أسيرة القائد

الحلقه ـ ٢ ـ

شُجان ـ أصعب موقف الأخت ويه اخوهـا وهيج مواضيع احس روحي منتهيه كلشي ولا اخوي رغم ايقين نفسي ما عندي شيء وياه بس شعور الخوف يمتلك الإنسان باللحظة غصب عنه .

باوعلته يمه حارث جان عصبي لازمه من ياخه قميصه ضربه بوكس صاح بيه وكريم يتكلم يحاول ينقذ نفسه ورطه من الصبح الله لاينطيك كريم.
باوعلي حارث وصاح بيه بعلو صوته

حارث ـ وأنتِ دخلي البيت لا أموتج بســـرعه

ـ ركضت للبيت علــىٰ صوته طلع حامد عالسريع وشافتني امي ركضت بحضنها والله يمه هو وكف بطريقي واني جنت انتظر رميم فدوه فهمي اخواني حارث اتخبل خاف يحجي ويرجعون عليه

ـ ادري يمه ادري خل يولي امشي دخلي البيت بدلي لاتروحين اليوم ما تشوفين وجهج شلون صار من الخوف لما اشوفهم خاف ابتلى بي واحنه ما ناقصين هذا شكله واحد شراني وما ناوي عـلـى خيـــࢪ .

ـ ماشي يمه دخلت لكيت شهد هسه كاعده صح النوم خاتون توه الناس جان بقيتي للظهر

ـ شنو رجعتي شبيج وجهج مكلوب احجي عاد

ـ ما الي خلكج صعدت غرفتي بدلت ملابسي بقيت كاعده بالغرفه والخوف بگلبي منين طلعت اليه .

شهد ـ هاي شبيها خل اطلع افهم السالفه شكو فتحت الباب حارث لازم كريم وجهه كله دم ياا عزاا هاي شمسوي بي وحامد يهدي بي تخبلوا هذول

حارث ـ ولك افهم كلامي كلش زين هذا طريق ما تمشي بي بعد اول شيء اهناا أبو الخط مالت الطالبات يوكف تاخذ بنات المنطقه ماكو داعي واكف وصاير بطل شاروخان وتغازلهن صاعد نازل عيب بطل هل الحركات هالمره سامح مره الثانيه اجنزك وادزك لبيت فاهم عليه لو لأ .

حامد ـ والله لما ابن عمك قائد وجدك والكم سمعتكم اعرف شغلي وياك امشي ولاتشوفونا خلقتك مره ثانيه افتهمت راوينة عرض كتافك .

كريم - يا حيف الصداقه العمر الكضيتها وياكم من موقف واحد حكمتوا عليه بسالفه مو زينه اني ما جنت متقصد احجي ويه المحروسه بنتكم بس شفتها واكفه وسلمت عليها .

حارث ـ لأ تبـــــرر كتلك روح منـــــا وشوفنا عرض كتافك تحرك من خلقتي .

- مع شديد الأسف بس اني اعرف منو لعب بعلقكم قائد الكلب بس والله اندمه ما اكون اسمي كريم من هذا شاربي اخلي يدفع الثمن غالي .

شهد ـ يمه عزه هاي شجاي يصير هذا ما ناوي على خير الله يستر بس ، راح يمسح بل الدم اجو اخواني شافني حامد كال

حامد ـ شبيج مثل بزون تباعين ما تكدرين اذا ما تعرفين السالفه المن طالعه ما ادري

حارث ـ وينها هاي ولج شُجان وين اريد احجي وياها شُجان شُجان .

حامد ـ على كيفك لاتصيح عليها شجان عاقله وبعدين مستحيل تغلط هو كلب وزين نعرفه ماله داعي تروح عليها وتصيح وتخبص الجو .