أسميتها الهوى💜

أسميتها الهوى 20💜

أسميتها الهوى 20💜
بقلم: رحاب يعقب
_
غير متعلق:
_ لا تفتخر بأن لديك أصدقاء بعدد شعرك فعندما تقع ستكتشف انك اصلع، اختر بعناية💛
الجوكر😴💛
لما جاء صباح اليوم الثاني كنت أشعر بتوتر يطغى عليه شعور الحماس، فيارب لا تخذلني....
حسيت بالتوتر، بس قطعت على نفسي وقلت انا عمري ما حسيت بالشعور دا علشان احس بيه حالياً، يلا ربنا معاك يا ايلين والحقيقة حتنتصر بإذن الله، جاني عم بكري قال لي محاميتنا القوية كيفك اليوم؟ قلت ليه الحمد لله، قالي مستعدة؟ قلت ليه تمام الاستعداد، قالي ربنا ينصرك يا بتي اها انتِ من أمس ما ماكلة شيء شوفي نفسك، قلت ليه لالا الحمد لله يا عمي، جات خالتو الهام قالت لي لالا شنو هيي، ما ينفع تمشي وانتِ كدا لازم تقدري تركزي هناكك طبعاً، عايني بلا نقاشات بلا ايي حاجة معاك تعالي عمك من الصباح مشى وجاب عصير وكيك عشانك يلا تعاليي، مع اني كنت شبعانة بريقي بس مشيت عشانهم، قعدت وبعد خلصت قمت قلت ليهم تسلموا يارب، دعواتكم لي، قالوا لي ربنا يوفقك يا بتي، قبل ما اطلع مشيت لعم عبد الرازق في الغرفة، مع انه ما كان صاحي بس قلت ليه دعواتك يا عمي، الليلة وبإذن الله حاجيب نايف جنبك عشان يسندك،  وانا طالعة لاقيت الدكتورة جاية على الغرفة قالت لي محاميتنا الجميلة، اها مستعدة؟ قلت ليها تماماً، قالت لي الحمد لله، اها كل شيء جاهز الأدلة وغيره؟ قلت ليها الحمد لله انا كمحامية ما علي الا اسلم الأدلة والليلة في الجلسة بستلم واسلم، قالت لي شغل تسليم جد لكن😹، ربنا يوفقك يارب، قلت ليها امييين، وطوالي طلعت، مشيت قدام شوية اشوف تاكسي ولا شيء اركب فيه، اتذكرت وقلت اااخ ايلين من نزلتي السودان ومخك ما معاك يا بت الناس انتِ مادام مشيتي المنطقة قريب البحر كان تجيبي العربية معاك هسي يكون سرقوها انا اقول لكم عبد الرازق شنو، اووف هسي دا ما موضوعك شوفي ليك تاكسي، آخر شيء ركبت لي ركشة واتحركت بيها، لحد ما وصلت المحكمة نزلت ودفعت ليه وانا واقفة قدام المحكمة شعور بالحماس والجرأة والتوتر متخالط ببعضه
( وقفت أمام تلك المحكمة أشعر بحماس وفخر بعض الشيء وكأن هامات المستحيل تسجد أمامي لتثبت نفسها، ومتوترة كأني في اختبار يحدد حياتي، فياارب..)
وانا واقفة كدا عايزة اخش جوا الشهود، قلت ليهم ياداب تجوا، واحد من الرجال قالي يا بتي ما هو دا الوقت المحدد صح؟ قلت ليه اااه صح، طيب، دخلنا جوة وفي نفس الوقت دخل معانا محامي الادعاء وموكلينه، والقاضي بورانا مباشرة، الشهود جلسوا وانا ومحامي الادعاء جلسنا برضوا، وجابوا نايف والراجل ومرته ومعاهم الطفل، القاضي ألقى التحية ورديناها ليه، قال اليوم هي الجلسة الأخيرة والحاسمة، ستحدد مصير اي من المتهمين، وبالطبع المتهمين بريئين حتى تثبت إدانتهم اليوم، سنبدأ المرافعة الآن، محامي الادعاء، السيد قصي، تفضل، محامي الادعاء وقف على حيله قال ليه سلامي سيدي، بدأ يحكي ويرافع وكانت مرافعته بطريقة قوية جداً، يعني في لحظة اي حد بيحس انه حيخسر قدامه وطريقته في الكلام ذكية بجد، بس الزول من الاستنتاج كدا ما يعرف كيف هو جاب شهود،  بقيت براقبه بس، قدم الشهود والأدلة العنده، بعدها قال سيدي هذا كل ما لدي، قال ليه اممم حسناً تفضل، محامية الدفاع، الآنسة ايلين العاصمي، لتتفضلي، قلت ليه مع سلامي سيدي، كما قلت في جلسة الاستماع، حدثت الحادثة بالسقوط من اعلى، اي ان من القاتل تخلص من الجثة برميها من أعلى لكنه أخطأ بعض الشيء، سيدي لدي سؤال أو انتقاد بسيط على قول محامي الادعاء،  حسناً بما أن في ذات التوقيت يقول أهل المقتول انه كان موجود، وعند ذات التوقيت كان نايف في الاسفل، كيف يكون لنايف يدٌ في ذلكك؟