أسميتها الهوى💜

أسميتها الهوى 3💜

أسميتها الهوى 3💜
بقلم: رحاب يعقوب

وتوكل على رب الأرزاق انه لن يخيب الأمل،وتأكد انه لا تجد حياة تخلو من علل، تذكر ربك كل ما شعرت بضيق أو كلل.
ثم قل رباه افرجها ولا تحرجها✨

لما طلع الدكتور ملامحه ما كانت تمام، في اللحظة ديك انا مسكت في رانية بقوة قلت ليه دك دكتور خ خير، نزل كمامته ومسح عرقه بمنديل وابتسم، قال لينا نحمد الله ونشكره على نعمته، الف حمد لله على السلامة ياااخ العملية نجحت بفضل ربنا وبفضل دعواتكم مع انه نسبة النجاح ما كانت كبيرة، معليش ياااه بكون خلعتكم لكن والله تعب العملية بس😂، في اللحظة دي انا فكيت رانية وصرخت وسجدت في الارض، سجدة الشكر، بالجد كانت لحظة ردت لي روحي من جديد بعد سنين، رانية ضمتني وشديد وبكينا سوا من الفرح، وكمان خالتو عزيزة وعمي عدلي، ومشيت قلت للدكتور شكرا ممكن اشوف امي؟، قال لي بعد شوية وتاني الف حمد لله على السلامة ياااخ عوافي، المستشفى كلها بتعاين لي ولفرحتي، حرفياً هم كمان ابتسموا معاي وتلقائياً، جاتني بت تركية ادتني وردة حمراء، وقالت لي الشكر لله، باللغة التركية، وانا طبعا متعودة على اللغة التركية قلت ليها شكراً، بعد ربع ساعة كدا دخلنا لأمي وطوالي وقعت فيها حضن، باستني قالت لي الحمد لله يا بتي ربنا ما بيخيب زول، رفعت راسي وبستها في راسها قلت ليها الحمد لله يارب، تقريبا تلت ساعة وانا ببكي في امي وهي بتبكي من الفرح، وبنحمد الله في كل لحظة بتمر، رانية ربتت على كتفي قالت لي ونحن ما عايزين نحمد لخالتي السلامة دي ما امك براك على فكرة، عاينت ليها ضحكت وزحيت ليها، جات حضنت امي وبكت قالت ليها خالتي وامي التانية، الف حمد لله على السلامة يارب ودائماً صحتك متوجة راسكك يارب ما عارفة اقول ليك شنو لكن بالجد، قالت ليها واصلاني قولتك يا بتي الله يسلمك حبيبتي انا، رانية زحت وجات خالتي عزيزة وعمو عدلي حمدوا ليها السلامة، عن كمية الفرحة الملت المكان، عمو عدلي قال وحاة الخلقكم الليلة العشاء علي انا دا، رانية قالت  بابا دا اصلا مزتي وكراشي وبحبه😌، عمو عدلي قاليها رانية بطلي القلة ادب😂، خالتو عزيزة قالت أصلها ما بتخلي جنونها دا، قالت ليها يا ماما معليش ما تغيري، قالت ليها رانية، بطلي تعاليقك السخيفة دي، ضحكنا وشبعنا ضحك اليوم داك، ورانية صورتنا وختتنا ستوري،

ستمضي الأيام وسنفرح، سيطيب قلبنا بعد زمان طويل كان فيه يُجرح
دع الأيام تمضي، سيأتيك فرح فلا تسعى وراءها تُرضي
رحاب يعقوب#💛✨

اليوم التاني أصبحت مبسوطة بجد ولبست فستان كحلي وكل شيء طقمته كحلي، انا عشان لوني قمحي فاتح رانية بتقول لي بيجي معاك شدييد، مشيت وفطرت مع رانية بمزاج، مشيت اخدت رضا امي وكدا وطلعنا، كان مزاجي رايق شديد، حتى في الجامعة استغربوا مني ما على عادتي،
مرت السنة دي سريع وانا كل ما اشوف امي بتمشي بجد بفرح شديد، وجات السنة اللي بعديها ومرت بجد يااخ آخر سنتين كانوا احلى سنتين كنت مركزة في دراستي بانبساط، مع انه ما كان عندي صاحبات بس برضه ما كان هاميني كل الدنيا رايقة في عيني لأن أمي بعافيتها، يوم التخريج تبعي انا ورنا مشينا المنتزه، ونحن لابسين الروب، بجد كان احلى تخريج فيك يا دنيا، دفعتي الكانت معاي مع اني ما كنت بلمهم، بس ودعنا بعض وكأننا كنا أصحاب وشديد، واخدنا كلنا سيلفي سوا مع اني ما كنت عايزة بس رانية ما سابتني في حالي، فاضطريت أتصور معاهم، واحدة سودانية من الدفعة قالت لي لكن طلعتي مزززة، رانية قالت ليها مش لكن تقولي شنو ناس ما بتقدر جمالها، ضحكت وسلمت علينا وفاتت، كان يوم حلو جداً

مرت الأيام وبقيت تلك الذكريات في قلبي، مر شهرٌ سراعاً الأيام تمضي وكأنها سوابق...
بعد مرور الشهر دا اشتغلت واتخصصت في مجالي ذاته، اللي هو محاماة، ما كنت مصدقة اني بقيت بمكتبي ومكتبتي وكنت مشغولة بالقضايا البتجيني كتيير،
في يوم وانا قاعدة براجع في واحد من الملفات العندي جاني راضي واللي هو موظف عندي، قلت ليه راضي الموقفك كدا شنو تعال، قال لي عايزة اكلمك...

فاللهم الخير أين ما حللنا💜🌸..
يتبع...

اسفة للقصر دا بس اعمل شنوو☹☹💔