أسميتها الهوى💜

أسميتها الهوى 22💜

أسميتها الهوى 22💜
بقلم: رحاب يعقوب
_
غير متعلق:
‏نموتُ بطريقةٍ تشبه فَناءَ النجوم. فما يعوّلُ عليه الآخرونَ الآن، ليس سوى أضوائنا القديمة.

- علي عكور
قلت ليه انا عايزة اقول ليك الموضوع بخصوص محامي الادعاء، اخد سكتة واتنهد قالي احسن نكون بعيدين من سيرته، قلت ليه ناايف، انا ما عارفة علاقته بعمي عبد الرازق شنو بس حسيته عنده صلة وثيقة جداً بيه، من خلال الاهتمام البيبديه ليه دا، عارف انه هو الساعدني عشان ألقى الدواء الكان محتاجه عم عبد الرازق المرة الفاتت؟، وما تحرك من جنب المستشفى لحد ما خرجنا عمي، وبالنسبة للفواكه القبيل... ما حبيت اقول والله لكن مضطرة، هو الجابها ووصاني اهتم بعمي واخليه يهتم بصحته كويس، وما اخلي زول يعرف انه هو الجابها بس انا قلت، قالي ماشاء الله تبارك الله اهتمام لكن؟ هو بعد العمله في ابوي جاي عامل فيها خايف عليه؟ والله نحن ما محتاجين اهتمامه دا خالص، نحن طول السنين دي بعيدين منه ولا سأل علينا ولا حاجة وكأنه ما بيعرفنا جاي عامل فيها المثالي؟... ما محتاجين خالص والله، نحن طول السنين دي كنا قادرين نهتم بنفسنا وقادرين نسند نفسنا يجي هسي عشان يعمل فيها السند لينا؟ ما محتاجين خالص ياااخ، قلت ليه نايف طيب انا فهمت انه في بيناتكم خلاف، اسفة لاني فضولية، لكن هو بيقرب ليكم؟.... قالي مع الأسف الشديد دا اخوي الكبير، طبعاً تفاجأت وانصدمت في اللحظة ديك وسكتت، تابع قالي ايوة نعم هو اخوي، واخجل والله اقولها، عمره 26 سنة، لأنه هو أكبر مني ب 8 سنوات، بعد مننا تقريباً 5 سنين، وفي الوقت داك انا كنت عمري 13 سنة انتِ فاهمة ما كنت واعي على الدنيا، كان بسبب خلاف حصل بينه وبين ابوي، دائماً هو كان بقول لأبوي انه ما بيساعده ولا في اي شيء، وبيقول عليه ما عايزه يكون ولد ناجح في حياته، ودا لأن ابوي كان أوضاعه صعبة وخصيصاً بعد امي ربنا يرحمها توفت، مسؤليته زادت مع تربيتنا، دائماً كان بيطلب من ابوي يسفره برة وابوي ما كان قادر، مع انه ابوي كان مجتهد جداً عشان ينفذ ليه البيطلبه، هو عارف ابوي مريض قلب بس كان بيضغط عليه وانا كنت بتضايق بجد لمن هو وابوي يقيفوا قدامي ويشتبكوا كدا، كنت بقفل على نفسي في الغرفة وبقول امي ارجعي شوفي قصي وابوي💔، بجد لما تشوف عيلتك بتتفكفك بالشكل دا حاجة مؤثرة جداً، ودا كله من أصحاب السوء هم الكانوا بيخلوا قصي في حالة اشتباك دائماً مع ابوي، ما عارف كيف بس على طول بيطلع معاهم بيجي راجع معصب ويقعد يتجادل مع ابوي، بجد ابوي لمن فاض بيه وصارحه قصي على طول حلف وطلع من البيت، حلف انه ما يرجع، في اللحظة ديك قادرة تتخيلي معاي انا كنت حاسي بشنو؟ شايف اخوي البحبه وقضيت معاه طفولتي بيبعد عننا وشايف ابوي منهار؟، دا بدل قصي يسند ابوي المحتاجه، قررت اكون سنده، بس انا... وبدأ يبكي زي الطفل، حتى انا في الوقت داك ما قدرت اتحكم في نفسي ولقيت نفسي ببكي معاه، مسحت ليه دموعه قلت ليه نايف أهدأ اهدأ، تعال معاي، مشيت معاه غسل وشه واتنهد وقال الحمد لله بس، ما عارف نحن من غيرك كنا سوينا شنو، اول زول مفترض يكون محامينا بعيد عننا كل البعد عننا، وابوي كان حالف حتى لو كان قصي اشطر محامي فيك يا السودان مستحيل يوكله، الكبرياء المتمنع الكان عنده، والوقت كان ضيق، قدر ما فتشنا محامي ما لقينا، ماف محامي قبل يستلم القضية، ولا بأي شكل، في الاخر ابوي طلب من عمك عشان تتوكلي القضية ما لقى اي طريقة تانية، بجد نحن تعب... قاطعته قلت ليه نايف، اوعك تقول كدا دا واجبي، حتى ولو كنت أصغر محامية فيك يا تركيا يظل واجبي وماف شيء اسمه قضية ما بتستاهل نتعب عشانها، كمحامية حلفت قسم قبل ما اشتغل لازم اكون مخلصة في عملي لأي كان، بعدين انا لما جيت هنا لقيت الاصحاب والناس الكنت محتاجاها في حياتي يعني ربنا جابني لخير، شوف نايف انا مقدرة الموقف ومقدرة انت وعم عبد الرازق انجرحتوا كيف منه، صح هو كان غلطان شديد، بس في النهاية حيفضل اخوك وولد عم عبد الرازق، اي نعم فعلاً هو كان قاسي شديد والعمله صعب يتسامح عليه، بس كل شيء عنده فرصة تانية يا نايف انت فاهمني؟ قالي ايلين بس الحتة دي ما عندها فرصة تانية، قلت ليه لشنو بالضبط؟! شوف دع المضى في صفحة الماضي، ما كان بالأمس يمحوه شروق الشمس، اي فعلاً معاك في اي شيء بس فكرت بيه حتكون السنين دي مرت عليه كيف؟ نايف زي ما انتوا مرت عليكم صعبة هو كان مكسور فيها وانا متأكدة، كان محتاج دعمكم اكيد وبشدة، شوف انا بعد كدا بت في العشرين من عمري، في العشرينات الواحد بيحتاج لأهله اكتر من اي وقت، عشان يقدر يعيش شبابه مبسوط ومرتاح، قالي طيب دقيقة دقيقة، إذا هو كان محتاجنا فعلاً كان اتخلى عننا كدا؟ هو ما محتاجنا ولا حاجة ولا نحن محتاجين ليه، قلت ليه منو القال ليك؟ نحن الشيطان بيوقع بيناتنا بالشكل دا وتاني بنقع في فخ الحاجز المنيع واللي هو الكبرياء، بس شعور الندم الجوانا؟ البياكل لهفتنا تدريجياً وبنبقى عبارة عن كتلة يأس، انت صغير ويمكن ما فاهم علي، لكن يا نايف اخوك صدقني روحه ماتت صدقني، قالي ما عارف والله يا ايلين، طيب انا أسألك سؤال، إذا بالجد زي ما قلتي طيب ما شفتي وقف قدامنا وضدنا في المحكمة عااادي زي كأنه ما بيعرفنا؟، قلت ليه شوف، هو محامي والمحامي حالف قسم حيخلف القسم كيف وريني؟ انا كمان محامية زيه وعارفة انه المحاميين بالذات خالص ما لازم يخلطوا الحياة الشخصية بالمهنية لأن العدالة وحق ربنا فوق كل شيء، فهمت علي؟ ومنو القال ليك هو ما كان حاسي بأي حاجة؟ ياخ والله كان ظاهر جداً التوتر والحنين في ملامحه وربي لاحظت ليه كم مرة بس عملت رايحة ما كنت متخيلة في صلة بيناتكم، كنت غبية لمن ما ميزت الحاجة دي، بس... قاطعني قالي طيب انا تعبان عايز ارتاح، قلت ليه طيب، مر اليوم دا وجاء صباح اليوم التاني، صحيت الصبح صليت وعملت رياضة لنفسي حولين البيت قبل ما عم عبد الرازق ونايف يصحوا، اصلاً دي عادة عندي، عملت الشاي وجهزت لنفسي ساندوتش نايف صحى صبح علي ولحق الصلاة، بعد الأرض فتحت حبتين عم عبد الرازق صحى وصلى، نايف رجع من المسجد ختيت الشاي، نايف قالي يسلموا يدينك ويدين الربتك يا بت😌، قلت ليه الله يسلمك😂، زي الساعة 7 كدا عمي اتصل علي فيديو سلم على عم عبد الرازق وعلى نايف، اتكلموا معاي في موضوع الرجعة بعد كدا قلت ليهم انا عايزة اساعد عمي عبد الرازق لحدي ما صحته تبقى تمام بعدها برجع، كم يوم كدا بس، امي قالت لي حبيبتي انا الفاهمة تمام يا بتي خلي بالك من نفسك، قلت ليها حاضر، بعدها قفلت، شوية كدا وجوني البنات، سلموا على عمي وعلى نايف، جوني رزان قالت لي يا بت الذين تاني حتكرهينا عديييل، قلت ليها لا والله ابداً، قالت لي طيب احكي واشكي، قلت ليها حاضر بس اخلص عندي شغل😂، اشتغلت وما قصرن معاي خالص رتبنا الوضع، بس رزان جاتنا زهجانة روان قالت ليها مالك يا نفسنة؟ قالت لي ود الذين المفتري دا، قلت ليها نايف؟ قالت لي اي ماف غيره، قلت ليها عمل ليك شنو؟😹، قالت لي ما كنت برتب ودخلت غرفته لقيتها زي القيامة جاء لقاني برتب وقعد يشتبك معاي😒، ود لذين خالص، روان قالت ليها تستاهلي الوداك شنو، قالت ليها وانا البعرفني شنو طفل هو عشان يكركب كدا؟، قالت ليها ما دخلت ما تدخلي غير غرفة ايلين معليش معليش يلا😹، قالت غلطانة الساعدتكم، لكن النصيحة الود زي لحسة النوتيلا مع انه ود لذين، جود قالت ليها يا بت، روان لبعتها قالت ليها خلي القلة ادب، بجد ضحكوني بشكل، بعد قعدنا كانوا بيتونسوا بس انا بفكر في موضوع قصي، بجد القصة شغلتني ما عارفة ليه، أثناء السرحة روان خلعتني، قالت لي هي ها سرحانة وين؟ جود قالت احم احم ما يكون... رزان وروان قالوا ليها اهاااااا يا بت الايه انتِ، قلت ليهم ما البتفكروا فيه هييي، لكن.. حكيت ليهم القصة، روان قالت لي قلتي لي اسمه منو اخوه دا قلتي؟ واضح من المواصفات اني بعرفه، قلت ليها قصي، قالت لي طيب دقيقة....

اللهم هيناً على القلوب
يتبع....
قايز، والله انا تعبت وتعبااانة خااالص عشان كدا جاء قصير😪💔، انا اصلاً قربت اخلصها😪💔 خلاااص