أسيرة القائد

الحلقه ـ ٢٣ ـ

شجان ـ بعد تعب وطريــق وصلنا باوعت عليه موجوع كوه يمشي لازمت ايده اخذنه تكسـي. اخذ غرفه دخلت بدلت ملابسي هو واكف عينه بل تلفون تقربت عليـه.. قائد جرحَك لازم تشوفه خاف يلتهب

قائد ـ خليـني يمعوده أربيل أهنا مو مثل مناطقنـا .. ما يسألون ، اهناا ادخل بسيم وجيم. هو يطيب لايضل بالج بسيطة

ـ حتى بوجعك تكابر دخلت سبحت حضرت ملابسه وهو نزل جاب الأڪل
صفنت عـلـىٰ حالــي يمتى تضلين اهنا عايشه معقوله حياتي تخلص واحنـه هيـج من مكان  لـمكان تعبت اريد ارتاح بنتي وين صارت كبرت تمرضت جاعت بجت هذا كلـه اني بعيده عنهٓا  مخليه ايدي على خدي وصافنه طلـع ذب خاولـي كوه يمشي بسبب جرحه َوكعد.. تريد غده

ـ لا

ـ  بس انت ما ماكل صار يومين اكل جاهز بس اجيبه الك

ـ  كتلج ما اريد وخلص ليش تلحين

ـ حسيته صار عصبي جر مخده من يمي مدد مخلي ايده على راسه ركزت عليه ضعفان وجهه متعوب شبيدي عليك دفنت روحي وياك بعد شسوي جريت مخدتي نمت بصفه رغم قساوته بس قربه امان الي لان ما عندي غيره واني بنص الغربه

ـ مشتاقه لحضني 

ـ باوع عليه بقه مركز واني دموعي تصب عـلـىٰ خدي مسح دموعي جاوبته... من بعـد حضنك وحنانك عليـه انـي ضعت
اخذني لحضنه يبوس برأسي ويمسح دموعي.. اشهك بنص صدره متمسكه بي بقوه تعبت اريد ارتاح وياك ما اريد اعوفـك

ـ هانت وداعتـج هانت.. هسه احنه في بر الأمان محد يتعرضلنا تمام خلص كافي دموعـج غاليات عندي

ـ مبين وانـت  بجيتنـي دم وهسه صارن غاليات عندك

ـ تحاسبينـي ولـج

ـ لا والله اذكــرك

ـ يكـولون الاعتــراف بالذنب فضيلة انتِ ما اعترفتي بذنبج.. انتـي ضميتـج عليه وهاي نتيجه الي تضم عـلـىٰ زوجها والي المفروض اول الناس يدري

ـ هـو ليش انطيتنـي مجال والله خفت منك وانت عصبـي

ـ هذا مو خوف هذا جبن انتي انسانه ضعيفه ومهززوه وسميعه ادري بيـج ركضتي وره كلام عمتـج

ـ هيه عمتـي شعليهـا مجرد نصحتنـي هم خافت عليه منك وتعرفـك ما تفاهم

ـ شنو شايفتــني وحـٓش لَخــاطر الله.. سدي الموضوع اعصابي تصعد هسه اريد ارتاح مو حتى جسمي صار نار

ـ انت حـارك دمك ما تخاف عـلـىٰ روحـك اخذ الأمور بساطه تنحل كلشي.. كرصني من خشمي بقوه َاييي ليــش اووف قائد

ـ تجفــصين وما توبيـن شو تعـالي اليوم اكسر عظامـج

_اخذني بحضنه القاسي لاتخاف كلهن مكسرات ليش انت خليت عظم صاحي.. بعد ايده عنـي وسكت كلب نفسه نام عـلـىٰ بطنه بقيت صافنه عـلـىٰ ظهره وامسح بخفه ايدي.. صدك اني اجفص اهوايه..