أسميتها الهوى💜

أسميتها الهوى 13💜

أسميتها الهوى 13💜
بقلم: رحاب يعقوب

اقتباس غير متعلق:
لو اعتقدت انك قادر على فعل شيء ما، أو اعتقدت أنك غير قادر على فعل شيء ما، ففي كلتا الحالتين انت على صواب.... عمق😴
توماس كارليل#

عايز يتكلم كدا جاء الدكتور، الضابط قاطعه قال ليه الدكتور جاء، عاين ليه قال ليه كويس، قالي ايلين، مش اسمك كدا؟ قلت ليه يب، قالي طيب بستأذنك، مشى وقف قدام الدكتور قال ليه السلام عليكم، رد ليه وعليكم السلام، قال ليه انا ولد المريض عبد الرازق، عايز استفسر هل ابوي ممكن يصحى قريب؟ وهل صحته بخير؟ جاوبني يا دكتور، قال ليه والله يا ولدي ابوك محتاج عملية عنده انثقاب في القلب عملية ترميم، وما معروف يصحى متين، قبل علي قالي ايلين تعالي، جيت وقفت جنبه قلت ليه يب، قالي سمعت الدكتور قال شنو، يعني انا حالياً ما حاقدر اعيش إذا ما كنت جنب ابوي عشان اتطمن عليه، والجلسة النهائية ما باقي عليها إلا كم يوم كدا بس، يعني لو ابوي ما صحى لحدي الوقت داك ممكن تتأجل الجلسة عادي اخن، قلت ليه نايف، انا حاكون جنب ابوك طول الوقت ما تخاف حاحاول أوفر ليه كل المستلزمات البيحتاجها، وانا الحاتكفل بموضوع العملية ما تقلق، وان شاء الله ما حيحصل ليه شيء، بالنسبة لموضوع القضية ما حتتأجل ولا اي شيء، قالي كيف يعني؟ قلت ليه عديل كدا، وحاقدم اعتذار لو ما صحى للوقت داك، بعدين عمي حينبسط جداً إذا صحى ولقاك جنبه، بإذن الله، قالي بإذن الله، قلت للدكتور شكراً يا دكتور معليش وقفناك معانا، قال لينا لالا ياخ العفو وعوافي يارب وموفقين، نايف قال ليه اللهم اميين، الدكتور فات، والشرطي جاء قال لنايف يلا، ساق نايف ومشى وانا قعدت في الانتظار، كنت خايفة ماسكة الدعاء بس، جاني اتصال في موبايلي رفعت ورديت الو، اي السلام عليكم أستاذة ايلين، وعليكم السلام منو؟، قالي انا المفوض، قلت ليه اهلين حضرة المفوض، قالي الله يعافيك ابشرك قدرنا نقبض على القاتلين القلتي لينا عليهم، قلت ليه اهاا تسلم ياخ والله ما قصرت، قالي ولو دا الواجب بس حالياً لازم تجي انتِ، قلت ليه حالياً؟ ما ممكن بعدين ولاشيء، قالي لا لازم تجي حالياً عشان تاخدي فلاشة التسجيل السجلنا ليك بيها اعترافهم، قلت ليه طيب، وقفلت الموبايل، قلت هسي انا اخلي عم عبد الرازق لمنو؟ وانا وعدت نايف اكون جنبه طول الوقت، يااربي، لقيت لي دكتورة ماشة على طريق الغرفة بتاعته، أسرعت ليها ووقفتها قلت ليها دكتورة السلام عليكم، ومعليش على الازعاج دا، قالت لي وعليكم السلام لالا ولايهمك اتفضلي، قلت ليها ماشة لغرفة المريض عبد الرازق رفيع؟ قالت لي ااي ماشة أتطمن على حالته عايزة اي خدمة؟ قلت ليها دكتورة لو ما بشغلك ممكن تبقي معاه لحدي ما ارجع انا المرافقة بتاعته، ولو ما بتقدري خلي ممرض أو ممرضة تكون معاه لحدي ما ارجع لأنه عندي موضوع ضرووري، قالت لي جداً يا جميلة، حاحرسه ما عندنا شغلة غير المرضى، بس ان شاء خير؟