أسميتها الهوى💜

أسميتها الهوى 11💜

أسميتها الهوى 11💜
بقلم: رحاب يعقوب

اقتباس💛:
نحن لا نكبر بعدد السنوات التي مضت بنا، بل بعدد الصدمات التي قضت علينا حتى بلغت قلوبنا من الكبر عتيا😪💔

حاولت اتذكر ملامح المرة  وركزت معاها فجأة اتذكرتها، كانت مرة بتكرهني شديد لمن كنت في تركيا، عشان انا مرة غلبتها في قضية وهي كانت رافعة القضية كذب، ومنها كرهتني وحاولت تعرقل لي شغلي بس ربنا ما وفقها، قالت لي تذكرتيني مش يا قرضة😏، قلت ليها انتِ، ياخ انتِ ما بتخافي ربنا؟، مفترض اصلاً بعد عملتك وظلمك داك ما يكون عندك وش تاني، لكن لااا لسة متمادية انتِ مفتكرة حتموتي في ياته يوم؟ مفتكرة حتقابلي ربنا بياته وش ياخ اتقي الله، قالت لي هسسس كلامك كتيير، عاينوا ما تهرب من يدكم لحدي ما نعرف نتصرف معاها كيف، نشوف تاني ذكائك يا محامية حينفعك بشنو😏، قلت ليها الباطل عمره وحتشوفي، وختوا لي الرباطة عشان ما اكمل صريخ فيها، هي كانت فاتت وخلتني مع ديل بس الراجل الكان معاها لسة واقف، نزل لثامه قال لي يا غبية انتِ دا مصير البيحاول يتراجل معاي ويتحدانا، شفتي الولد المات دا انتِ كمان حتلحقيه😏، عايزة استفسر منه بس ما قادرة مع الرباطة، نزلها لي قلت ليه ولد؟؟ وكمان قاتل... فجأة اتذكرت نادر، قلت ليه قصدك..؟ قال لي بالضبط كدا انا ياداب اتأكدت من ذكائك وضحك ضحكة مليانة شر، قلت ليه ربنا ينتقم منك انت ومرتك، قال لي كلام لكن وعرفتي انها مرتي كيييف؟، قلت ليه ما حاجاوبك فكني، قال لي اممممم، وواحد منهم خت لي الرباطة تاني، فضلت بحاول ادفع وادفع عشان افك الرباطة بقوة، بس ما قدرت، فضلوا الرجال ديك واقفين قصادي وحارسني، أشرت لواحد، قال لي خيير دايرة شنو؟ فك لي الرباطة قلت ليه عايزة موية، رفع حاجبه وعاين للراجل التاني مسافة، قال ليه احرسها وخلي بالك، مشى عشان يجيب الموية، نفضت رجلي عشان الجزمة تقع، فعلاً انخلعت وطارت، قلت للتاني جزمتي لو ممكن؟ حدر لي مسافة ودنقر يجيبها لي، في اللحظة دي على طول استجمعت قوتي وبسرعة وقعت فيه بالكرسي، بقيت بنفض في يدي بقوة شديدة لحدي ما فكيتها، وبرضو بنفس الطريقة رجليني، وبقيت محررة كلي، وقفت على حيلي على طول، لقيت خشبة تقيلة اول ما هو قام هددته بيها، قلت ليه ممكن افلتها في اي لحظة عشان كدا اوعك تقرب مني، على طول قمت جريت برة لقيت داك جاي، ومن حسن حظي كان في شجرة كبيرة ادسيت وراها، لاقاه في الطريق التاني وقال ليه مالك جاري؟ قال ليه هربت، هربت، قال ليه شنو؟ انت غبي ولا ما بتعرف تتصرف الليلة حيقتلوك سرعة نشوف وين فاتت، فاتوا بالاتجاه التاني بيفتشوا علي، بس انا وقفت، قلت وما عارفة ليه، لحظتها جوا المرة وراجلها مارقين، عاينت لتلفوني وفتحته، سجلت فيديو لكلامهم واخدت صور ليهم، كان دليل قوي وكبير، بعدها جريت لحدي ما قدرت أتجاوز، لقيت لي عربية ماشة وقفتها، قلت ليه الله يخليك ساعدني، نزل القزاز لقيته عم عبد الرازق، قلت ليه عمييي😭، قالي ايلين يا بتي، اركبي، ركبت قالي يا بتي وين اختفيتي؟ خوفتيني عليك ومالك حالك كدا ؟، قلت ليه خطفوني يا عمي💔، قالي شنو؟؟😨، ودا منو؟ والله الليلة ما اخليه، قلت ليه القتلوا نادر، خطفوني عشان الحقيقة ما تظهر ويبدوا يفتشوا عليهم، قالي والله ما اخليهم، المهم انتِ كويسة؟! ما صابك شيء؟! قلت ليه كويسة يا عمي، بس خلينا نمشي المركز طوالي، قالي يا بتي بتكوني تعبانة، احسن نمشي البيت وبعد ترتاحي نرفع عليهم دعوة، قلت ليه عمي موبايلي ما شاحن كتير، وانا الدليل القوي عندي هنا عليك الله يا عمي، قالي خلاص خلاص طيب، مشينا المركز، وصلنا المركز المفوض اول ما شافني مع عم عبد الرازق قال ليه مش دي هي ايلين المحامية؟؟! قال ليه ايوة، قال ليه ما كلمتك ماشاء الله على المحامية دي، شوف قدرت تحرر نفسها من نفسها وتغلب الخاطفين ببساطة، قلت ليه شكراً ليك حضرة الضابط لكن حالياً انا عندي شكوة، قال لي اتفضلي، فتحت ليه الفيديو السجلته، قلت ليه شايف ديل الخاطفين وعايزة منك تقبض عليهم، حفظت شكلهم؟؟ قال لي ممكن تحولي لي صورهم دي وبعدين قولي خطفوك ليه؟ قلت ليه عشان ما اكشف الحقيقة في المحكمة، القضية بتاعتي بتخصهم، وهم المفترض يتسلموا للعدالة والقانون، وعندهم معاي تار قديم بتاع قضية وبرضو مفترض يتسلموا للعدالة، هم قتلوا ولد اسمه نادر وهو المتهمين ولد عمي عبد الرازق بقتله وانا محامية الدفاع بتاعته، اول ما تلقوه بالله اضغطوا عليهم يعترفوا وسجلوا لي اعترافهم، عشان دا عندي دليل كبير، قال لي طيب تمام، نادى العناصر قال ليهم حنبدأ تفتيش من هسي، قلت ليه شكراً وطلعنا، مشينا البيت، وصلنا هناك العصر اذن، مشيت الحمام وأتوضيت طلعت غرفتي اصلي، وعم عبد الرازق طلع الصلاة، بعد سلمت وانتهيت من الصلاة كنت مهلكة بشدة، رقدت واخدتني نومة من غير ما احس، صحيت تقريباً الساعة 3:30 قلت يا ربي الغداء، لبست ونزلت تحت سريع سريع لقيت عم عبد الرازق قاعد بيشرب موية قلت ليه عمي انا نسيت الغداء ما تواخذني، قالي عادي هه ما تقلقي، سويته و

سويت ليك الغداء تعالي اتغدي واشربي عصيرك، نزلت واكلت وغسلت العدة، جيت قعدت كدا، اتكلمت مع عم عبد الرازق، عم عبد الرازق قالي صحي عندي فلاش تنقلي فيه الفيديو عشان تعرضيه في المحكمة، دقيقة اقوم اجيبه، فجأة كدا....

فاللهم ليناً يا الله وانت اعلم ما بنا💛💛💛💛💛💛✨

يتبع....

اسفة يا جماعة والله سهيت ونسيت انزل البارت من المشغوليات العلي😭
انجوينغ يا جميلين🐼💜