أسميتها الهوى💜

أسميتها الهوى 9💜

أسميتها الهوى 9💜
بقلم: رحاب يعقوب

ثم ماذا؟💛✨
ثم آهات، الالام، تليها احلام يا الله
Rery's sakes 🌸
قلت ليه عايزة اتناقش معاك في موضوع، نحن هسي شبه جاهزين بس ناقصانا حاجة مهمة جداً، قالي واللي هي؟.. قلت ليه الادلة، عمي محامي الادعاء دا ظاهر عليه انه ذكي من طريقة كلامه، واكيد ما حيخلي لينا شيء، اول ما ذكرت محامي الادعاء عمي ملامحه اتغيرت، قلت ليه عمي قلت شيء زعجك، قالي ااا؟ لالا يا بتي كملي كملي، قلت ليه طيب نحن محتاجين ادلة، قالي طيب الأدلة نجيبها من وين؟، قلت ليه اممم طيب ممكن نمشي لي فرقة الجنائية ونشوف، قالي طوالي، قلت ليه طيب ممكن بكرة نمشي؟ ما عندك شيء؟، قالي جداً يا بتي، اصلاً الوقت ضايق وانا ما عندي شغلة غير القضية دي حالياً، قلت ليه تمام، عدا باقي اليوم دا، واليوم اللي بعده قمت وبنفس الروتين الصباحي الاتعودت عليه، طلعنا ومشينا المركز بتاع الفرقة، قلت ليهم هناك السلام عليكم، ردوا لي السلام، قلت ليهم طبعاً عرفتونا صح؟ واحد قالي اي انتِ محامية الدفاع بتاعة قضية نادر المقتول؟، قلت ليه ايوة بالضبط كدا، قالي محامي الادعاء كان بيفتش على أدلة وتقريباً لقى، وجاء هنا عندنا وقال انه هو محامي الادعاء، قعدت واتفاهمت معاهم كدا، قبلت لعم عبد الرازق قلت ليه مش هو انقتل بسكين؟ قالي اي، قلت ليهم طيب السكين الانقتل بيها؟ قالوا لي اوووه إلا دي نساها محامي ذكي وينساها، قلت ليهم الآثار ما بتطابق آثار نايف أو الانوجدت في جثة المقتول صح؟ قالوا لي لا ومعاها تقرير، قلت ليهم طيب السكينة والتقرير، اخدتهم  وطلعت، ركبنا العربية عم عبد الرازق قالي الحمد لله يا بتي الحمد لله ربنا مسهلها علينا، قلت ليه الحمد لله💛، بس يا عمي يمكن نضطر نرجع مكان الحادثة تاني، نفتش على أدلة، قالي طيب، رجعنا هناك وبقينا نفتش، قلت ليه عمي ما متذكر اي دليل ممكن يقودنا للحقيقة، قالي ما بعرف والله، قلت ليه طيب ممكن تحاول، قالي طيب، حاول بس ما قدر يسترجع حاجة، قلت ليه طيب إلا نمشي المبنى فوق مكان الجريمة بالتحديد، قالي يا بتي معقول نمشي للناس ديل؟ قلت ليه ضروري يا عمي عارفة مبادئك ما حتسمح ليك بس ضروووري، طيب طيب حاطلع انا براي يا عمي خليك، عشان عارفة انه صعب عليه الطلوع، مشيت وطلعت المبنى لفوق، أحد ما وصلت دقيت الباب فتحوا لي، في البداية اعترضوا دخولي وقالوا لينا نسمح ليك تدخلي يا الولدكم قتل ولدنا؟ قلت ليهم انا عادي جداً ارفع دعوة تخبية العدالة عليكم، فلو سمحتوا، عاينوا لي لمسافة وزحوا، نظام عايزين يشوفوا نهايتي شنو، مشيت السطح وبقيت افتش، طبعاً في قطع قزاز صغيرة مكسرة ومكشوحة في الأرض، قلت اممم يمكن تفيدنا، شلتها وربطتها في مناديل خفيفة وختيتها في الشنطة براحة، نزلت تحت لعمي قلت ليه تاني حنضطر نرجع المركز يا عمي😂، قالي لالا طوالي جداً😂، لفينا ورجعنا لما وصلنا واديتهم القزاز، قلت ليهم افحصوه هل موجودة عليه آثار بصمات؟، فحصوه وطلعت فيه اثار وما نفس آثار نايف، فرحت جداً جداً بجد لقيت دليل تاني، عم عبد الرازق قالي نحمد الرحمن ونشكر فضله، طلعنا ومشينا العربية عم عبد الرازق قالي ريقك بيكون نشف يا بتي من اللفلفة والليلة من الصباح ما شربتي ولا موية، امشي اجيب ليك عصير خفيف واجي راجع تمام؟ خليك هنا، قلت ليه ما ضروري يا عمي، قالي لا ضروري ونزل فات طلعت موبايلي وقعدت ادردش مع ناس امي وكلمتهم بانه الحمد لله اموري ماشية تمام، رانية قالت لي طيب اول ما تصلي البيت كلمينا سمح؟ دايرين نتصل عليك، قلت ليها تمام، وانا بدردش حسيت بروحي مسخنة نزلت الشباك ورخيت التكويزة بتاعة طرحتي حبة، لحظة كدا وانا بدردش فجأة كدا من غير انتباه...

فلا صعب، ولا شاق هيناً يارب💛💛💛💛💛💛✨
يتبع...

اسفة للقصر😢💔