أسميتها الهوى💜

أسميتها الهوى 23💜

أسميتها الهوى 23💜
بقلم: رحاب يعقوب

ــ غير متعلق:
يحِنُّ الإنسانُ حتى يجُّن وحيداً وراء أقنعةِ الخبايا ، مطموس الطريقِ وحده ايذان مُغادرتهم أرضُ الخضوعِ والمأوى ، مُنقلِباً بين هذه الحالة والأُخرى .

الياقوت الطيب .
ــ
قالت لي دقيقة بس،  فتحت موبايلها وادتني اشوف صورة قالت لي دا هو صح؟! قلت ليها ايوة دا هو بالضبط، بس... قالت لي حتقولي لي عرفتيه كيف؟ يا ستي دا هو صاحب اياد الانا منبرشة فيه . وكمان صاحبه شدييد بس ما اظن حصل وجاب سيرة لاياد عن الموضوع دا، ما عارفة والله، قلت ليها طيب كويس، ممكن تسألي خطيبك هو ساكن وين بالضبط؟ يمكن كدا نقدر نحل الموضوع دا بجد ما عارفة لكن شغل لي بالي وبقيت ما قادرة اشوف الوضع ناقص كدا، قالت لي طيب تمام، اتصلت ليه وسألته بس هو كان مصر هي عايزة تعرف مكان سكنه لشنو، لخصت ليه الحكاية بسرعة كدا وقالت ليه بعدين بحكي ليك التفاصيل، طيب اوكي خلاص، وقفلت الخط، قلت ليها وصف ليك؟ قالت لي اي وقال المساء نديه رنة عشان نمشي ليه والموضوع يتحل، قلت ليها طيب بس نمشي ليه؟ امممم، اخدت سكتة وقلت ليها طيب تمام، يمكن كدا الموضوع يتحل، ولو قدرت اقنع نايف يمشي معانا عشان يشوف اخوه بيكون الوضع اسهل، جود قالت لي برغم انك ما مجبورة تعملي كدا وممكن تقولي الموضوع ما بخصك بس انتِ الانسانية فيك بحر والله❤️، رزان قالت اكزاكلي تستاهل لقب اصغر محامية فيك يا تركيا الزيك ديل ياهم المحاميين المحتاجهم العالم الفاسد دا😌، قلت ليهم بجد تسلموا ودا بعتبره كواجب لي،  المهم هسي انا حامشي واحاول اقنع نايف، حيكون قطعة كبيرة من الاحجية دي، قالوا لي تمام، مشيت على غرفته لقيته بيلعب بليستيشن، دقيت الباب قلت ليه ممكن ادخل؟ قالي جداً دي كمان عايزة ليها اذن تعالي هنا في السودان سلغفة الاستئذان والعوارة دي ما بتنفع خشي تووووشك😂، اكتفيت بابتسامة ودخلت،  قلت ليه هو انا عايزة اكلمك في موضوع ويمكن الموضوع يزعجك،  هو موضوع امس... قالي ايلين اتكلمي في كل شيء بس موضوع امس دا احسن نقفله ونتجاوزه، قلت ليه انت حتفضل تتجاوز الموضوع لمتين؟ ما هي اصلاً الحقيقة زي الشمس،  مهما غطتها الغيوم لفترة حترجع تظهر،  شوف انا ما نفسي اكون حشرية او اي شيء، انا بس عايزة اكمل الاحجية الناقصة دي،  ما عارفة بقيت بعتبر الموضوع دا واجبي انت فاهم علي؟ المهم شوف يا نايف انا اكبر منك ومريت بمرحلة الفقد دي وكانت مؤلمة جداً،  لما فقدت ابوي ربنا يرحمه فقدت وراه طفولتي، اتعلمت انه الدنيا دي ما معروفة خالص الليلة هنا وبكرة الله اعلم . عشان كدا نتفقد قبل ما نفقد،  يعني صح الحصل في الماضي دا شيء مجاوزته كانت صعبة وصعب اصلاً يتصلح بس ماف حاجة في الدنيا دي ما عندها فرصة تانية، الا الحياة ونحن لااازم نحسن فيها، فهمت علي كيف؟ ظاهر في ملامحه انه تأثر بكلامي هز لي برأسه، قلت ليه نايف وكمان شوف عمره الدم ما بينقلب موية، يعني مهما بعدت واتجاوزت وغضيت نظر الحقيقة حتفضل هي هي حيفضل اخوك من دمك فاهم؟ حاول تفهمني واديه فرصة تانية،  نحن لازم نعفي اخطاء غيرنا نحن كمان ما ملائكة وكلنا عيوب وبنغلط،  وما بنكون عارفين ظروف غيرنا، نايف قالي طيب انا فهمت عليك، انا كمان بتمنى نكون سواء، بس كبرياء ابوي ما حاقدر اكسره والله، فاهمة علي صح؟ قلت ليه ماحتكسره، ماف حاجة واقفة بيناتكم غير الشيطان،  ربنا قال: إنما يريد الشيطان ان يوقع بينكم العداوة والبغضاء...الخ) يعني دا مش كبرياء دا الشيطان والعياذ بالله فنحن لازم نبقى واعيين منه فهمت علي مش كدا؟ هز لي برأسه قالي صدقتي والله، كلمته بموضوع الطلعة بالمساء قلت ليه لو مشيت معانا يكون احسن يا نايف،  اخد ليه سكتة وهو بفكر، بعدها وافق،  قالي طيب وابوي نقنعه كيف؟  قلت ليه بعد تتلاقى مع اخوك وتتفاهم معاه اقناع عم عبد الرازق حيكون ساهل جداً،  قالي طيب، رجعت الغرفة هناك وانبسطت لانه نايف اقتنع،  كلمت البنات بموافقة نايف، روان قالت لي الحمد لله كدا الامور ماشة تمام ان شاء الله تفضل كدا وما تجوط، قلت ليها يب بس عمي عبد الرازق ما حاقدر اخليه يفضل لحاله،  محتاج حد يفضل معاه،  جود قالت لي انا ورزان حنفضل هنا انتوا امشوا لانه الاتنين مهمين، قلت ليها طيب حنقنع..  رزان قالت لي خلي الموضوع دا على ام الحنك رزة المزة😌، روان قالت لي يب خلي عليها فالحة في المواضيع دي هي، قلت ليها تمام😂، بحبكم كلكم💙،  بصوت واحد قالوا لي ونحن بنحبك😘، مر الوقت وزي الساعة 6 مساء اياد قال جاي في الطريق بعد اتصلت عليه روان، وقالت ليه يجي عندنا في بيت عم عبد الرزاق، ورزان قدرت فعلاً تقنع عم عبد الرازق بس كيف ما عارفة، وصيت جود على اللي مواعيد ادوية عم عبد الرازق وكله، نايف اتجهز وجاء طالع طق وصل اياد، ركبنا في الطريق اياد كان بيحكي، قال  والله انا ما عرفت الموضوع دا الليلة الا من روان، يعني انا صاحب قصي دا لي سنين واقرب اصحاب وبنفهم على بعض شديد وكل حاجة، بس عمره ما جاب لي سيرة لو حاولت افاتحه في الموض