، حصلت سكتة وبعدها كملت قلت حسناً سيدي، في ذاك الوقت، بديت احكي الحكاية ذاتها، وأقدم الشهود، وكان بيتحلفوا وبيحكوا العندهم، وبديت اقدم الأدلة العندي كانت بتسلم، آخر شيء قلت ليه سيدي، كان سارق الفلاشة التي قلت لك عليها طفل، وحكيت كل العندي عن القصة سلمت الفلاشة وانعرضت، كان التسجيل بيقول انه قتلوه لأنه اتشاكل معاهم في موضوع سرقة وحيكلم ليهم الشرطة، فما كان منهم إلا يتخلصوا منه خالص لأنه لو حاولوا يأذوه كان برضو نفس الشيء، قلت ليه في ذات الوقت داك لما كان نزل ورجع تقريباً دا هو الوقت الحصل فيه الخلاف سيدي، اها والطفل انضغط عليه حتى يتابعني ويسرق الفلاشة، وشهادة الأطفال قد لا تكون معتبرة وياهم الأطفال ديل وجوا على منصة الشهود، قال امممم حسناً، بالاستماع من الطرفين، وحسب الأدلة، الآن تقرر المحكمة، والوقت داك عم صمت وتوتر رهيب في جو المحكمة، تابع وقال تقرر المحكمة إعلان براءة المتهم نايف عبد الرازق، وستقام العدالة حتماً على هؤلاء المجرمين الهاربين من العدالة حتى الآن، ورفعت الجلسة، بعد قام القاضي، جوني الشهود تبعني، باركوا لي والمرتين باسوني في راسي، والرجال قالوا لي الله أكبر يا بتي ربنا عادل، قلت ليهم الله اكبر، ما عارفة كيف القضية دي اتسهلت معاي بالشكل دا انا كنت قايلاها حتتعقد كتير بس ربنا استجاب الدعوات بجد، الحمد لله، جاني نايف قال لي ايلين وحضني، ما عارف اقول ليك شنو بس انا بجد بقول ليك جزاك ربنا خير، ما عارف بس حاعمل كل العندي عشان اقدر اردها ليك، قلت ليه دا واجبي ياخ، راجل قال ليه ها الود المجنون دا عيب عليك فكها الله😂، فكاني ورجع وراء قال لي احم احم معليش يا مزة، قال ليه أصلو جيل الزمن دا مجنون ما نعرف نقول ليه شنو ذاته، قال ليه ياعم ما تقول ولا شيء دي صاحبتي من الليلة لزم وحليفة قسم😌،قال ليه طيب خلاص فهمنا عليك، يلا يلا نبشر عبد الرازق، قلت ان شاء الله بس يكون صحى، نايف قال لي هوي ابوي كويس؟ قلت ليه الحمد لله وعمليته نجحت بفضل ربنا، بس لسة ما صحى، قال الف الحمد لله وسجد، واحدة من المرتين قالت لي نمشي معاكم نطمئن على صحته وبعدها نتعرف عايزين نعرفك على بناتنا ولا شنو يا ندى، قالت ليها طبعاً هييي، قلت ليهم بتشرف لكن.. كنت عايزة اقول اني ما بحب الصحبة خالص من أنا وصغيرة بس ما حبيت احرجهم، نايف قال طيب ممكن نطلع انا والله طفشت عديل من المكان الوسخان دا، معليش يا ايلين، ابتسمت قلت ليه طيب عادي، يلا ونحن طالعين الأطفال ديك جوني وقفوا قدامي، قلت ليهم اااه، الحلوين الظريفين، قال لي يعني امي وابوي هسي تاني ما حاشوفهم خالص؟ نهائي؟ قعدت وقلت ليه حبيبي انت، شوف نحن ربنا البيدينا ليه لازم نرضى بيه عشان ربنا ما بيظلمنا فهمتني، انا كنت متفهمة وجعته وضميته، قلت ليه طيب الشاطرين بعد كدا ممكن تقولوا لي انا ماما تمام؟ تعالوا معاي، مرقنا قلت ليهم انا حالحقكم على المستشفى مش عارفها انت يا نايف؟، قال لي عارف السودان دي كلها انا ما تخافي😂، قلت ليه تمام انا بلحقكم، مشوا وانا وقفت ركبت، مشيت السوبر ماركت اشتريت ليهم حلويات واكل والعاب، ومشيت منها السوق واشتريت ليهم ملابس، بعدها وديتهم ووديتهم على ميتم، بجد لحظة حارة شديد، نزلت وحضنتهم ونزلت مني دمعة، قلت ليهم هنا بتلقوا أصحاب تمام، خليكم شاطرين وبتسمعوا الكلام اتفقنا، قالوا لي اتفقنا يا امي، قلت ليهم تمااام حاجيكم وأطل عليكم كل ما اقدر خليكم شطار، ولو عايزين شيء قولوا لي، تمام، دخلت جوة بجد كانت حالة في الميتم، حجزت ليهم غرفة كويسة عشان يقدروا ينوموا فيها، اديتهم الحاجات وطلعت اديتهم الرقم تبعي قلت ليهم لحد ما اسافر لاني ما مقيمة، بعدها حاوكل زول تاني عليهم، قالوا لي تمام، طلعت ورجعت مشيت المستشفى..

اللهم قلوبنا على فراش أملك💜
يتبع....