أسميتها الهوى💜

أسميتها الهوى 17💜

أسميتها الهوى 17💜
بقلم: رحاب يعقوب

غير متعلق:
أريد أن أكون كاتبة تنبئ الناس بوجود اللحظات
الفائقة، أريد البرهنة على وجود فضاء لا متناهٍ،
ومعنى أبدي، واتجاهات غير محددة ✨🌸

#أناييس_نن
.
قلت ليها طيب طيب انا جاية عليكم، قفلت الموبايل، قلت لسيد التاكسي ممكن على مستشفى الامل؟، قال لي طيب، رجع دور عشان يتحرك عليها، المرة قالت لي في شنو خير؟ قلت ليها الليلة عملية عمي واللي هو موكلني بالقضية وفي نفس الوقت الليلة يوم القضية، قالت ربنا يشفيه ما تخافي، قلت ليها امييين، الراجل قال لي طيب انتِ أمس ليه كنتِ هناك والحصل ليك شنو بالضبط؟ قلت ليه أمس كنت طالعة في تجوال بسيط كنت متوترة عشان القضية، لأن الفلاش الممكن يثبت المجرم الحقيقي اتسرق بعد حصلنا عليه بعد تعب، وحالياً، في لحظة سرعة وانا سايقة طلع لي حد في وشي للحظة كنت حاضرب بيه بس الحمد لله لكن هو خاف اول ما شافني وجرى بسرعة مخيفة كدا، شككني فيه فقمت مشيت وراه انا كمحامية لازم اشكك، ويمكن الصدفة كانت عايزة تجمعني بالسارق فقلت ما اضيع الفرصة واول ما لاقيته في شارع البحر كان فاضي تقريباً ماف حد غيرنا، وهو كان ملثم، قلت ليه وقف اول ما سألته عن نفسه وليه جرى بالسرعة دي، حسيت بضربة شديدة في راسي من وراي شديت على راسي، شديد على راسي وما كنت قادرة اقاوم ولا اركز، وقعت والرؤية بدت تطش من قدامي، بس شايفة صورة اتنين جارين بشدة والصورة ما واضحة، حاولت اصرخ اقاوم بس راسي، بعدها فقدت الوعي، المرة قالت لي صحي نحن جينا متأخرين شوية يمكن جينا لقيناك في الوضع الانتِ فيه، الراجل قال لي طيب نفترض انه ربنا عايز يجمعك بالسارقين، عشان داير ينصر الحق، ربنا اكيد حيبين الحق، بس يا بتي معقول ما يكونوا اتخلصوا من الفلاشة؟، قلت ليه احتمال وارد، المجرمين عادة الأدلة الزي دي اما بتخلصوا منها بكسرها أو تضيعها، أو بيرموها في البحر، وإذا كانوا هم المجرمين فعلا فالمنطقة ديك ما بعيدة عن البحر، فحيحاولوا يبتعدوا ويتخلصوا من الفلاشة عادي، وفي توقعات كتيرة انا خاتاها في بالي، بس الحاجة المحيراني، هم ليه ما اتخلصوا مني بالضبط لو كانوا السارقين؟ المرة قالت لي استغفري ربنا يا بتي ربنا حماك بس من المجرمين ديل، قلت ليها بحمد الله، لكن من ناحية التحقيق دي جد حاجة تحير، قال لي جد والله، مشينا لحدي ما وصلنا المستشفى، نزلت ومعاي الراجل والمرة ودخلت جوة بسرعة، بقيت واقفة وبفتش وين الدكتورة وينها؟ انا راسي جايط وضارب بكل النواحي، عم عبد الرازق والقضية اخخخخ، الدكتورة كانت ندهت عليها دكتورة، دك، شافتني جات علي حضنتني قالت لي ايلين يا بت والله العظيم خليتيني اخاف عليك حرام وين كنتِ، قلت ليها دي حكاية طويلة، عم عبد الرازق بديتوا ليه العملية؟، قال لي دكتور عبد العظيم دخل عليه، قلت ليها طيب، قعدت في الكراسي الكانت وراي قعدوا معاي، مسكت راسي، قلت اخخخخ، ما ممكن الحكاية دي، المرة قالت لي شيلي الصبر يا بتي الكاتبه ربنا حيحصل، وقمت على حيلي بقيت ماشة وجاية، قلت ياربي القضية، لاااا، الراجل قال لي في شنو يا بتي، قلت ليه قضيتي انا تأخرت ما عارفة اعمل شنو، قال لي طيب يلا المحكمة، الهام انتِ خليك هنا بالله، قلت ليه الأدلة والكلام دا، لازم اجهز، قلت ليه يلا نرجع البيت طيب الأدلة موجودة عندي، وو... دقيقة بس، شلت اتصلت على واحدة من الشاهدات تتذكروهم؟ اتصلت عليهم قلت ليهم الجلسة هل انتوا متذكرين؟ قالت لي يا بتي بالغتي وينك نحن زمااان وصلنا قبلك يمكن، قلت ليها اسفة والله حصلت لي ظروف، قلت الجلسة بتبدأ بعد ساعة او اقل ما عارفة، يلا، خالتي الهام عليك الله انتبهي على عم عبد الرازق، لمن يصحى وكدا، انا الليلة لازم اطلع ليه ولده، لازم أحقق العدالة، قالت لي ما تخافي يا بتي ربنا ينصرك، قلت ليها امييين💛، طلعنا واتحركنا، بسرعة البرق كنت سايقة، قال لي يا بتي براحة براحة ما تستعجلي، قلت ليه ما بقدر، لحدي ما وصلت، اخد معاي زمن مع بعد المحكمة، قريب الساعتين...
من ناحية المحكمة..
لما تأخرت محامية الدفاع من المفترض أن تصل مع محامي الادعاء؟ كيف ذلك أنه مخالفة للقوانين، أظن اننا يجب أن نرفع الحكم الان لان انسحابها هذا لا يدل إلا على شيء واحد، وهو ادانه المتهم، واحد من الشهود  تبعني قال ليه من فضلك سيدي القاضي انتظر قليلاً، قال ليه لقد انتظرنا أكثر من وقت المحكمة بطلب منكم، الآن تأكدت ان هذا دليل على انسحابها، لذا المحكمة تحكم ب....

اللهم قلوبنا لا شقاء عليها💔💔
يتبع....

كيفكم يا جميلين اسفة على التأخير بالمناسبة الراوية قربت تخلص كم بارت كدا وحتخلص لاني والله بقيت ما قادرة فمعليش استحملوا🤦‍♀