أسميتها الهوى💜

أسميتها الهوى 8💜

أسميتها الهوى 8💜
بقلم: رحاب يعقوب

خاطرة:
نحن لا ندري إلى أين تقودنا الحياة، نحن فقط نتمسك بالأمل فالأمل هو طريق النجاة
رحاب يعقوب#💛✨
كانت أمي دائماً توصيني  صبراً، هناك دائماً بصيص أمل في كل يأس( وتهدينا الحياة اضواءً في آخر النفق✨)

قلت يا عمي انا نست قبل أسألك سؤال، قالي اتفضلي يا بتي؟، قلت ليه نحن محتاجين في القضية شهود عيان، بس هل موجودين شهود، أهم شيء الشهود، قالي اااخ والله يا بتي راحت من بالي، ما عارف حتى لو في ما بعرفهم ااااخ🤦‍♂، يعني هسي يا بتي بسبب الكلام دا ما حنقدر نربح القضية، قلت ليه لا يا عمي ما تقول كدا، ان شاء الله ربنا معانا، بس إلا نمشي مكان الجريمة ونشوف البيحصل معانا هناك وهل حنقدر نلقى الشهود، قالي ربنا يخليك يا بتي، قلت ليه تسلم يا عمي، يلا نعمل إعلان، عملنا إعلان واتحركنا، وصلنا هناك جنب المصنع أو جنب المبنى بالضبط المكان الوقعت فيه الحادثة، قلت ليه عمي هنا في مسجد؟ قالي ورا المصنع في اي ليه؟ قلت ليه ما حنلقى مكان يعلن لينا احسن من المسجد، مافي محطات هنا، قالي ايوااا طيب يلا، اتحركنا عليه لحدي ما وصلنا، كان في راجل كبيير في السن قلت ليه السلام عليكم يا عم، قالي وعليكم السلام يا بتي، قلت ليه ممكن ألقى لي زول يعلن لي إعلان في المسجد؟؟، قالي والله يا بتي في أمام المسجد قاعد جوة ممكن يسوي ليك، قلت ليه طيب جزاك الله خير يا عمي، قالي لي الله يسلمك يا بتي، دخلت جوة قلت لي عم عبد الرازق قبل كل شيء في وضاية هنا؟ قالي تقريباً في الجزء الوراني، قلت ليه تمام، مشيت اتوضيت وعم عبد الرازق اتوضى معاي، صلينا ركعتين تحية للمسجد، بعد سلمنا دعيت ربنا يوفقنا، عم عبد الرازق قالي ربنا رزق امك البت الصالحة ربنا يخليك، بفرح انا كل ما الاقي زول بيشكر وامي وبيدعي عشاننا، قلت ليه امين يا عمي جمعاً💜، قمت على حيلي قلت وين الإمام ما شايفاه؟ قالي المسجد واسع يا بتي ارح الناحية التانية، مشينا الجهة التانية كان قاعد بيتلي في القرآن بصوت بيتسمع عن قرب كدا، وقفت سمعت ليه، بالجد الصوت راحة، بعد انتهى قام على حيله قبل ولقانا، قال لينا وعليكم السلام مرحب اتفضلوا اتفضلوا، عم عبد الرازق قال ليه تقبل الله يا شيخنا، الشيخ قال ليه منا ومنكم صالح الأعمال وحسنها، قال ليه والله نحن جيناك هنا وعندنا طلب بسيط كدا لو ممكن يعني، قال ليه اتفضل حبابكم والله، شال الورقة مني قال ليه دا إعلان والله ونحن ناس قضية وكدا، قال ليه قصدك الحصلت قبل كم يوم دي؟؟ قال ليه اي باللهفة، قال ليه انت ابو الولد الانقبض عليه؟ قال ليه اي يا شيخنا انا ذاته، قال ليه والله ربنا بحبك، كنت شاهد وشفت انه ولدك انقبض ظلم، وما ربك بظلام للعبيد ان شاء الله انا اول الشهود، عم عبد الرازق قال ليه بارك الله فيك يا شيخنا وانا بحمد ربنا وبشكر فضله، بالجد فرحت بشكل انا، قال ليه طيب دقائق اشغل السماعة وأعلن ليكم الاعلان، مشى فعلا شغلها وأعلن الإعلان الكتبته وكدا وقال موعد الجلسة النهائية بعد شهر، بعد نزل عم عبد الرازق شكره ودعا ليه، وطلعنا، قالي يا بتي ربنا بدأ يستجيب لدعواتنا والحمد لله حمدا طيباً✨، قلت ليه الحمد لله لقينا اول شاهد، بعد شوية كان في مجموعة ناس داخلين المسجد، قلت لعم عبد الرازق تعال معاي يا عمي جوة، دخلوا جوة سلموا على الشيخ كانوا تقريباً زي 5 رجال ومعاهم مرتين يعني 7 كدا، كلموه الرجال وقالوا ليه نحن شاهدين انه الولد دا بريء الانحبس دا، ونحن عايزين نقيف  مع كلمة الحق وما خايفين من زول معانا اخواتنا الاتنين ديل، الشيخ ابتسم قال ليهم بارك الله فيكم ربنا يجزيكم كل خبر يا أهل الحق، قالوا ليه امين، عم عبد الرازق مشى قال ليهم ربنا يسعدكم زي ما فرحتونا ويساعدكم في حياتكم✨، قالوا ليه تسلم يا اخ امييين، قال ليهم انا ابو الولد المقبوض عليه، قالوا ليه ربنا يرجعه ليك سالم، قال ليهم اللهم اميين، واحدة من المرتين قالت ليه ودي المحامية بتاعتكم؟، قال ليها اي قالت ليه ماشاء الله عليها شكلها خلوقة من شكلها الرايق دا، قلت ليها تسلمي يا خالتي، قالت لي يسلمك حبيبتي، الشيخ قال ليهم طيب ياخوانا ارقام تلفوناتكم ادوها للأخ... عم عبد الرازق ابتسم قال ليه عبد الرازق، قال ليهم ايوااا عبد الأخ عبد الرازق وتشرفنا، قال ليه عظيم الشرف ياخ، ادوه ارقام التلفونات والمرتين ادوني ارقام التلفونات، وطلعنا مشينا البيت، وصلنا هناك كنت حاسة بصداع رهييب، اخدت لي حمام ولبست بجامتي وياهو عبايتي ام كباسيل، قمت نحو الساعة 2و 47 دقيقة كدا نزلت غسلت وشي ورجعت قعدت مسافة ماسكة قلمي وبرتب في معلوماتي، العصر اذن نزلت اتوضيت وجيت راجعة صليت، بعد صليت نزلت تحت طبعاً عم عبد الرازق كان مشى الصلاة، بديت اجهز في الغداء وكدا، اتعودت طبعاً، عم عبد الرازق جاء أثناء ما بجهز، قالي والله بقيتي لي زي بتي عديل ما عارف بعد تمشي البيت حيكون كيف، قلت ليه لكن نايف حيكون موجود يا عمي، وان شاء الله حيرجع واعي، وبعدين يجيب ليك مرته😂💛،

قالي والله لكن يا بتي الحمد لله ان شاء الله بس😂✨، جهزت الغداء وقعدنا أكلنا، بعد انتهينا لميت العدة وغسلتها عايزة ارجع كدا اتذكرت حاجة، قلت ليه عمي، قالي تفضلي يا بتي، قلت ليه عايزة اتناقش معاك في موضوع...

فاللهم 💛💛✨

يتبع....