أسيرة القائد

الحلقه ـ ١٠ ـ

كريم ـ شسالفه زوجه ابن عمي ما نعجب تسلمين عليــنا ترى صرنـا الآهل .

قائد ـ شجان روحي وانت ابن عمي مو اهنا نحجي نروح لغيــر مكان شتكول

كريم ـ براحتك ابن العم نشوفج بخير زوجه الغالي

شجان ـ مشيت وعفتهم شافك الموت واخذك ان شاء الله وخلصنـا منك باوعت عليهم حارث شافني اباوع عليهم كال

حارث ـ  هذا الحيه المسمومه النثيـه  ما مرتاح اله ابد يومية يلبـس َوجهه شكل نعله على بليسه ما يطهر ما يتعدل ، امشي دخلـي جوه

ـ دخلت البيت وكلام حارث خوفني وليش خايفه قابل شمسويه عابتله ، خليت الصينيه على السنك  دخلت نارين

نارين ـ أكدر أحجي وياج

ـ أي عادي

ـ ما اعرف شلون ابـدي بس احب أكولج قائد قبلج جان يحب أختج شمس !!

ـ بس وبعدين . كملي كلامج

ـ بس

ـ وشُنو هدفج من كلتلي هالكلام وبهذا الوقت

ـ لان ما اعتقد قائد يحبج وانتِ تضلين اخت زوجي واحب اقدم إلج النصيحه لان اخواتج ما ناويات يحجـون الـج لان مريضه وهيج شي

ـ تحجي واني دموعي تصب من كـالت مريضه شمرت الصينيه حسيت روحي فقدت واعيط لاتكولون مريضه اني ما بيه شي كلكم جذابين بيمن طلعـت مخدوعه شنو ضامين عليه بعد ،
بديت اصيح وابجي على صوتي اجتي اخواتي وامي وحارث حسيت گلبي وگف .

شمس ـ ولج شجاج نارين شبيـها تقربت عليـها تفرك بصدرها وتسحب نفس قليل امي تضرب على خدها ووكعت من ايد أمي

إيمان ـ بصراخ شجـــاااااان يمه بنيتي ولك حارث الحك خيتك شجانه يمه فتحي عيونج يمة شجانه

حارث ـ بعدوا من يمهـا شجـاها هسه عفتهـا كلشي ما بيها بسرعه نارين سويج السياره بسرعه

شمس ـ باوعت على نارين حسيت كله من وراها واني ابجي على اختي أخذها حارث وامي راحو كعدت يم الباب ابجـي ما طول تعرفون مريضه ليش انطيتوهـا الـه ، دمرتوها بهالزواج الآگشر .

شهد ـ أنتِ السبب ضليتي ساكته ما أعرف وين تردين توصلين صرت ما أعرفج ، واني اخاف عليهـا ما مستعده اخسر اختي ما ادري تتوقعين راح تعيش ويـاهم

ـنارين كله منها الج رحت عليها كله منج انتِ
حجيتي شي وياها ولج مو تعرفين بيها مريضه

نارين ـ وانتِ تعرفين قائد كلش زين ليش ساكته ليش سگتي عن الماضي أحجي وتعرفين اختج مريضه مو هذا قائد الي تزوج صديقتج حتى ينتقم منج وهسه يعيد نفس الشي لان انتِ انسانه ضعيفه نقصتي َمن شخصيته وهنتي رجولته  وهسه دفعي الثمن يا حبابه وخري عني وروحي شوفي نفسج بعدين تعالي حاسبيني .