#الفصل_الواحد_والعشرون
#قلوب_متمرده
فزعت تلك النائمه علي صوت صريخ عليا التي تنادي عليها
تقدمت عليا منها قائله...
" انتي نايمه ولا علي بالك قومي شوفي المصيبه اللي أحنا فيها "
نظرت لها ريهام بنعاس قائله ...
" مالك ياعليا بس ايه اللي حصل "
ضحكت عليا بأستهزاء قائله ..
" هه ابدٱ عمي هيتجوز "
قفذت ريهام مسرعه من علي الفراش قائله ..
" ايه!! بابا هيتجوز؟؟.. وهيتجوز مين بقه "
جلست عليا علي طرف الفراش قائله...
"مش هتصدقي.. هيتجوز نعمه هانم وعايشين قصه حب ولا عيال في ثانوي هتجلط"
نظرت لها ريهام نظره أخيره وأنصرفت خارج الغرفه مسرعه لأسفل وهي خلفها
هبطت ريهام الدرج وهي تنادي بأسم والدها قائله ...
" بابااااا.. يابابا "
تقدم المنشاوي منها قائلا ...
" نعم يابنتي صوتك عالي ليه "
وفقت ريهام أمامه قائله...
" اللي سمعته دا صح حضرتك هتتجوز فعلا "
نظر المنشاوي لعليا الواقفه تنظر له بشماته ثم أجابها بهدوء قائلا ...
" ايوه هتنجوز نعمه هانم "
نظرت له ريهام نظره مطوله ثم أبتسمت بفرحه قائله وهي تحتضنه...
" ألف مبروك ياحبيبي فرحتلك والله لما عرفت بس قولت أتأكد منك أيوه كده رجع شبابك ودلع نفسك "
زهلت عليا من فعل ريهام أمسكت ريهام بكف يده وسحبته معاها ليجلسوا قائله ...
" تعالي بقه ياحبيبي أحكيلي علي قصه حبكوا "
ضربت عليا بكف فوق الأخر قائله ...
" ايه العيله دي "
ـــــــــــــــــــــــــــ✧✧✧ــــــــــــــــــــــــــــ
بعد مرور مايقارب ساعتين جالسين نصفهم في البهو الداخلي للمنزل وهم تبع العريس والنصف الأخر جالسين في حديقه القصر وهم تبع العروس كما قسموا نفسهم
بالخارج في الحديقه كان يجلس علي المقعد الأول في المقدمه وحيد وهو يزفر بضيق مما يحدث بجواره علي الأريكه يزيد وبجواره يزن وعلي أريكه أخري هنا وبجوارها ندي
أما في الداخل فكان جالسين باقي أبطالنا في أنتظار المنشاوي يأتي لهم خرج من غرفته وهو في كامل أناقته أقترب أحمد منه وقف بجواره قائلا...
" أحنا لسه فيها أرجع عن اللي في دماغك دا "
رمقه المنشاوي بغضب قائلا ...
" ولاد.. أرجع مكانك ومسمعش صوتك "
تحدث أحمد بأستهزاء قائلا بغيظ...
" بقه كده الحق عليا بنصحك انت حر وأنا تبع العروسه "
تركهم أحمد وأنصرف للخارج تقدم سليم من المنشاوي قائلا بضحك ...
" جاهز ياعريس.. "
المنشاوي بصرامه...
" ولدددد "
