أسميتها الهوى💜

أسميتها الهوى 2 💜

أسميتها الهوى 2💜
بقلم: رحاب يعقوب

يا قلب صبراً سوف تلتئم الجراح اني لاسمع في ضلوع الليل شقشقة البلابل والسنابل والصباح✨
لكن الحياة إن احلوت لابد أن تؤلم، لكن صبراً يقيناً لن تطيل في أن تظلم
رحاب يعقوب#💛✨

قالينا لكن اسمعوني للاخر، من قال كدا حسيت بخوفة رانية قالت ليه تاني في شنو يا ابوي؟، قال طيب هو ممكن يعمل العملية، لكن الموضوع ممكن يكون فيه خطورة، يعني اذا ما نجحت العملية ممكن يتسبب في أضرار جسيمة حتعود على علياء بشكل، والعملية ما عندها احتمال كبيير تنجح، بسبب مناعة علياء الما قوية، اول ما سمعت كدا حسيت روحي حانهار من البكاء، جاتني رانية وربتت على كتفي قالت لي ايلا بليييز اتماسكي عشان خالتو علياء🥺، وخالتو عزيزة قالت لي ايلين يا بتي معقول بس انتِ لمن تضعفي كدا الحيشجع علياء منو؟ يا بتي امك دي واقفة بيك انتِ بس، ما تتضعفي وتضعفيها، وانا لسة مدنقرة راسي ومواصلة بكاء، امي جرت كرسيها المتحرك علي وجات جنبي، رفعت راسي ووقعت فيها وبقيت ببكي قلت ليها امي ما تخاطري لا ما تخاطري انا ما بقدر بلاك امي ما فيني حيل حبة الحيل العندي دا بيك ما تهديه لي😭، رفعت لي راسي ومسحت لي دموعي ومررت يدها على راسي، قالت لي ايلين حبيبتي متذكرة لما كلمتك عن اننا عايشين في اختبار؟ بس دا جزء من الاختبار، الموضوع بسيط زي انك تقري وتثابري عشان تنجحي في النهاية، بس كمان الحياة دي أصلها مجازفة نجازف ونخت الأمل في ربنا علشان نقدر نجتاز ونقدر نفوز بالدنيا والآخرة، نخت الثقة في ربنا ونتوكل يا بتي، قلت ليها امي... قاطعتني قالت لي هسس قلنا نخت الثقة في ربنا وربنا على كل شيء وكييل، انا متأكدة ربنا ما حيخيب دعوانا يا بتي، اتنهدت وقلت ليها ونعم بالله، عمو عدلي قال يعني موافقة يا علياء؟ قالت ليه نعقلها ونتوكل وربنا على كل شيء وكيل اي موافقة، قالينا طيب يلا العملية على حسب كلامه بعد يومين، اليومين ديل حنعمل فيهم الاجراءات وكدا، جريت على غرفتي مشيت الحمام اتوضيت ولبست عبايتي وجيت صليت لي ركعتين وسلمت قعدت ابكي ورافعة يديني بدعي، بدعي ربنا انه يحفظ امي، جات رانية قالت لي ايلا، قلت ليها انا ما عايزة اتكلم حاليا ولا بقدر، قالت لي ايلا زي ما خالتو علياء قالت ليك كل شيء مستودع لرب العالمين ما بيضيع، انا متأكدة ربنا اكيد حيكون معانا مادام استودعنا خالتو علياء ليه، بعدين لما تبقي ضعيفة الحيخلي خالتو علياء تتشجع منو؟ خالتو علياء دي ساندة بيك ضهرها والله، اتأكدي ربنا ما حيضيع ألفي وداعته، ضميتها قلت ليها ونعم بالله، قالت لي طيب اسي بتبكي ليه؟ تعالي لخالتو علياء عشان ما تقلقي بيها خليها متطمنة ما تشغلي ليها بالها تعالي ناكل معاها عشان هي ما اكلت شيء لسة، قلت ليها وكمان!! يلا طيب، مشينا ليها هي وخالتو عزيزة كانوا بيتكلموا، رانية قالت هييي دا شنو الجو الملان حزن دا، عليكم الله الجو ريحته من الحزن بقت متغيرة وكيف كيف، خالتو عزيزة قالت ليها رانية عمرك ما حتبطلي تكوني مجنونة😂، فعلا ضحكتنا، قالت خلاص كدا كفاية عطرت ليكم الجو الكان مليان حزن دا🌚، كدا بتكون نفسكم اتفتحت للاكل يلااااا، قلت ليها رانية ارح نعمل الأكل نحن، قالت لي طوالي ورانا شنو وشالت الشال بتاعها ربطته في نصها، قالت لي يلا يا ستي وساقتني مشينا المطبخ، قالت لي وحالياً يا شيفنا شو راح نطبخ، ضحكت في حركاتها قلت ليها شوربات وكدا، قالت لي اوعك تقولي لي شوربة شوفان شميتها من امها، قلت ليها طيب خضار، قالت لي ياااه انتِ الزابطة ومعاها حاجيات زابطة وسخنة يا سلام، وقعدت ترقص، طلعنا الخضار وبديت اقطع وهي تشيل وتجهز في باقي الحاجات، وكل شوية تقول لي وهلأ يا شيفنا شو راح يصير، بقول ليها ولا شيء، لحد ما جهزناه ومشينا رصيناه في الطاولة، وقعدنا ونادينا عمو عدلي جاء قعد، أكلنا بجد بانبساطة، حسيت امي انبسطت بجد،
ورفعت معنوياتي حبة،
مروا اليومين ديل زي الساعتين، بسرعة بجد وجاء يوم العملية، بالجد حالتي لا تزرء عليها بجد، كنت خايفة وما فكيت الدعاء لحظة وببكي، ولما دخلوا امي الغرفة بجد دموعي سالت سيل وقعدت في الأرض ببكي والمستشفى بعاينوا لي، وخالتو عزيزة ورانية وعمو عدلي بيحاولوا يصبروا فيني، مرت الساعتين بتاعات العملية والدكتور جاء مارق، بس بالجد ملامحه ما كانت تمام💔..
يتبع....
ثم يارب الثبات لقلوبنا حين تضيق✨، والفرحة لها في كل وقت حين تمسي وحين تفيق✨

والله يا جماعة انا اسفة البارت قصيير لكن اعمل شنو معليش☹️✨✨