وع على طول بغير الموضوع، قصي كان مدمر نفسياً كل السنين الانا كنت معاه دي، وجات عليه سنتين يا سااتر، مرض فيهم بشكل،  مع ذلك ما رضى يحكي لي عن اهله ولا حاجة عشان يقيفوا جنبه،  نايف قال ليه دقييييقة، قلت مرض صح؟ طيب هسي هو كيف صحته كويسة هل هو كويس؟ ما يكون مؤثر معاه مرضه لحدي الان؟ نايف كانت واضحة على ملامحه الخوف على اخوه،  قال ليه لالا الحمد لله كويس جداً هو هسي، اخوك كان بيرهق نفسه شديد عشان يقدر يحقق حلمه بأنه يبقى محامي وفعلاً ربنا ما بيخيب حد اهو بقى محامي ومن اشطر محامين السودان، نايف قال دا كان حلم ابوي يشوفه محامي قدر الدنيا، بس ما قدر يشوفه، قال ليه وهسي حيشوفه،  بعد كدا كفاية بعد والله ويكفي على قصي دا جداً، وصلنا هناك ونزلنا،  بجد البيت من برة بسيط وراقي، ضربنا الجرس جاء فتح،  قال ايااد، خش يا مان، مشى قدامنا ونحن دخلنا وراه ما انتبه لنايف لانه كان وراء، بعد قعدنا وجاب الضيافة،  قال لاياد شايف معاك ضيوف، وو... لاحظ لنايف سكت وبصدمة قال ليه نايف؟، على طول نايف ضماه، قال ليه نايف،  اسف يا خوة دمي،  اتكلموا سواء كدا  كانت ضمة العمر،
(يمة الخوة امان وقوة يمة الفرحة كلها خوة❤️) قعدوا واتكلموا سوا وكل دقيقة قصي يسأل عن صحة ابوه، كلمه وقال ليه بعد كدا يرجع، تكلموا عن كل حاجة ونايف وعده انه حيرجع للبيت وبرضا ابوه، بعدها طلعنا ورجعنا البنات رجعوا مع اياد وروان، نايف قال لي بعد كدا حنبدأ نقنع ابوي،  قلت ليه تمام، فعلاً اليوم البعده اتكلمنا معاه الصراحة وكل حاجة، رفض الفكرة تماماً في البداية بس بعد يومين فكر بكلام نايف ورجع ووافق،  الامور مشت كويسة جداً وقصي رجع البيت، نايف قال لابوه واخوه يلا دا كله بفضل صاحبتي المزمزينو دي😌،  وكالعادة عم عبد الرازق دعا لي وقال ما عارف يجازيني كيف قلت ليه دعواتك يا عمي كفاية، وشوفة لمتكم دي كفاية جداً والله، قصي ونايف تعاملهم معاي كان لطيف جداً حسيتهم اخواني بجد💚، ما كانوا بيقصروا مني خالص، في صباح اليوم التاني جوني البنات وكانوا مخلوعات، قلت ليهم بسم الله مالكم ها؟  جود قالت لي دي المجنونة روان دي تقولي شنو🤦‍♀، قلت ليها روان مالك؟ قالت لي احييي بس😭، .....

يتبع....
فاللهم هيناً على القلب
#ماقبل_الاخيرة😉