أسميتها الهوى💜

أسميتها الهوى 10💜

أسميتها الهوى 10💜
بقلم: رحاب يعقوب

فاصبر فإن الحياة مشاق ومصاعب، اصبر على العناء على المصائب، سوف تجد الراحة بعد كل المتاعب، وتقول وداعاً يا بؤس ها قد أتت الفرحة على مراحب....
رحاب يعقوب#💛✨

لحظة كدا وانا بدردش فجأة من غير انتباهي.... حسيت في زول اقتحم العربية ومسكني ونزلني بقوة، حاولت اقاوم لكن بس ما قدرت، واحد خت لي ربطة عشان ما اصرخ كانوا اتنين كدا لابسين اسود، ومغطين وشهم بالاسود، شالوني وركبوني العربية، وساقوها بسرعة، نزلت الربطة وقلت ليهم بصوت انتوا منو؟ و عايزين مني شنو؟ القاعد جنبي قالي هسس ما تعلي صوتك، التاني قال ليه خليها تعلي ساااي اصلا مافي زول حيسمعها ونحن ابتعدنا حالياً، بديت اصرخ اقول يا نااااس ساعدوووني يا ناس، ختا لي الربطة تاني قالي ما نسمع حسك دا😡، التاني قال لي ما عشان خايفين من حاجة بس صوتكك مزعج يا مزة😏، بقيت بحاول اقاوم واقاوم ما قدرت وعلى دا ربطوني بحبل، استمريت كدا بس مافي اي نفع...

من ناحية عم عبد الرازق....
جاء من البقالة فتح العربية قال يا بتي والله الناس.... فجأة لقاني ماف، طلع برة العربية قال ايلين، ايلين يا بتي وينك ايلي... شاف شنطتي قاعدة طلع موبايله وحاول يتصل علي، اتصل علي كتير بس الموبايل بيديه مقفول، قال يا الله ايلين ما بتعرف البلد كويس، وين حتكون مشت، بدأ يفتش فيني وكان قلقان جداً وبينادي علي، وبيسأل الناس بس ماف حد شافني، طبعاً الوقت لأن كان نهار وكدا تقريباً الشوارع بتكون فاضية، جاء عم عبد الرازق بعد فتش ويأس جاء واتكى على العربية بيأس، قال يا الله، وين البت دي، البت دي امانة في رقبتي يا الله ساعدني، بعد مرور ساعتين كدا من التفتيش مجدداً قرر يتصل على الشرطة لأنه جاء العصر وانا ما ظهرت، اتصل على الشرطة بس ما استجابوا ليه،  ركب السيارة وعلى طول اتحرك لمركز الشرطة، الحرس في البداية ما سمحوا ليه، فدخل بالاجباري ومشى للمفوض
_: السلام عليكم
وعليكم السلام، قال ليه شوف انا عندي مفقودة لي من قبيل وانا بفتش عليها وانا ما لاقيها، قال ليه اسف ما حنقدر نرفع ليك الدعوة إلا بعد مرور 24 ساعة على الاختفاء يعني يوم، عم عبد عبد الرازق أعصابه تلفت صرخ عليه وقال ليه كيف يعني انا اقول ليك مفقودة مفقودة البت دي امانة عندي عارف يعني شنو امانة؟؟!، قال ليه يا اخ بالله انت في مركز شرطة ما تعلي صوتك بعدين دا القانون يعني، ونحن بنوعدك بعد ال 24 ساعة كان ما ظهرت اكيد حنبدأ بحث، طيب اسمها؟ قال ليه ايلين  قال ليه دي مش أصغر محامية في تركيا؟ قال ليه اي، قال ليه طيب ما هي المحامية دي ذكية جدا ماشاء الله عليها انا متأكد حتتصرف صح في الموقف دا, عم عبد الرازق قال ليه طيب المهم ترجع ما اكيد ما حتعتمدوا على ذكاءها ما هي بت وفي امانتي, قالوا ليه اكيد اكيد, عم عبد الرازق اتنهد وطلع من المركز, ركب العربية بتاعته وبقى لافي ما عارف وجهته ويين, وما كان عايز يرجع البيت,

في تركيا...
كانت العائلة تجلس جلستها المميزة, تنقصها محاميتهم المميزة, يرتشفون القهوة وهم بمزاج جيد لكن تذكرت...

هييي ابووي انا اتذكرت بمناسبة سيرة ايلين قلت ليها قبيل بتصل ليك اول ما تصلي وحاليا اكيد بتكون وصلت, كدي الندق ليها مادام فاضيين, خالتو عزيزة قالت ليها اااي نطمن عليها, كانت بتتصل وبتتصل كم مرة بس رقمي بيديها مغلق, قبلت على ناس امي قالت ليه رقمها مقفول ما عارفة ليه, عمو عدلي قال تكون البطارية خلصت?? رانية قالت ليه ما اظن  والله, امي قالت ليهم يا جماعة انا من قبيل ما متطمنة والله وما عارفة ليه, خالتو عزيزة قالت ليها انا ذاتي قلقتني وموبايلها المقفول دا, عمو عدلي حاول يتصل بعم عبد الرازق بس برضه بيديه مقفول...

من ناحيتي....
لا اعلم لماذا يحدث معي ذلك انا في بحر الضياع اتوه...
وصلنا لمحل كدا كبيير والظاهر عليه مهجور, كانوا قعدوني في كرسي وانا مربطة كدا نزلوا لي الرباطة بتاعتي صرخت قالوا لي اصرخي قدر ما عايزة هنا ماف حد حيسمعك😏, بجد عقلي وقف في اللحظة دي بس بقيت اصرخ عليهم, جات مرة كدا ومعاها راجل ملثمين قالوا شنو الازعاج دا? المرة نزلت اللثام منها عاينت ليها, ملامحها ما كانت غريبة علي بحاول اتذكر بس ذاكرتي عايمة الوقت داك وانا ما قادرة افكر بشيء, تفكيري ضرب قلت ليهم انا محامية وحاندمكم عملتكم دي, الراجل قال لي ماشاء الله ماشاء الله خفت لكن😯, انت مفتكرة حنخاف من تهديدك حتعملي شنو يعني😏, حاولت اتذكر ملامح المرة وركزت معاها فجاة......

فهينا لينا💛💛💛✨