، قلت ليها تسلمي والله لالا الحمد لله ماف شيء، قالت لي الواجب ياخ والحمد لله، ابتسمت ليها وطلعت من المستشفى، ركبت العربية واتحركت، لحدي ما وصلت هناك، نزلت ودخلت جوة قلت للضابط حضرة المفوض.. قالي اتفضلي جوة، دخلت جوة لقيته قاعد على كرسيه ومنتظرني، قلت ليه السلام عليكم حضرة المفوض، قالي وعليكم السلام، اتفضلي يا استاذة، قلت ليه وين الفلاشة يا حضرتك؟، قالي دقيقة، نزل تحت يفتش في درجه، طلعها لي قالي اتفضليها، قلت ليه تسلم بجد، قالي دا واجبنا ولو ياخ، قلت ليه معليش يا حضرة الضابط معاك لابتوب أو شاشة مصغرة اشغل عليها الفلاشة واشوف؟ قالي لا والله ياخ، قلت طيب تسلم مرة تانية وقمت على حيلي طلعت، ركبت العربية ودورتها، وصلت المستشفى أول ما دخلت شفت الدكتورة الخليتها مع عم عبد الرازق برة، ختيت الفلاشة في كرسي الاستقبال، ومشيت عليها قلت ليها دكتورة، قالت لي نعم اهلين دي انتِ، قلت ليها يب بس شايفاك هنا معليش عم عبد الرازق معاه زول؟ قالت لي لالا انا مرقت منه ثانيتين، وكنت مضطرة، تعالي معاي المريض اكيد بيكون بخير تعالي معاي لو عايزة تطمني عليه، قلت ليها طيب، مشيت معاها الغرفة وفعلاً كان الوضع طبيعي ما حاصل شيء، قالت لي اهو اتطمنتي؟ قلت ليها اه يب، ابتسمت قالت لي عوافي يارب، قلت ليها تسلمي ياخ، قالت لي يسلمك يارب، قبلنا ورانا لقينا الدكتور جاي علينا قالت لي اهو، دكتور عبد العظيم جاي اتطمني وخليك ريلاكس خالص، قلت ليها اوكي😂، الدكتور وصل قال لينا مريضي كويس؟ الدكتورة قالت ليه الحمد لله الوضع مستقر للان، دخل جوة وانا والدكتورة طلعنا برة قالت لي عارفة مع اني الليلة ما علي دوام بس جيت لأن لازم اخد لي ساعتين على الأقل في الاوف بتاعي إذا في اي حالة طارئة، وفعلاً سبحان الله بتجي حالات طارئة، دا من واجبي كدكتورة طبعاً، قلت ليها كدا كويس خالص انا برضو كذا، قالت لي انتِ دكتورة؟ قلت ليها لالا محامية، قالت لي اوووو، واسمك يا جميلة؟، قلت ليها ايلين، قالت لي ايلين؟... قلت ليها ايلين مجدي أو ايلين العاصمي، قا

لت لي اووو أصغر محامية في تركيا صح؟😍، قلت ليها يب، قالت لي سعيدة جداً بمعرفتك ماشاء الله سيرتك المهنية اشتهرت في ظرف شهر او اقل، ماشاء الله عليك عيني بااااردة يا بت، قلت ليها الله ما ضراك ياخ، بجد كانت ظريفة في تعاملها، قلت ليها دكتورة اتذكرت ااخ🤦‍♀، قالت لي شنو خير؟ قلت ليها لالا ما حاجة بس انا خاتة لي فلاشة في شنطتي مهمة عشان مستلمة قضية بتاعة عمي عبد الرازق دا، قالت لي ايوااا، طيب امشي اتطمني تعالي انا معاك، طبعاً حبيتك عشان كدا وما عندي موضوع😂، قلت ليها تمااام😂، مشينا شلت شطنتي وفتحتها بس ما لقيت الفلاشة....

فيارب اكتبه هيناً على القلب💛💛
يتبع....