أسميتها الهوى💜

أسميتها الهوى 19💜

أسميتها الهوى 19💜
بقلم: رحاب يعقوب

غير متعلق:
َ”قِيل في الصَبر : هُو القبوُل الهادِئ بَأن الأموُر يُمكِن أنّ تتحقَق بترتيِب يختلِف عَن الّذي تظُنه فِي  عقلك ، بتدبيرٍ عظيمٍ مِن الله”💛
عمق😴🌸💙

-
بجد انا وضعت نفسي قدام تحدي كبير، انا معاي أقل من 48 ساعة إذا حسبت ابتداءً من الآن، جاء العم وقال لي يا بتي القلتي قدام القاضي دا كبير، بس ربنا ما يخذلك يارب الليلة كل ما سجدت حادعي ليك يا بتي، قلت ليه تسلم يا عمي، انا واثقة من أنه ربنا ما حيخذلني مادام أردت تحقيق العدالة، وهسي التحدي الختيت فيه نفسي لازم اربحه والعدالة تظهر، انا وعدت عمي عبد الرازق اني حاطلع براءة نايف، وان شاء الله اول ما يصحى حيلقى نايف جنبه وبإذن ربنا، قال لي ان شاء الله، وربنا موجود، يلا ختي الرحمن في قلبك، قلت ليه ونعم بالله، يلا يا عمي نمشي المستشفى واطمئن على عمي عبد الرازق، بعد كدا حاتوكل على ربنا، قال لي يلا، ركبنا بعد وصلنا هناك قالوا لينا لسة هو في العملية، قلت ليه عمي... قالي صحي ما كلمتك بكري، قلت ليه عمي بكري وخالتي الهام ربنا يخليكم ممكن تكونوا مع عم عبد الرازق و... خالتو الهام سكتتني قالت لي ربنا يوفقك يا بتي، نحن أهل خليك مطمئنة وربنا معاك، قلت ليها شكراً، قلت ليهم كلموني اول ما يخلصوا وبنتيجة العملية تمام؟، اشروا لي بمعنى تمام، ابتسمت وعلى طول طلعت من المستشفى، اتجهت للمركز، وصلت هناك ودخلت قعدت مع المفوض، قلت ليه السلام عليكم، قالي وعليكم السلام، اتكلمت معاه في الموضوع دغري قال لي طيب انتِ موثقة اوراقك على انك محامية هنا؟ اقصد هنا في السودان؟ وبعدين نحن ما حنقدر نستجيب ونكون ليك فريق إلا بإذن، يعني.. قلت ليه طب طيب فهمت عليك لازم اخد إذن صح، قالي ايوة، قلت ليه، اتجهت المكتب وهناك بعد زمن حتى أدوني اذن، والحمد لله كونت فريق كويس عشان التفتيش، قلت، انا كنت مع الفريق وعلى تواصل إذا استجد اي جديد، واديتهم كل المعلومات عشان التفتيش، كانت فريق كبير بتاع عمل، بعد مضى اليوم من بحث شبه مستحيل ومرهق، استمرينا بالطريقة دي لحدي صباح اليوم التاني، وانا كنت حايمة بالعربية الخاصة بتاعة واحد من العناصر وكان اداني ليها، وقفت واتذكرت عم عبد الرازق، عايزة اتصل على ناس خالتو الهام اتذكرت ما عندي الرقم شلت واتصلت على الدكتورة، قلت ليها دكتورة، قالت ايلينو، وينك يا بت الحمد لله طلعنا من العملية ونجحت الحمد لله شفتي كيف، قلت ليها الف حمد لله يارب😭، عمي كويس هسي؟ قالت لي تمام ووضعه ماشي تمام بس يصحى متين ما معروف انتِ وين هسي؟ قلت ليها في مهمة تفتيش، قالت لي تفتيش؟ بتاع شنو؟ حكيت ليها قلت ليها هسي... قالت لي ايلين دقيقة انتِ جادة في البتعملي فيه دا؟ يا بت انتِ بتبحثي عن إبرة في كومة قش فهمتي البلد الواسعة دي تلقي وين مهما نشرتي من عناصر، وبعدين انتِ شفتيه مرة واحدة وقلت كان ملثم، ومعقول ما يكون هرب أو مندسي أو اتخلص من الدليل خليك واقعية شوية، انا ما عايزة احبطك ولا حاقول ليك حتخسري القضية، قلت ليها دكتورة عارفة اني يمكن بعمل في غباء، بس انا خاتة ثقتي في ربنا فهمتي وو... تيييت الخط قفل، تقريباً كان قفل من عندها، رميت التلفون قلت هسي يا ايلين انتِ معقولة بتعملي في غباء؟! دا شنو المستحيل دا؟ لالا ما مستحيل ولاشيء، لكن بجد كلام الدكتورة صح، ايلين ااااخخخخ وين عقلك البتفكري بيه في قضاياك اخخخ وين واقعيتك؟ نزلت دمعة مني وبصوت عالي أشبه بالصراخ قلت يارب...