أسيرة القائد

الحلقه ـ ١٥ ـ

لقد طفح الكيل
في كل مرة أنجرف كالسيل
أين جئتي الآن أنتي
لقد كنت مرتاح
كيف وصلتي إلى قلبي
بعد أن أغلقته ورميت المفتاح
وتقولين كنت العب
وتتركين فكري متعب
لقد أحببتكِ فعلاً
مع أن لقائنا كان سريعاً
أنتي المذنبة وكنتي البادئة
وتقولين لي اني كنت لاعبة

شجـﭑڹ -  خليـت ايدي عـلـىٰ حلكي والصدمه شنو معقوله صبحه تزوج كريم ياربي يكون كلامهم مو صح مو عـلـىٰ صبحه بلكي صفا وحامد شلون .

عفتهن رجعت لغرفتي بس قائد انطاه كلمه معقوله يتخلى عن وعده لا مستحيل اخويه شنو موقفه هسه ياربي افكار اكلت راسي افتر ودايخه انثولت دخلت عمتـي شكلها نفس حالتي

مرجان ـ  الله ما يخافون الله راح يزوجها لكريم روحي شوفي حالتها راح تموت ، واهلج شلون حالهم هسه

ـ ليش بس اهلي وحامد اويلي عليك خويه ، أووف مشكله يحبها يموت عليـها بلكي قائد يسوي شي يمنع هذا الزواج

ـ شيمنع عمه هذا ابن عمه تردين يفضل حامد على ابن عمه احنا ناس غربه عنهم

ـ ما ادري عمه ما ادري فدوه روحي يمهن افهمي اي شي ما عندي طاقه اكعد ابتلي بيهن ، راحت واني بقيت كاعده انتظر تاالي ما كدرت طلعت صارت بوجهي صبحه

صبحه ـ  شجان تطلعين نكعد برى

ـ ومـنـو كاعد برى

ـ جدي وابوي راح اخذلهم الچاي والفواكهه واطلع يمهم امشي .

شجان ـ جايه وياج وي طلعتنه دخل كريم ثنياتنه رجعنه كلت لصبحه ، هم عرفتي شعنده جاي هذا

صبحه ـ  اندري اكيد جاي بمصيبه الله يستر منه
أهله دخلن يم جديتي طاري زواج خايفه أكون اني اللي جايات عليها .

شجان ـ داخله جوه خاف أخوج يشــوفني شيـخلصني من لسانه

صبحه ـ اوكفي بلا خل نسمعه شيحجي ، باوعنا ألهم كعدوا وكريم كال لجدي الشــيخ

كريم ـ  جدي انه جايك بموضوع يخصني وياريت ماتردني

الشـــيخ ـ خير شكو

كريم ـ جدي اني جاي اطلب ايد صبحه منكم بت عمي ورايدها ها شتكول شيخنا

صبحه ـ  احس گلبي وكع بمعدتي عزا العزاني شــنـو يخطبني باوعــت عـلـىٰ شجانه ملامح وجهـًه تغيرت وخايفه اكثر مني ، جاوبه جدي

الشـــيخ ـ  اكول خير ان شاء الله يجي اخوها ونشوف هم شــنـو رأيه

كريم ـ  ليش جدي انت موجود وعمي موجود شــنـو حاجة قائد بعد

ـ  واخوها ويعرف بمصلحتها ولازم ننطي علم
كريم.. وهو وينه هسه

ـ هذا هو عمره طويل اجه

ـ السلام عـلـيگـم ها كريم اليوم هنا

الشيــخ ـ اي جاينه بموضوع اكعد اسمع