أسيرة القائد

الحلقه ـ ٢١ ـ

إني اليوم أعلنت إنشقاقي ..... وبكيت الدمع ورميت أشواقي
الحبُ يأسرني رماني قتيلاً بين ذراعيك ....

اليوم استسلمت لكي ورميت قلبي ... بين كفيكِ فلا تذبحيني وتنهي مشواري

أنا المذنب وأنتي السياف فكِ عن وثاقي كفاكِ ... لاتخدعيني إني أراك...

شجــان ـ صحيت باوعـت حـٓواليه اني بالمستشفى شجابنـي رفعت راسي من المخده اذاني حيـل باوعت شفت خيال قائد منطيني ظهره يحجي ويه الدكتور صوتهم واضح اسمعه بس شكلهم مغوش شبيهم عيوني ليش هيـج .

دكتور ـ  زوجتك تعبانه حالـيا استقرت حالتهًا بس تحتاج راحـه

قائد ـ زوجتي مريضه قلب

ـ من شوگت .

ـ يمڪن ولادي.. بس اني اراجعهـا يم دكتور بااربيل وتحسنت حالتهـا

ـ بلغـو دكتورهه حـالاً عدها قلب شنو تنتظر اخي انطيني رقمه خل احجي وياه

ـ والله ما متواجد رقمه عندي حاليا فد نص وراجعلك.. بس زوجتي شلون حالتهـا هسه
عادي أخذها بااربيل ما عندي مانع بس دكتور تتحمل سفر

دكتور ـ  هسه حالته نكول احـس .

شجـان ـ نوعا ما فهمت كلامهم وهو حاير سمعته كال

قائد ـ نعللله عـلـىٰ يـومج شمس

ـ التفت شافني كاعده، تقرب مني.. شجابني للمستشفى ليش احنه اهنــاا

ـ جينـه ننتزهه عاجبني اغـير جوا اهنا..

ـ اوووف منك ، وهسه شكال الدكتور

ـ ماكو شيء  عرج ما يطكـج.. ابقي اهناا هسه ارجع عنده شغله اخلصـها وارجع

ـ وين تروح

ـ اذا صار شي وما رجعــت.. حاولـي لاترجعيـن لمنطقتـنا خل اهلـج ياخذونج لبغداد يم خوالـج
اهلج احسن من اهـلي..

ـ اخذ تلفونه وطلـع دايخ.. دزنـي لأهلي فضـها اني شكو بيك وباغلاطـك.. بقيت التفت انتظر ممرضه بلـكي احصل تلفون اتواصل ويه اهلي يجون ياخذوني ويخلصوني منه .
_____________

شهــد ـ  كاعده وصبوره راسها حار اووف عـلـىٰ حظـج دخلت شمس بيدها علاجات هاا جابهـن

شمس ـ  جابهن حارث عبالي ناخذها لدكتور يكول الجو محترك بالمنطقه.. حامد جان اهناا زين ما ذبحـوو شسوي رجعت يحظي ابقه لما تفض السالفه

ـ اكـلج شتفض هي أنلاصت قائد خبص الدنيا ما تعرفين رجليهـا من راسـها ، انوب هل الطفله شنو ذنبها انحرمت من حنان أهلها والله كاسره خاطري

ـ وشجـان محد يعرف أخبارها انوب اني بقيت حايره ما رحت لبيت اهله امي كلامها حيرني

ـ صوجج شكو رحتـي عـلـىٰ امي.. ورطتـي روحج ويه لسان قائد يجوز صدك محتاجهن كومي شوفي تلفونـج يتصل