عشق تحت الوصايه 2

حلقه((25))

الجزء الثاني
عشق_تحت_الوصايه
حلقه( 25)
بقلم/ إيمووو

ليس الفؤاد محل شوقك وحده .. كل الجوارح في هواك فؤاد..

تقدم ناجي الي عبدالله مره اخري ووقف امامه في ابتسامه قائلا في سخريه :" عبوووده .. تصدق وحشتني في الدقيقتين اللي سبتك فيهم دول ؟؟.. اصلك متعرفش انت بقيت غالي علي قلبي قد ايه !! "

عبدالله بنفس السخريه:" عارف يا نااجي .. ما انا لو مش غالي هتكلف نفسك عليا قوي كده ليه ؟؟.. عايز ايه يا ناجي !! .."

جلس ناجي امامه ووضع قدمه فوق الاخري وهو ينظر اليه نظره تحدي ذات مغزي خاص :" مرااتك .. عايز مراتك في حضني "

غلت الدماء في عروق عبدالله وهو ينظر اليه متوعدا فحرك جسده بعنف الي ان لمس الحائط خلفه ثم دفع جسده بيده بقوه نحو ناجي واطبق علي رقبته بيديه وكاد ان يخنقه قائلا في كراهيه شديده وغضب :" هقتلك .. هقتلك يا ناجي لو فكرت تمسها "

تقدم رعد اليه وضربه علي رأسه مره اخري فأفقده وعيه وتساقطت الدماء من رأسه وارتخت يديه عن عنق ناجي في خفوت وضعف بينما اخذ ناجي يسعل بشده اثر قبضته عبدالله التي كادت ان تقتله .. نهض ناجي من علي ذلك الكرسي وامر رعد :" فوقه .. مش عايزه يغمض .. "

تقدم رعد ومعه دلوا من الماء المثلج مره اخري ودفعه بعبدالله لينتفض مره اخري ويرتعد جسده اثر بروده المياه .. وضع ناجي يديه في جيبه وهو يحدث عبدالله في كراهيه وغضب:" معقوله تزعل يا عبوده عشان بقولك عايز مراتك في حضني ؟؟... لا بجد مكنتش اتوقع منك كده انا عارف ان بالك طويل .. "

لف ناجي حول الكرسي قائلا في نشوه ورغبه انتقاميه :" تعرف يا عبدالله انا بحب الذل والتعذيب قوي .. بحس بمتعه غريبه وانا بعذب الناس واشوفهم مذلولين تحتي .. انا لسه معملتش حاجه .. بس عايزك تعرف ان مع كل مره هتحس بوجع مرام هتحس بأضعافه بعد موتك لما تبقي تحت ايدي .. عارف ليه ؟ .. عشان انت مهما كنت راجل يعني مش هلاقي متعتي معاك زيها .. وهي بصراحه حلوه اوي ونفسي اشوف جسمها ده كله باين عليه عذابي ليها .. يااااه هتبقي احلي متعه عشتها في حياتي "

حاول عبدالله ان يهجم عليه مره اخري ولكن اسرع رعد وبعض الرجال الاخرين وقيدوه امام ناجي فصرخ بوجه بأعلي قوته :" هقتتتللللك يا نااااجي .. ساااامعني هطلع روحك بأيدي لو مسيتها .. "

هوي رعد بلكمه قويه علي وجه عبدالله ولكن عبدالله نظر اليه متحديا وكأنها لا تؤثر به فشرع رعد بتلكيمه في كل جزء بصدره ووجه وجسده بكل قوته وكأنه يمارس المصارعه الي ان سالت الدماء من انفه وفمه وتورم وجهه.. بينما كان ناجي يراه علي تلك الحاله ويضحك بشده وهو يشاهده يتحامل ويكابر ويعاند كي لا يظهر الضعف امامه فتقدم ناجي اليه وهو يمسك شعره بين يديه ويرفع وجهه اليه في تشفي وانتصار ولكنه فوجئ بعبدالله يبصق الدماء علي وجهه بعنف وكراهيه قائلا :" ده اللي قدرت تعمله ؟ .. وريني يلا وهات اخرك "