أسميتها الهوى💜

أسميتها الهوى 12💜

أسميتها الهوى 12💜
بقلم: رحاب يعقوب

اقتباس غير متعلق:
اذهب إذا يوماً مللت مني واتهم الأقدار واتهمني، اما انا فإني سأكتفي بدمعي وحزني، فالصمت كبرياء والحين كبرياء، اذهب هيا... إذا اتعبك البقاء💛
نزار قباني💛

فجأة كدا واول ما قام بدأ يترنح ويفقد توازنه، اتخلعت بشكل قلت ليه عمي ومشيت سندته، قالي ما شايف اي شيء قدامي قلت ليه طيب دقيقة وفي لحظتها وقع، في الكرسي، مسكته قلت ليه عمي، عم عبد الرازق، يا عمي اصحى اصحى، وماف اي استجابة، كان في كباية موية جنب الكرسي في التربيزة شلتها ورشيت ليه بس ما قام، بجد ما عرفت اتصرف شنو عقلي وقف كله كله من الصدمة والخوف، تاكيته على الكرسي طلعت جري على غرفتي لبست لي عباية اطلع بيها ومعاها شنطة يد، وجيت طالعة بسرعة، جيت لقيته بيتعرق بشكل ما طبيعي، قلت ليه عمي، وبقيت بقوم فيه على حيله واسنده، طلعنا ومشيت ركبته العربية بورا، وانا ركبت قدام عشان اسوق، بقيت سايقة ومسرعة وما مركزة على أي شيء وخايفة يكون عم عبد الرازق حاصل ليه شيء، هرولت بالسيارة من الخوف لحد ما وصلت مستشفى كدا، نزلت ونزلتا عم عبد الرازق معاي وسندته، ما كانوا عايزين يخلوني ادخل قلت ليهم عاينوا في الحالات الزي دي مسموح وبشدة ادخل ويين الدكتور،دكتور  يا دكتور، يا دكاترة، جوني  دكتورين قالوا لي خير، شافوا عم عبد الرازق شاكلوا الممرضين قالوا ليهم انتوا عارفين انو في الحالات الطوارئ ماف قوانينها زي دي، وسندوا عم عيد الرازق مني واحد قال الزول جسمه مولع كويس جبتيه في الوقت المناسب، ونقلوه للغرفة، فضلت بس ماشة وجاية وادعي ربنا، في اللحظة اتصلت رانية، ضربت مرتين واتجاهلت المكالمه بتاعتها، المرة التالتة رسلت رسالة مكتوب:
هييي كمان ما بتردي وبتفصلي😒
رديت ليها وقلت ليها انا مشغولة جداً حالياً اتصلي بعدين، قفلت منها اتصل عمو عدلي، ما لقيت مجال إلا ارد، رديت قلت ليه الو، اي اي يا الما بتردي، قلت رااانيةة🤦‍♀، قالت لي اي هي ذاتها، بعدين نبرتك ما عاجباني مالك؟ قلت ليها مشغولة ومضغوطة بس، قالت لي ايلين، ما بتكذبي علي انا احكي الحاصل شنو؟؟، اتنهدت قلت ليها رانية حارجع ليك بعدين، قالت لي لا ما بعدين احكي هسي الحاصل شنو؟، قلت ليها انا في المستشفى، قالت لي سجمي شنو؟😨، الموديك المستشفى شنو؟،..... من ناحيهم كانوا مخلوعين بشكل من صوت رانية امي قالت ليها رانية في شنو في شنو؟😱، خالتو عزيزة وعمو عدلي برضو بنفس ردة الفعل قالوا ليها يا بت ما تنطقي،أشرت ليهم بيدها بمعنى اصبروا...
انا قلت ليها رانية اقفلي ما ترفعي لناس امي وخالتي ضغطهم ساي انا كوويسة الحمد لله بس عم عبد الرازق جاته حالة فجائية، قالت لي الحمد لله انك كويسة بس هو ماله؟ قلت ليها ما عارفاه والله عنده ضغط الظاهر، قالت لي ربنا يشفيه يارب المهم انتبهي على نفسك تمام كويس؟ قلت ليها طيب تمام، قفلت الخط مني وكلمت ناس امي بالخبر، عمو عدلي قال لا حول ولا قوة الا بالله عبد الرازق من زمان عنده مشكلة في القلب، ربنا يشفيه وينجيه ويفرحه برجعة ولده سالم ان شاء الله الزول دا كويس جداً وايلين قالت ما محوجها لشيء، امي وخالتي قالوا امين يارب ربنا يسعده، حندعي ليه ربنا يشفيه يارب،
من ناحيتي كنت قاعدة على اعصابي، ولسة مستمرة ماشة وجاية، جا الدكتور طالع مشيت ليه سريع قلت ليه دكتور خير عم عبد الرازق ماله؟، احكييي، قالي استني، عمك عنده ثقب أو انفتاح في القلب، من زمان شكله عنده بس هسي كبرت الثغرة من الإجهاد الشديد، ودخل في حالة حرجة، ما معروف يصحى متين، وحيحتاج عمليةة بسرعة، بجد اللحظة ديك كانت حارة علي وبشدة وقبل كدا ما كلمني انه معاه مشكلة في القلب،  قلت ليه دكتور انا مستعدة اتكفل كفالة العملية، بس انتوا اعملوا ليه العملية، قالي اكييد ربنا يشفيه دعواتك،  قلت ليه اكيد، قالي طيب بعد ساعة كدا بالضبط حتصلك استمارة تمليها اوكي، قلت ليه استمارة؟؟ مش المفروض يملاها حد بيقربه؟ أو بيلزمه؟قالي اي وانتِ ما بتقربيه؟ قلت ليه لا والله صراحة انا محامية وهو موكلني ومستضيفني عنده، قالي طيب زوجته أولاده اخوانه، قلت ليه زوجته متوفية، وعنده ولد واحد وهو الموكلني اتكفل قضيته متهم وحالياً في السجن، وما بعرف حد من أقاربه، قالي طيب دي مشكلة، مافي خيار إلا انتِ صح؟، قلت ليه ما عارفة في الحالات الاضطرارية دي ممكن يخلوه يطلع بشوف، خلال الساعة دي بحاول اطلعه، وفعلا مشيت السجن وقدرت اطلعه، جبته بس كان إلزامي اجيب معاي شرطي، يحرس نايف، جاء وملأ الاستمارة قال للشرطي انه حيقعد حبة لحدي مايتطمن على ابوه ويرجع معاه، الشرطي وافق، نايف قالي عارفة؟ قلت ليه شنو؟ قالي ما انا المفترض كان أملا الاستمارة بس اخن يا دنيا، قلت ليه طيب اذا ما انت منو؟ عايز يتكلم...

فهيناً ليناً💛✨
يتبع...

معليش للتأخير جاء متأخر والله كنت مشغووولة وما كتبته إلا أمس بالليل😭 المهم انجوينغ متابعة🌚💛