أسيرة القائد

الحلقه ـ ٨ ـ

شمس ـ تفاجئت وحسيت لساني نربط عدلت كعدتي واني افرك بيدي توترت وهو عيونـه تراقبني سحبت نفس وجاوبته مو عيبً تسأل اختك هيج سؤال وبعدين شعندي وياه مثلا اعتقد زوج اختي

حارث ـ زوج اختج على عيني وراسي ما كايل شيء بس أنتِ ما جاي افهم سالفتج قبل فتره شفت واكفه ويـاه من طريقه كلامهم من بعيد بين الـي اكو سر وهسـه هذا اللي أريد أعرفه .

ـ يحجي بعصبيه واني ارتبكـت كل اشويه اجر نفس واني احس روحي راح تطلـع من شده اوجاع الي تلقيـتهـا
ما الك حـق تحاسبني صحيح وكفت وياه ما انكر هل الشي بس سألته عن محمد لان جان متغير وقليل يجي لبيت وهذا هو .

ـ بس هيـج وحديثج عن محمد يطول ربع ساعه شو ما  جـاي اقنتع وما احب اخرب علاقه بيني وبينج لان اختي واكبر مني بس اتمنى تتصرفين بعلقج وهسه ترحين ويه امي لبيتج وافهمي السالفه من رجلج منو الي يحش براسه وغيره عليكم وخلاه متخبل وكام يضربج بدون رحمه .

ـ جاوبته بثقه ما اروح ورجلي ما تخطي خطـوه من بيت ابويه ، صاح بصوت عالي واني انثولت

ـ مو على كيفج ما تروحيــــن عينـج صايره كويه شمس لا تخبليني لخاطر الله كومي ولي وافهمـي منه ليش يضربـج كومي لا ابتلي بيـج

ـ ما اتحرك َخطوه خارج هاي الغرفه ماني طالعه شسوي سوي عيط على صوته دخل حامد كام يحجي عليه وامي تعض اصابعهـا عليه وشجان بس صافنه عليه

حامد ـ تخبلت انت شكو تصـيح ليش هيج تنحل المشكله بعدين بكيفك تقرر شمس تروح مو تشوف العار زوجـها شمسوي بخلقتـها شنو ما عدهـا اهل والله اذبحـه واشرب من دمـه والله .

حارث ـ خل نفهم السالفه بعدين عيط خل تروح يتفاهمون المره ما الها غير رجلهـا لان ما اني دايم الها ولا انت ولا حتى اهلي تريد تجي متطلكه وراها ابنها برأيك هذا حل .

ـ تطلك ولا يضربها هذا هالمره ضربها واحنا سكتنا راح يكول اهلها َما مهتمين الها وبكيفه يصول ويجول خلي كرامه لاختك بعدين قرر ترجعها .

ـ كلمة ماكـو غيرها وانت اسكت ترا اكلت راسي اني اعرف مصلحتهـا هسه تاخذين امي وترجعين لبيتج واذا مد ايده عليج مره ثانيه تعالي عليه وبيدي اذبحه بس احجي وياه وافهمـي منه زوجج اكو من يلعب بعقله ولادوخيني وياج اكثر من اني دايخ

شمس ـ طلـع حارث وجر حامد ويـاه امي طلعت اخواتي وقفلت الباب واجتي عليه كلت بوجهه محد دمرني غيـرج مو هذا اختيارج استلمي من كله ايدج

ـ من ايدي ولج هسه ذبيتي اللوم عليه ، ليش مو أنتِ الثوله ما عرفتي تكسبين رجلج .

ـ اني هسـه صرت ثوله ما اعرف إكسبـه صار الحق عليـه شسوي لاحد يجي عليه قبل اكلتي راسي لحد ما دمرتي مستقبلي وهسه نفس المشهد نعاد عليه عوفوني ترا طكت روحي