أسيرة القائد

الحلقه ـ ١٧ ـ

في الجبال والسھول
وتحت الارض وفوق الصخور

تلك الصخرة التي أقف عليھا الآن
التي تذكرني بمكرك وغدرك ياترى أين تكون

سوف أخرج إليك الأوغاد
وأسلط عليك سموم واحقاد

انتِ لي ولن تحيي لتكوني لغيري
سوف أقتلك وأنھي حبي على خديكِ

الموت يقترب إھربي إھربي
لاأريد لحياتك أن تنتهي

إھربي مني فإني أحبك
وأنا رجل شرير إحذري

شجان

ـ  كعدت العصر نايم هو ضليت اباوع عليه  واتمنى من  الله يحميه من كل شر ، كعد هو بسرعه نومه خفيف واني  اتاملت بعيونه

قائد ـ شبيج .

ـ  مشتاقتلك كوَمه .

ـ حضري ملابسي اريد اسبــح  وانتظري اغسلي ملابسي مالت الدوام

ـ قائد شبيك وياي ليش هيج تصرف

ـ  سلامتج ماكو شي بس قدري تعبان وزهكان من الدوام .

ـ بست عيونه ماشي حبيبي بعيوني بس خليني ابدل ملابسي مالت  الدوام 

ـ ماشي بس استعجلي

ـ رحت بدلت وحضرت الحمام واني رحت بدلت ملابسي وهو حضرت ملابسه سبح وطلع تمدد نام ويتصفح بجهازه فتحلي ايده وكال تعالي رحت بحضنه ضعت بحنانه وحنيته ماكو منه كل حركه بحنيه بترقب كل حركه اسويه من ابوس عيونه يضل صافن ويتغزل بكلمات يوصفني اضل صافنه  عـلـئ كم الحب الي بداخله نمت بحضنه واني افكر ماعاند بعد... كال

ـ شجانه لاتعبيـني ويـاج انـي اريد ارتاح وياج باقي العمر مو بس مشاكل رتبي وضعـج ودراستـج ترتاحين واني ارتـاح

ـ ان شاء الله ، باوعـت بعيونه وهو قرب َوجهه يتلمـس خدي باسني ، دمعت عيني مسحها.. قائد اوعدني ما تضرب بعد اسمع مني بل الأول بعدين الك الحق.. والله ايدك ثكيله تضرب بدون رحمه..

ـ تعالي تعالي فريخيتي والله اكل روحي اكل من اضربـج بس كله من ايدج انتِ بس جري عدل عيوني الج

ـ تسلم عيونك... إن شاء الله أعدك بعد ماكو مشاكل اصبر لخاطرك.. بدا يبوس بيه ويضحكـني

ـ هسه عوفينه من المشاكل الي ما تخلـص... مشتاكلج شلون بيه

ـ اخذني بحضنه صحت بيه.. اني حامل عليكفك ضحك

ـ عليكفي بويه من هسه احتل الساحه هيه تكومين بسلامه واريدها بنيه مثل امها

ـ فرحت بكلمتـه معنـاها صدك يحبـني نمنا وكعدت المغرب وقت متأخر  وطلعـت لكيت صبحه تسوي عشه بس دمعته عـلـىٰ خدهاشبيج صبحه.. انطيني عنج اني اسوي

صبحه ـ ماشي استعجـلي خاف تحجي اني رايحه

ـ ماشي راحت بس حسيتها كوه وأكفه هذا قرار الاهل امها ناويه دمرها وابوي لحد الان معند كملت العشه ورتبت كلشـي الحجيه اجتي كعدت وعمتي هم خاله دخلت البيت جانت برى