقد ماتت روحي وانا على قيد الحياة، لهفتي، ضحكتي، بسمتي، روحي الممتلئة نشاطاً سرقتها مني الحياة، وابقت لي دمعتي المالحة المليئة بالألم ممزوجة بشيء من القهر،إلى أين ؟وإلى متى يا قدري؟...
أصبحت احب تلك الغرفة المظلمة كثيراً انها اكثر مكان يحتويني بلا ملل، انها أفضل من البشر بكثير، اجلس في غرفتي احتضن وسادتي، وامسك بهاتفي الذي طالما كان يستطيع فهمي وبشدة، واخيراً صوت الباب يطرق كالعادة انه حنين بعض الشيء ومزعج بعض الشيء، ثم يفتح من دون أن افتحه...
_:يا بت ايلين قومي اكلي ليك حاجة من الصباح ما ماكلة شيء، ..انا ما عايزة شيء بس خلوني في حالي، ايلين يا بتي قومي ما تقطعي قلبنا وقلب امك عليك قومي عليك الله،... بكل صوت محموق وحاد شوية قلت، انا ما عايزة خلوني ما عندي حيلة اكل ما عندي حيلة اناقش ما عندي حيلة والله ما عندي يا خالتو عزيزة.. ودموعي جات نازلة... خلاص انا حاخلي ليك الأكل هنا يا بتي ومتى ما جعتي اكلي يا بتي قطعتي قلب امك وقلبنا عليك من الشفقة... والباب اتسد وراها

اعرفكم ايلين مجدي أو ايلين العاصمي زي ما بيقولوا معظم الناس، عمري 19 في سنتي الما قبل الأخيرة من الجامعة، عايشة مع عمي وخالتي اللي هي مرته   وبتهم وامي معانا في تركيا، يتيمة الأب، وامي عاجزة مصابة بالشلل ما بتقدر تمشي امي اسمها علياء، وخالتي عزيزة وعمي عدلي وبتهم رانية، لما ابوي اتوفى كنت صغيرة عمري 4 سنين بس، يعني الدنيا دي ما كنت عارفة فيها حاجة، وامي عجزت من عمري سنتين كدا وقضاء وقدر فجأة كدا😔، يعني من قمت في الدنيا دي والقهر مكتوب في قدري، بعد وفاة ابوي عمي حلف ما يخلي امي براها لأنه ما ليها غيرهم وكدا، بالجد عمي عدلي كان حنون ولطيف جداً وكان دائماً بيحاول يسعدني وما كان بفرقني من رانية نهائياً، وهو وخالتي رانية ما كانوا محوجننا لشيء بالعكس، ورانية كانت بتحب امي شديييد زي خالتو عزيزة، بس انا من زمان داخلة فيني حالة اكتئاب كدا غريبة ممكن تقولوا اكتئاب حاد، من كنت بقرا في المدرسة كان كل البنات بيبعدوا مني بشكل غريب وكأني شيء مؤذي💔، حاولت اتداخل في الكل بس من دون فايدة، حتى بنات اهلي كنت بحاول اكون صاحبتهم بس كانوا بيعاملوني وكأني مافي الوجود، من قمت ما كان عندي نصيب في الصحبة ولحدي الآن ما عندي نصيب في الصحبة، بقيت انطوائية وشوية شوية بقيت بفضل اكون قاعدة براي بالجد ودراستي اتعطلت سنة كاملة بسبب اتهامات الناس الفاضية، بجد انا كنت كارهة نفسي جداً، رانية كانت دائماً هي الوحيدة البتكون معاي على طول، بس ما قدرت من حالة الاكتئاب الفيني اكون صاحبة نعم الصاحبة زي ما بيقولوا، انا لمن كنت بصلي كنت ببكي في السجود ولما اسلم برقد في مصلايتي وابكي، غرفتي كانت مظلمة حتى بالنهار، اصلا في تركيا الجو غالب ايام السنة مغيم ورمادي بالجد اللون مناسب معاي جدا، بعد ما ابتعدت من الناس الناس كلامها ما بيخلص كلموا عمي عدلي علشان يوديني طبيب نفسي، عمي عدلي عارف اني حارفض واتحسس زيادة فما حاول يفتح معاي السيرة بس رانية كلمتني وقالت الناس ما بتريح اصلا، مستمرة كدا لحدي سنتي دي، بالجد نفسيتي انهارت خالص، وفي الجامعة كل يوم بيتكلموا عني بس ما عارفين اني خلاص مت داخلياً، ما عارفة الحياة دي ماشة بي وين...
نرجع....
باب غرفتي تاني مرة بيدق زهجت وقمت فتحت لقيتهم امي ومعاها رانية جايباها بالكرسي المتحرك بتاعها... أمي قالت لي ايلين اكلتي؟ قلت ليها ما عايزة يا أمي والله ما قادرة امي انا نفسي متسدية من كل الحولي😭... قالت لي تعالي معاي ودخلت معاي الغرفة ورانية فاتت وسدت الباب وراها، قالت لي ايلين يا بتي ليه ليه بتعملي في روحك كدا؟💔، في اللحظة دي ما قدرت اتحكم بنفسي، وطوالي ارتميت في حضنها وانا ببكي قلت ليها امي انا مافيني قدرة والله امي انا خلاص انهرت تماماً، امي ما قدرت وطوالي بكت وراي، قالت لي يا بتي والله الدنيا دي اصلا امتحان ربنا وضعه لينا عشان يشوف مدى صبرنا، ما تخلي الشيطان يغرك وتخسري الصبر ومنها تخسري في الامتحان الواضعه ربنا ليك، بعدين ما احب الله عبدا إلا ابتلاه يا بتي عليك الله تماسكي، بعد سمعت من امي الكلام دا ارتحت حبة،  قمت مسحت دموعي ومسحت ليها دموعها وبستها في رأسها قلت ليها ونعم بالله✨،

   امي وستظلين نبض قلبي امي وستظلين رغد عمري امي وستظلين جنتي امي وستظلين نبع حبي💜)

بعد نفسيتي اتعدلت حبة جبت الصينية وبديت اكل وامي فرحت وانبسطت، قالت لي عافية عليك يا بتي، أكلت حبة وختيت الصينية وقلت لي امي اغسل يدي واجي، قالت لي تمام، مشيت الحمام غسلت يدي ووشي، وجيت طالعة، في حد دقا الباب اول ما طلعت مشيت فتحته لقيتا رانية، قالت لي ايلا ابوي قال عايزك انتِ وخالتو علياء، عايز

نا في موضوع، قلت ليها طيب، مشيت حركت لأمي كرسيها وطلعنا، لقيناه قاعد وماسك أوراق كدا اول ما شافنا قام على حيله، خالتو عزيزة قالت ليه عدلي خير احكي، قاليها الصبر، الموضوع بيخص علياء بصراحة، اول ما سمعت اسم امي قلبي بدأ يدق بسرعة، قلت ليه عمو قول سرعة، قالينا اممم طيب الموضوع انو عندي صاحبي طبيب أخصائي شاطر، تخصص ارداف وكدا، كلمته بموضوع علياء لو ممكن يساعدها أو كدا وهو وافق يعني.. بجد انا فرحت وحسيت في امل، فرحت ضميت امي وخالتو عزيزة ورانية ضموها وجوا ضموني، عمو عدلي قالينا دامت الفرحة لكن اسمعوني للآخر......

ثم لتدم الفرحة يا الله متزاحمة في أعماق قلوبنا💜🌸

يتبع